نفساني

نفساني (https://www.nafsany.cc/vb/index.php)
-   ملتقى أصحاب نوبات الهلع (https://www.nafsany.cc/vb/forumdisplay.php?f=58)
-   -   هزهزة داخل الرأس ودوخة لاجزاء من الثانية ومشكلة بالتوازن (https://www.nafsany.cc/vb/showthread.php?t=133795)

ملامح شفاء 28-11-2018 11:22 PM

هزهزة داخل الرأس ودوخة لاجزاء من الثانية ومشكلة بالتوازن
 
مساء الخير ،، اتمنى الشفاء للجميع من هذا المرض اللعين ،، انا لدي دوخة غريبة لاجزاء من الثانية عند تحريك الرأس ومشكلة بالتوازن وهزهة داخل رأسي اشبه بوجود جهاز هزاز داخله ،،عملت جميع الفحوصات سليمة من اشعة مقطعية الى رسم الدماغ … الخ وانا في حالة سيئة الاكتئاب يداهمني والقلق زاد معاناتي ولا حول ولا قوة الا بالله ،، هل هنالك احد نفس معاناتي ؟

هلوعي نيو 29-11-2018 12:12 AM

أنا معي دوخة تخف وتشد وزغلله بالذات إذا ركزت ، اليوم الي اركز فيه زيادة في الجوال وأي جهاز أو في العمل أعرف أن وضعي ذاك اليوم بيختبص وأحس بيغمى علي ولكن ماسبق وأغمي علي وشعري راسي يكوّش ، وحاليا ماشي في العلاج من 5 أيام ونرجو من الله العلي القدير يمن علينا جميعا ً بالشفا ويسر قلوبنا بالعافية ، آمين

بن دايم 29-11-2018 02:32 AM

تاخذ علاج وانا اخوك ؟

ملامح شفاء 29-11-2018 02:24 PM

اقتباس:

المشاركة الأصلية كتبت بواسطة بن دايم (المشاركة 1354111)
تاخذ علاج وانا اخوك ؟

نعم أخذ افكسور 225 وريميرون 30

ملامح شفاء 29-11-2018 03:06 PM

ارجو من لديه نفس الاعراض ان يخبرني بها

قطرات الندا 29-11-2018 05:31 PM

سلامتك ملامح
هذي الاعراض كنك توصف حالتي بالضبط السنه اللي فاتت الى رمضان وابتديت بالعلاج وبعد تخطي الاعراض الجانبيه الاوليه خفت هالاعراض كثير الى ان اختفت تماما لكن تجيني هالهزه براسي كل فتره لثواني وتروح اما عدم التوازن اختفى .
قالي الدكتور طنشيها هذي كلها ذيول الاكتئاب والقلق .
الله يطمنك وماتشوف شر

ملامح شفاء 29-11-2018 07:43 PM

اقتباس:

المشاركة الأصلية كتبت بواسطة قطرات الندا (المشاركة 1354151)
سلامتك ملامح
هذي الاعراض كنك توصف حالتي بالضبط السنه اللي فاتت الى رمضان وابتديت بالعلاج وبعد تخطي الاعراض الجانبيه الاوليه خفت هالاعراض كثير الى ان اختفت تماما لكن تجيني هالهزه براسي كل فتره لثواني وتروح اما عدم التوازن اختفى .
قالي الدكتور طنشيها هذي كلها ذيول الاكتئاب والقلق .
الله يطمنك وماتشوف شر

قطرات شكرا جزيلا على الرد وتحمليني شوي احتاج تفصيل بالاعراض اللي جاتك ،، هل الهزهزة خلف الرأس اشبه بوجود جهاز موبايل هزاز ؟ وايضا الدوخة عند تحريك الرأس بس الدنيا ما تدور لكن تحسين في شيء خطأ عند تحريك الرأس ؟

