سؤال وطلب
 

مساء الخير جميعا
اليوم كان موعدي مع الدكتور وتناقشت معاه عن القلق احس معاي قلق مو قادره اسيطر عليه وبدون سبب قال فيه دواء واحد ينفع وخفيف لكن مشكلته صعب تلاقينه اللي هو بوسبار .. سؤال يا اخوان احد يعرف صيدليه بالدمام او الخبر تبيعه ..
ولكم جزيل الشكر

ما تشوفين شر يا قطراااااااات

اضنه مقطوع من السوق من زماااان كان تالي جابوه مدري والله يفيدونك الشباب

بشوف الرياض اذا متوفر ابشري به

تبشر بالجنه يارب والسعاده .. تصدق حتى الدكتور يقول مادري ليش مقطوع .. برنتلكس رهيب على الاكتئاب بس ضعيف على القلق .. والله مدري وش حنا فيه ندربي روسنا وعلى الله فرجها هههههههههه

هههههههههههههه اي والله يا قطراااااااااااااااااااات الغاالية ندربي هالراس وان شاء الله الاجر مضاعف لنا جميعا


اذا ما حصلتيه استشير الدكتور بعلاج دوجماتيل 50 ملغ حبة واحدة مساءا يخفف القلق جدا جدا

لكن هناك عيب له وهو انه يرفع هرمون الحليب بس اتوقع الجرعة صغيرة جدا

ابشر بسأله في الزياره الجايه..
الحين هو عطاني تمارين للمخ عشان تخفف القلق ان فادت زين وان مافادت بسأله عن الدوجماتيل .. الله يسعدك

اهلين قطرات
الدوجماتيل مايصلح للنساء
بالتوفيق

هلا بك بن دايم
ايه صح هذا اللي قريت عنه .
بجرب التمارين اللي عطانياها وانةشاء الله راح تفيد .

قطرات

انتي للحين البرنتلكس ما وصل معك اقصى نتيجة ....تو نتيجته ما تبين بالكامل ...اتوقع للحين فقط 50٪

انا ما وصل التحسن معي 80٪ الا بعد 8 شهور ...اصبري شوي وبتشوف كل مال القلق يخف ...دامه من البداية حسيتي بتحسن معناه انك بالطريق السليم

صح متأرجح تدري ليه ؟ امس قالي الدكتور لازم تقيسي التحسن بالجرعه قال انتي جرعتك مره صغيره ووصلتي لهالمرحله من التحسن هذا يعتبر انجاز حلو ونجاح للعلاج قال مثل كلامك لسا التحسن مستمر لكني سألته لو لو ضايقني القلق قالي افضل شي للقلق البوسبار وما انصحك الان لكن انا تحمست ههههههه
شكرا متأرجح عطيتني دفعه ايجابيه الله يسعد قلبك

هلا قطرات ، الافضل بالتنسيق مع طبيبك رفع الجرعة الى 20 لان هذي الجرعة افضل حسب ما قرأت .

هلا قطرات كيفك
ما اعرف عن الدواء اعذريني

بس لو قدرتي
جربي تمارين المشي start walking at home ابدأي من 1 ميل
تلاقيها في اليوتيوب
و اسمعي قرآن قبل النوم
استمري ع الفيتامين مثل السنتروم
و اكتبي اول ما تصحي ثلاث صفحات .. هذي يسمونها morning pages صفحات الصباح
اول ما تصحي اكتبي اللي في خاطرك
و خلي الدفتر و القلم جنبك ع الكومدينو
بعدين استعيني بالله و اكتبي قائمة مهام لليوم to do list .. اي شي تقدري تسوية
بعد ورد القرآن و الرياضة .. هذول خليهم ثابتين عندك بعد صفحات الصباح
ورد القرآن اي شي تقدري عليه لو ربع حزب او صفحتين
و الرياضة مشي او تمارين المشي اللي قلت لك عليها

طبعا يمكن تسوي هالاشياء او بعضها

لكن استمري عليها

جربي اسبوع و اكتبي ملاحظاتك
ربي يعافيك و يفرج همك

عشان ارتب لك هما
1/ التدوين صفحات الصباح .. تريح من جد
2/ قائمة مهام لليوم حسب وقتك و طاقتك
3/ وِرد القرآن
4/ الرياضة
5/ و بعدها ابدأي يومك و انجزي اللي تحبية 😁
6/ قبل النوم اتوضأي و خذي الفيتامين و اسمعي قرآن قبل النوم

ما ترى باس.
 

عافاكي الله

تسلمي هبة الرحمن انا تقريبا اطبق اغلبها والحمدلله انا بخير لكن بعض الذبذبات مزعجه وفهمني الدكتور طريقة التعامل معها .
الله يسعدك
ابو علي هلا بك .. سالت الدكتور وقال مايحتاج رفع الجرعه انا اشوف وضعك ممتاز اعطاني تمارين اسمها ابطاء عمل المخ لأنه يقول القلق بسبب سرعة الافكار وتداخلها مع بعض وابتديت اطبقها واشوف انا حلوه كبدايه مع انه قالي بالبدايه راح تطفشك بس بعدين بتشوفين نتيجتها وان شاء الله خير
تسلم الله يسعدك .
احمد عسيري امين اجمعين تسلم

الله يسلمك يارب

اجل اسمعي مني و جربي صفحات الصباح

جد و الله تشيل طبقة عن طبقة من الافكار حتى تحسي بشعور راحة و تفهم

هي ثلاث صفحات كل يوم و اكتبي اللي في خاطرك

تكلمي عن نفسك فقط عبري عن نفسك و ليس عن علاقاتك

او تكلمي عن نفسك مع علاقاتك

بس لا تكتبي عن احد غيرك

جربيها و إذا شعرتي بالراحة ادعيلي

إبشرك بتلقينه إن شاء الله

إدخلي على موقع روشته كوم و سجلي فيه

و أكتبي علاج بوسبار

منه جرعة 10 ملغ و 15 ملغ و إشتريه و الدفع مقدما

خذي في بالك قمية العلاج مع الشحن

و خذي تلفونهم هذا

4449 614 106 20+

و توواصلي معهم واتس و كلميهم

أسأل الله لك التوفيق و الشفاء العاجل يالأميرة