بوح من القلب
 

السلام عليكم
انا كل ما انتهيت من شي جاني شي اشد ووساوس اقوى
تعبت مع نفسي .. خلاص بلغت الحلقوم اقسم بالله
انا وسواسي غير غيرر موضوع يرعبني كابوس يلاحقني
اتحرج اني اذكره هنا ع العام .. وش الحل لان فيه تفاصيل كثيره
خلاص طابت نفسي من الحياه بإختصار
استخدم فافرين حالياً .. زرت اطباء الرياض كلهم...
حاربت وساوسي بما فيه الكفايه لين انهرت تماماً
وتمكنت مني ... لاحول ولا قوة الا بالله
وش الحل تكفون انصحوني
وش اللي نفع معاكم سواءا ذكر معين او ورد يومي او فعل معين .

سؤال اخير ..
هل الحياه تستحق اني اجاهد واصبر واتجرع المراره عشانها؟
او ماتسوى اني اتمسك فيها واصبر وادور حلول ؟

اشوفها سودا متعبه شاقه مُرّه لا تستحق ادنى صبر .. الاستسلام افضل
والاستسلام تعرفون وش اقصد فيه ....

لكن املي الوحيد بالله سبحانه وتعالى .... مع كامل تقصيري معاه الا انني استغيث الرحمه منه واطلبه وارتجيه وانتظر الفرج منه .. انه ولي ذلك سبحانه والقادر عليه ..

مجرد شي في خاطري وبحت به ..
دعواتكم لي لاني بأمس الحاجه لرحمة ربي .

استودع الله نفسي وديني وخواتيم عملي وبيتي وامانتي ومالي واهلي وجميع ما انعم الله به علي .. وكل امر لي .. والسلام عليكم ورحمة الله وبركاته ...

وشلون تبي حل وحنا ماندري عن نوع وسواسك اذكر الوسواس الي عندك مافيها شي عادي

اصبري اختي وخلي املك بالله كبير
كوني مع الله ..يكن معك
والوساوس رح تختفي وتزول ان شاءالله
ربي يقويكي اختي ويعينك ويشفيكي🌷

الوسواس متعب جدا ومعكر للحياة كاملة, تعال نشوف ايش الفايدة منه .... لا شيء طيب

شو الحل وايش الي لازم اعمله في هذا الحالة, لازم احاول اتعايش معه وكأنه شي في حياتي طبيعي, شلون يعني اذا اجاني الوسواس افكر في المرحلة الي بعد الشي الي اوسوس فيه مثلا بعيد الشر عنكم وعني وعن كل المحبين لو قلنا وسواس الامراض فشو الي ممكن اعمله بعد هذا الشي انا اقعد افكر واشوف الناس الي عندهم هالشي واكتشف انه حياتهم طبيعية يعني اتعايش مع الحالة كما هي وكأنها حصلت واشوف ايش الي رح يصير بعدين واحط حلول وسيناريوهات لها واكتشف اني ضيعت ساعة او ساعتين من عمري على شي فاضي لا فائدة منه

انا اعاني من الوسواس واحاول اتعايش معه طبيعي انا اعاني من وسواس الامراض القلبية بعيد الشر عني وعنكم وكل ما اروح طبيب يقولي صحتك تمام ولا تفكر في هالسوالف وارجع افكر فيها وهكذا دوامة مغلقة, لكن احاول اطلع منها واعيش حياتي وانسى واستمر على الادعية الصباحية والمسائية وصلاتي والحمدلله ماشي الحال

وعليكم السلام ورحمة الله وبركاته
الله المستعان ي اخوي، ما باليد إلا الصبر والتعايش مع هذا المرض، والإلتزام بالدواء شئ وانكتب علينا وكل شخص له مستوى لوسواسه وتقبل شخصيته للمخاوف، ولكن هل وسواسك مو مثلنا مثلاً واعتذر منك ف لك كل الحق بذكره او لا لأنه ماعرفته طيلة فترة إصابتي انه افكارنا ومخاوفنا واعراضنا متشابهة تماماً، ف فضفض ي اخوي علنا نساعدك ولو بشئ قليل وعلك تخفف مابقلبك من هم اسأل الله أن يفرج همك وكربك أنتظر ردك 🌹

اشكركم على الرد اسأل الله زي ما واسيتوني بكلماتكم وخففتوا عني ان يفرج همكم ويشرح صدركم ويصلح حالكم يارب ..
اخوي ابو عبادي .. ردك لامس شي في قلبي حتى دمعت عيني .. اشكرك على لطفك وردك ..
مثل ماقلتلك ما اقدر ابوح بوساوسي هنا لانها في موضوع حساس وصعب شوي..
احتاج نصحكم ودعواتكم الصادقه لي ولكل مكروب ..... فقد بلغت مني الوساوس مبلغاً عظيماًولاحول ولاقوة الا بالله ..
اسأل الله اللطف والثبات والاجر والرحمه .

الله يفرج همك ي خوي ويبعد عنك م اهمك ويزيل الوسواس والقلق من حياتك، وكلنا ذايقين من نفس وجع الوسواس لكن الله الله بالصبر الجميل ف لابد لليل أن ينجلي..

لك رسالة على الخاص ي عزيزي 🌹