قطرات الندا 29-11-2018 10:04 PM

عادي ملامح انت تامر وكلنا هنا نطمن بعض واي اسئله انا حاضره بأي وقت ..
شوف ملامح انواع الدوخه عجيبه وكل يوم نوع غريب اتذكر مره كنت امشي بالممشى فجأه جتني دوخه كأنها موجة بحر تطحن براسي اخذت دقيقه وراحت لكن بعدها جاني تنميل براسي وكنه ينتفض والم اسفل رقبتي ومره جتني نفس هالموجه لكن كنت منسدحه حسيت اني بغيب عن الوعي من الخوف نقزت من مكاني اما الايام العاديه فالدوخه اللي كنها هزاز براسي ٢٤ ساعه ماتفارقني واحيانا كني بموج واحيانا كني امشي على اسفنج لكن راسي فيه شي غريب مره شد مره تقشعر فروة الراس هذا غير التنميل والموجه اللي قلت لك كنها عاصفه صح تذكرت قبل تجي هذي اذاني تتسكر كأنه انشفط منها الهواء .. ماني عارفه اوصف لك صح لانها اعراض غريبه مو اعراض الدوخه اللي نعرفها حتى ماعرفت اوصفها لأي دكتور رحت له .. ايه وفي راسي نبض غريب لدرجة اقعد اتحسس راسي واقيس الضغط وكل شي طبيعي .
فيه شي بعد لفت نظري وسالت عنه الدكتور لما اسمع صفقة باب او صوت عالي مفاجيء اشعر براسي يصير شي زي الدوخه بس مو دوخه مدري شي غريب قالي الدكتور هذا القلق الحاد يسوي كذا لأن القشره المغلفه للمخ تتحسس عشان كذا اتضايق من الاصوات .
انت وصفت صح لما قلت فيه شي غلط بالراس بس مدري وشو .
مدري قدرت اوصفلك الحاله صح والا لا لكن تطمن هذا كله قلق اسمه القلق المقنع والله يعينك ويشافيك .

ملامح شفاء 29-11-2018 11:13 PM

اقتباس:

المشاركة الأصلية كتبت بواسطة قطرات الندا (المشاركة 1354176)
عادي ملامح انت تامر وكلنا هنا نطمن بعض واي اسئله انا حاضره بأي وقت ..
شوف ملامح انواع الدوخه عجيبه وكل يوم نوع غريب اتذكر مره كنت امشي بالممشى فجأه جتني دوخه كأنها موجة بحر تطحن براسي اخذت دقيقه وراحت لكن بعدها جاني تنميل براسي وكنه ينتفض والم اسفل رقبتي ومره جتني نفس هالموجه لكن كنت منسدحه حسيت اني بغيب عن الوعي من الخوف نقزت من مكاني اما الايام العاديه فالدوخه اللي كنها هزاز براسي 24 ساعه ماتفارقني واحيانا كني بموج واحيانا كني امشي على اسفنج لكن راسي فيه شي غريب مره شد مره تقشعر فروة الراس هذا غير التنميل والموجه اللي قلت لك كنها عاصفه صح تذكرت قبل تجي هذي اذاني تتسكر كأنه انشفط منها الهواء .. ماني عارفه اوصف لك صح لانها اعراض غريبه مو اعراض الدوخه اللي نعرفها حتى ماعرفت اوصفها لأي دكتور رحت له .. ايه وفي راسي نبض غريب لدرجة اقعد اتحسس راسي واقيس الضغط وكل شي طبيعي .
فيه شي بعد لفت نظري وسالت عنه الدكتور لما اسمع صفقة باب او صوت عالي مفاجيء اشعر براسي يصير شي زي الدوخه بس مو دوخه مدري شي غريب قالي الدكتور هذا القلق الحاد يسوي كذا لأن القشره المغلفه للمخ تتحسس عشان كذا اتضايق من الاصوات .
انت وصفت صح لما قلت فيه شي غلط بالراس بس مدري وشو .
مدري قدرت اوصفلك الحاله صح والا لا لكن تطمن هذا كله قلق اسمه القلق المقنع والله يعينك ويشافيك .

