هل استفدت من العلاج السلوكي ؟
 

مرحباً .. كنت افكر في جلسات العلاج السلوكي اللي خضعت لها على مدار السنوات و الفلوس اللي راحت بالهبل على الجلسات وافكر وش استفدت ؟؟ شخصياً ولا شي مجرد تمارين استرخاء وتنفس و واحد ينتظرك تطلع عشان يدخل اللي بعدك غير المشاوير و الإرهاق ..

يعني واحد جايه في مشكلة ماخلاني اتكلم قام يقولي جيب دفتر واجلس اكتب اللي اقوله لك " افكاري وساوس من الشيطان و غير صحيحة " ويكررها وانا اكتب وراه وهو جالس يطقطق عالجوال وانا جالس اكتب تقول طالب في ثاني ابتدائي .. وجلسة ورا الثانية وادفع فلوس والله مافادني في شي .. واذا جيت اسولف معه واخذ واعطي يكرشني وتنتهي الجلسة وهي ماكملت حتى نصف ساعة اللي تعتبر من حقي كمراجع اني اقضيها كاملة 30 دقيقة معه في النهاية بعد كل ذا الوقت الطويل قررت اسحب نفسي لاني حسيته جالس يمتص فلوسي على غير فايدة .. بديت افكر اروح اتواصل مع معالجين نفسيين غرب من امريكا بالفيديو وادفعلهم اونلاين .

علموني تجاربكم انتم

انا عبارة عن ( خذ نفس عميق و انقلع من الباب ) هههههههههههه