بتكلم عن كذا شيء
 

السلام عليكم ورحمة الله وبركاته

ابا اتكلم عن كذا شيء فيني ، الصراحه مب قادره افهم نفسي أحس اني في دوامه

اول شيء : قبل أيام وأنا قاعده لمست رقبتي وأنا ألمسها لقيت مثل حبه كبيره لكن من الداخل يعني مش بارزه ومكانها تحت الذقن
إستغربت إن شو هذه و يعني مافيني إحتقان يعني عادي ابلع الأكل أو شيء ف ليش هالحبه ؟ لكن اذا لمستها بقوه احس بألم واذا مالمستها مافي شي.
المهم أنا نسيت الموضوع يعني طنشت وقلت عادي مجرد حبه او شيء ، اليوم الثاني وانا اسولف مع أمي قلت لها عن الحبه ، لمستها أمي وقالت صح وايد بارزه شو هذا ؟ وخوفتني زياده
على طول كتبت ف قوقل وليتني ما كتبت طلعت لي أشياء وأشياء .. يعني وقتها انا ما كنت احس بشيء لكن أول ما سويت بحث احس فيني وايد اعراض ومادري اذا كنت اتوهم او صدق
أحس راسي يعورني وجسمي مشدود ف اربط هالأعراض بهذه الحبه واقول يمكن فيني ويمكن فيني! يعني عندي سؤال هل الاعراض يسوي اعراض غريبه ؟ اعراض ماتقدرين تشرحينها لحد ؟
يعني قمت احس ان الاعراض الغريبه الي كنت اقول يمكن نوبة هلع في الاصل اعراض مرض فيني وانا مادري عن شي ، فاهمين علي؟


ثاني شيء : ما قبل النوم ليش تزيد الافكار والخيالات؟ يعني أحس مثل ان في شخصين يتكلمون عند راسي اقعد افكر واتخيل وخلاص اكون نعسانه ابا انام ايلس افكر في الموت وفي وايد اشياء مزعجه والله ومادري اصلاً كيف تغفى عيوني؟ يصير معاكم !


ثالث شيء : وهذا الشيء كان يصير لي بين فتره وفتره لكن هالفتره أحس مب قادره اتخلص منه . اللي هو أن عقلي يسترجع مواقف قديمه قديمه من الماضي فجاءه بدون سابق انذار ، واتذكر اشخاص ماتو و اتذكر مواقف مع هالاشخاص
يعني حتى وعقلي مشغول استرجع وافكر واخاف الصراحه لان المواقف تأتي وراء بعض وأحس راسي يعورني منها.


آخر شيء : في حد عانى أو يعاني من طقوس وسواسيه ؟ يعني يكون مجبور ان يسوي هالطقوس ويحس ان اذا ما سواها بيموت؟ ادري ان الموضوع سخيف لكن جد والله اعاني من هذا الشيء بشكل فضيع وخاصةً هالأيام
عندي طقوس معينه لازم لازم اسويها واذا ماسويتها احس بموت و قاعده اتبع روتين صارم احس اي تغير فيه لو بسيط يخليني اتوتر وعلى اعصابي ان بيصير فيني شيء. تعبت كيف اتجنب هذه الطقوس ؟ تخيلوا احس كل شيء مرتبط في بعض يعني اذا طنشت الطقوس فجاءه اتذكر حد ميت واقول ان هذه مثل اشاره ان انتي لازم تمارسين الطقوس عشان ما تموتين ولا ليش فجاده يطري على بالج هذا الشخص الميت! مع اني والله ادري ان كل هذا وسواس ويعني وانا افكر اقول شو هالسخافه ! مافي شي اذا سويته بيمنع الموت او اذا ما سويته بيجدم الموت كل هذا بيد الله . لكن احس مب قادره اسوي شيء

اسفه على الاطاله بس صدق كنت محتاجه اتكلم

اللي لمستها تحت الدقن هذي شي طبيعي موجود عند الكل هي غدة لمفاوية موجودة بكل البشر و تنتفخ وتبرز اذا الواحد معه التهاب بالحلق او اللثة او انفلونزا او برد او حتى اذا قلع سن لان وظيفتها تقاوم الالتهابات يعني لا توسوسين


ترا بتستمرين على هالحال والوسواس ...الى متى؟
لا تضيعين وقتك خذي علاج مضاد قلق والله ماله اعراض جانبية او خطورة و بيخليك ترجعين انسانة طبيعية وسعيدة

عاديه هذي الأمور ياما سكينا وفحصنا وسوينا تحاليل
وبالنهاية طلع اللي عندنا مشكلة نفسية
يعني كلها مخاوف وقلق والخوف من الأمراض
هذي دوامة الكثير دخلوها
لكن حاولي تطلعي منها بأسرع وقت اقصد هذة الدوامة دوامة الأوهاااام
قبل لاتصدقينها وترسخ بعقلك
يعني بالعربي تابعي مع طبيب نفسي شاطر ويخاف الله وأستمري معة
والجزء الأكبر من الشفاء بيد الله أولاً ثم بيدك
يعني توجهي لله بالدعاء والقرآن والمحافظة على الصلاة وأذكار الصباح والمساء يعني نرجع لله نغير حياتنا من البعد عن الله للقرب إلى الله بالأعمال الصالحة مثل الصوم والصدقات والبعد عن الذنوب وجميع مايغضب الله
لأن الذنوب بوابة لكل شر
والتعوذ من الشيطان والوسواس الخناس ونتعوذ بعد من شر أنفسنا لأن النفس أمارة بالسوء
بعدها يجي نشاطك اليومي وروتينك لازم تغيرينة
مثلاً المشي والرياضة
تحضرين المناسبات والجمعات الطيبة الصالحة وهكذااااا

معظم الموسوسين بيجيلهم وسواس الامراض والتدقيق في كل عرض جديد. والقلق منها وكمان ناس كتير تتزكر الماضي مثلك تماما وتخاف من زلك