شكرا جزيلا قطرات فعلا احس انه شيء غريب ماهو دوخة الحمدلله على كل حال وربنا يشافي الجميع

هلوعي نيو 30-11-2018 01:03 AM

أنا مستمتع بنقاشكم وتفاصيلكم يا كثر ما لامست الي جاني ويجيني وتحمست أكثر أشوف نتيجة العلاج والله يسمعنا جميعا ً خير ويكتب لنا الشفاء

مستر نشمي 30-11-2018 03:58 PM

السلام عليكم

مرحبا قطرات كيفك ؟ زمان عنك طمنيني عن احوالك
حبيت اسلم عليكي
انا لي مدة تارك المنتدى ودخلت اطمن عالاصدقاء هنا
لي اكثر من شهر ونص تارك الادوية وقد منّ الله علي بالشفاء والحمدلله

ولا انسى الايام الصعبه التي قضيناها بمعاناة شديدة هنا
شكرا لك واتمنى من الله ان تكوني بخير

ويا شباب انا قرأت اعراضكم مثل تنميل الراس والدوخة العجيبة وتشتت النظر
كلها كانت معي وبشدة ايضا
وقطرات تشهد على هذا وهي تعرف كم عانيت من هذا الامر
ابشركم باذن الله تعالى فقط اصبرو وتناولوا دوائكم وعيشوا حياة صحية
ودعوا العلاج ياخذ وقته بكل هدوء ورح تشوفون الشفاء باذن الله
نصيحتي لكم لا تتعجلو على الشفاء
ودعوا هذا المرض التافه ياخذ وقته بكل راحه دون اعطاء اي اهمية زائده
ولا تخافو من الاعراض ابدا..دوخه عدم توازن تنميل وعدم تركيز
كل هذا هدفه ان يجعلكم تخافون..ستظن انه سيغمى عليك، انا اعطيك الجواب..لن يغمى عليك ابدا ولن يحصل لك شيء سوى ان تشعر بالخوف .. باختصار لا تخاف من هالاعراض لانها ما تقدر تسوي لك شي الا ان تزعجك فقط...وايضا لا بأس بفحص فيتامنات جسمك مثل د و b12 فهي مهمة جداً و اسف عالاطائله واسأل الله ان يشفي الجميع.

قطرات الندا 30-11-2018 04:43 PM

هلا وسهلا مستر نشمي ابشرك انا في تحسن مستمر يارب لك الحمد .
بشرنا عنك الله يديم عليك نعمة العافيه والسلامه يارب .
ايوالله اشهد ايام رمضان وقبل رمضان شفنا اعراض ومرينا بتعب الله لايعيده يارب لكن الحمدلله عدت ذيك الايام والله يكتب لنا ولكم الخير والعافيه وراحة البال .

مستر نشمي 30-11-2018 05:28 PM

اقتباس:

المشاركة الأصلية كتبت بواسطة قطرات الندا (المشاركة 1354217)
هلا وسهلا مستر نشمي ابشرك انا في تحسن مستمر يارب لك الحمد .
بشرنا عنك الله يديم عليك نعمة العافيه والسلامه يارب .
ايوالله اشهد ايام رمضان وقبل رمضان شفنا اعراض ومرينا بتعب الله لايعيده يارب لكن الحمدلله عدت ذيك الايام والله يكتب لنا ولكم الخير والعافيه وراحة البال .

الله يديم عليكي الصحة والعافيه وراحة البال

بس ايييه لا تذكريني باخر رمضان
اتذكر ليلة العيد جتني حالة سيئة جدا وزادت الاعراض بشكل خرافي يا الله كم كانت ايام صعبه
كان عيد مرتب ههههه

الحمدلله على كل حال

قطرات الندا 30-11-2018 06:47 PM

ايوالله الحمدلله ع كل حال

هلوعي نيو 30-11-2018 09:34 PM

بسألكم الله يسعدكم

هل من ضمن اعراض الانتابرو يبطىء النبض ؟ أحس نبضي ينزل تحت ال 60 نبضة في الدقيقة ويجيني زي الحركة في الثدي الايسر مدري خوارج انقباض أو أيش ؟


الساعة الآن 05:08 PM

Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا