المشاركة الأصلية كتبت بواسطة شخص ماء (المشاركة 1355539)

السلام عليكم
وعليكم السلام ورحمة الله وبركاته
اعرف اني كل شوي فاتحه موضوع لكن احس انكم عائلتي الثانيه محد يفهمني غيركم .. وبما اني الوحيده ف العائله المصابه بالوسواس فمهما اشرح واقول محد يعرف اللي اقصده الا اللي جربه ..

ولايهمك ي اختي كلنا نشعر هالشعور ونعاني نفس المعاناة، وبالضبط نفس الحالة الوحيد اللي معاه وسواس قهري في كل الأمور☹️، وفعلاً مايقدر يعبر إلا اللي جرب والله الحمد لله على كل حال.

عندي كم سؤال جاوبوني اذا تكرمتوا من خلال تجربتكم
انا سألت اخصائييين نفسسين بس على انهم متعلمين ودارسين وشهادات وووو الا انهم ما يفهمون اشياء كثيره .. مايفهم الا اللي بنفس المعاناه ..
ما اطول عليكم هذي الاسئله جاوبو على اللي تعرفونه اذا سمحتوا ..

1- تجيني وساوس جدا جدا جدا سيئه واخاف منها جدا واشك بنفسي وتصرفاتي واقعد اثبت لنفسي انه ماحصل هالشي ...... هل ممكن انفذ هذي الوساوس .هل انا سيئة ؟؟؟
الوسواس هو شك وقلق يتحول لأفعال قهرية مع الوقت يعني كل مازاد يبدأ يؤثر على شخصية المصاب به، ومن ناحية السيئة ف ياكثرها وي لتعدد أشكالها وتخصصاتها يعني كل ماستسلمت لشئ مباشرة يزدداد الرتم لشئ آخر وهكذا، اما من ناحية تنفذين الأفكار البشعة ف لا هذي كلها مجرد افكار لاصحة لها يعني وهم وشك مستمر بدون نتيجة.


هل الموسوس ممكن يفقد صوابه وعقله في لحظات ولا كلها مجرد وساوس ..

بالعكس الموسوس هو اكثر الناس حرصاً على جميع أموره، ومن ضمنها افعاله وترتيباته وأموره حياته كلها يعني فقط مجرد حرص واهتمام فوق الزائد وهنا يسمى وسواس اعاذنا الله وإياكم منه.

لدرجه صرت اشك بعقليتي واراقب كلامي هل كلامي موزون او فيه لخبطه

والله مريت ب هالشئ 😒 لما اعمل مقابلة او اكلم صديق اقول هل انا قلت كذا ولاقلت ذاك الشئ يعني تشكك في أبسط الأمور وهو مجرد كلام يعني أمره لأي إنسان عادي جداً ف لاحظ كيف يضخمه الوسواس

مشاعري لما تجيني الفكره تحسسني انها حقيقيه بس لما استرجع وافكر بعقلي اقول لا بس المشاعر تشكنني غصب ....

نعم هذا هو الوسواس لكن بدرجه عالية الله يشفيك ويعافيك ويرفع عنك، ولكن عندك جانب جيد مازلت غير مقتنعة ب أفكاره.

تدرون مين عدوتي ؟ هي نفسي .. تعبت معها كثير وماصرت اثق فيها
واذا خسر الانسان ثقته بنفسه وبمشاعره وبتصرفاته خلاص خسر حياته ...
كل حياتي شكوك وحرب نفسيه وحوارات مع الذات ومن فكره لفكره .. طفح الكيل والحمدلله على كل حال ...

لا لا الله يحفظك لاتلومي نفسك بهذي الحدة، شفت ومازلت اشوف الكثير منه لكن إيش أسوي استسلم لا علماً أنه شعور مزعج ولخبطة لاتنتهي لكن سأبقى متمسك ب الأمل وصابر ومحتسب مهما كان إنه هذي الأفكار من صنع الشيطان وانا برئ منها حفزي نفسك دايماً لاتستسلم والله كيد الشيطان ضعيف وصدق لو فيه احد من عائلتك يعرف بمرضك ويتعامل معك من الناحية المعنوية حتلاحظي فرق كبير وراحة عجيبة بس اللي حولي مو كلهم مهتمين ولايعتبروه بمنظورهم إلا كلام فاضي وفعلاً مايحس بالشئ إلا الي جربه والحمد لله على كل حال.

سمعت نصيحه من شخص يقول واجه مخاوفك وتصرف كأنك انسان طبيعي .. لكن من تجربتي هذا اكبر غلط ..
انا واجهت مخاوفي ومازادتني الا وساوس وتفكير وشكوك ..

اتفق معك بجزئية وحدة وهي اوجه مخاوفي لكن مو كلها، لأنه مجرد مواجهة كل المخاوف تعتبر حالة طارئة وتنصب على راسنا الف سؤال وسؤال يعني تدريجي وتكسب الثقة وهكذا تزيدي معاه بالمواجهة لكن مو كلها مرة وحدة لأنه النتيجة بالبداية متعبة وعن تجربة والحمد لله الدواء ساعدني نسبياً مع مواجهة المخاوف والأفكار.

نصيحه .. تجنب اي شي يزيد وساوسك ولا تواجه ابداً خلك جبان افضل من المواجهه اللي نهايتها تعب نفسي ....

معليش مو لهدرجة نتخلى عن كل شيء بالآخر مالنتيجة اللي بحصل عليها، نفس الوضع ونفس النفسية لابد من التغيير ولو كان طفيفاً، لابد من خط رجعة للأفضل بإذن الله تعالى والتسبب بكل شئ علاج دوائي، سلوكي معرفي، شعبي لكن لا إستسلام لابد من المحاولة والصبر على اللي حنا فيه ف ونلح بالدعاء ونطلب الله الشفاء فهو القادر على ذلك سبحانه وتعالى.

انا مدري لوين بوصل مع الوسواس ..

نصيحة لا تعطين الوسواس وجه والله كل ما استسلمت زاد الوسواس يحتاج تطنيش بقوةوتجاهل تام يعني ايش بيصير اكثر من اللي صار لازم عزيمة ومحاولة مرة مرتين وعشر لازم الله يفرجها عليك وعلينا يارب يكتب لك الأجر والشفاء آمين

ياليت فيه قروب في اي تطبيق او موقع نتواصل فيه بشكل مستمر .. اذا فيه ارسلولي ع الخاص لاهنتو ..

المشاركة الأصلية كتبت بواسطة أبو عبادي (المشاركة 1355553)

الرد باللون الأزرق وشدي حيلك ي اختي وماكتبت هالتساؤلات إلا في نفسك شئ يتحدا هالوسواس الخبيث اجارنا الله وإياك منه لاتفقدي الأمل الله يسعدك بإذن الله تفرج يارب آمين 🌹

المشاركة الأصلية كتبت بواسطة زهره الالام (المشاركة 1355557)

لو عندك وقت فراغ كبير حاولي تشغلي وقتك باي شيء مفيد يبعدك تفكيرك وتركيزك مع نفسك وافكارك

المشاركة الأصلية كتبت بواسطة شخص ماء (المشاركة 1355561)

اخوي ابو عبادي .. اشكرك اشكرك على ردودك الشافيه ..
(بالعكس الموسوس هو اكثر الناس حرصاً على جميع أموره، ومن ضمنها افعاله وترتيباته وأموره حياته كلها يعني فقط مجرد حرص واهتمام فوق الزائد وهنا يسمى وسواس اعاذنا الله وإياكم منه. )
ردك هذا كفيل انه يطمني .. الله يطمنك دنيا وآخره .. 🌹
فعلاً كلامك عين العقل ..
وصدقت يوم قلت وسواس بدرجة عاليه .. فعلاً تطور وضعي واحسه صار اقرب للذهان !!
لكن كل شي يسير على الله سبحانه ..
يارب الشفاء العاجل لي ولكم ولكل مريض .... 🌹

المشاركة الأصلية كتبت بواسطة شخص ماء (المشاركة 1355562)

صح بس احيانا من شده تسلط الافكار اترك اشغالي كلها واقعد انا والفكره عشان اقنع نفسي وارتاااح ومع ذلك ما ارتاح .

المشاركة الأصلية كتبت بواسطة زهره الالام (المشاركة 1355768)

انا كنت زيك كنت اترك اشغالي واولادي وكل حاجه واقعد استرسل مع افكاري واتناقش مع نفسي علشان اطمن نفسي واهدا بس للاسف الطريقه دي غلط لازم الشخص يتجاهل الافكار الوسواسيه تماما ولا يسترسل معاها

المشاركة الأصلية كتبت بواسطة فضفضة من جديد (المشاركة 1355797)

معذرة علي المقاطعة
.
شدني الاسم:-
هل جربتم زهرة الآلام؟!
ما تقييمكم لها تفصيلا؟!

المشاركة الأصلية كتبت بواسطة زهره الالام (المشاركة 1356794)

لا ما جربت زهره الالام قبل كده