انا في الشهر الثاني مع السيروكسات ومعي ارتفاع بالضغط
 

السلام عليكم ورحمة الله وبركاته

اليوم لي شهر و١١ يوم مع السيروكسات ومالاحظت تغير في المزاج ومفعوله
نفس مفعول البروزاك وراح ارجع للبروزاك اذا انتهى كرتون السيروكسات لان البروزاك نحفني
هذا ميزته بعكس السيروكسات والايام هذي معي ارتفاع بالضغط ومانفع معها ادوية الضغط فيه
شي يخفض الضغط غير الكركديه والثوم والقرفة ابغى شي قوي ومفعوله سريع جزاكم الله خير

وش تشخيص مرضك ؟ وش الادويه الي اخذت غير السيروكسات والبروزاك ؟

اذا ارتفاع الضغط اساسي وتم قياسه لاكثر من اسبوع ومازال مستمر الثوم والكركديه معد ينفع لازم مراجعة الدكتور واخذ دواء ضغط مناسب .
انا معاي ضغط وفي بدايته كنت اخذ ثوم وكركديه وزبادي لكن استمر ارتفاع الضغط واخذت الدواء والحمدلله اخوري مستقره .
نصيحة اخت لاتهمل الضغط ابدا

اكتئاب ووسواس قهري
استخدمت غير الادوية اللي ذكرت سيبراليكس وانفرانيل وللاسف سيبراليكس مع انه ممتاز واقتلع
عندي الاكتئاب الا انه سبب لي خمووووول فضيع وتركته
والانافرانيل برضو كان ممتاز للاكتئاب لكنه سبب لي سمنة فضيعة وتركته

نعم تم قياسه لمدة اسبوع واعطوني علاج اسيتاب ٢٥ مرتين باليوم واحيانا نارابريل
اذا ماتوفر اسيتاب
وقبل امس رحت للطبيبة وقالت لي استمر ع العلاج بدون زيادة ولانقصان وطلبت مني استمر ع الكركديه
ووالله ماخليت شي يذكر بالنت الا وجربته
واليوم اكتشفت انه مو ضغطي اللي مرتفع انما كان صداع هو اللي مسبب لي هالمشكلة
واستخدمت بانديراكس ٥٠٠ وراااااااح الصداااااااع ماكنت ادري انه صداع
مع انه قبل كم يوم استخدمت بروفين ومافاد اشمعنى اليوم مع الباندريكس راح واختفى
سبحان الله شي عجيب
بس الحمدلله على كل حال

ابرشح لك علاجين اقترحهم على دكتورك وهم بروزاك تبدأ بجرعة 20 مل وتدرج بالجرعه حتى 60 مل وتاخذ مع البروزاك ريسبردال 1 مل كورس لمدة ستة شهور ورايح تتعافى ويكون الاكتئاب والوسواس من الماضي

والله ان كان كلامك صحيح راح ادعي طوووول عمري هذا اللي اتمناه انه يختفي الاكتئاب والوسواس والضيقة هذا اللي اتمناه
الف شكر لك اخوي رعد

السيروكسات لبس من اعراضه الجانبية
ارتفاع الضغط
اي انه لايسبب ارتفاع في ضغط الدم
رايي تستمر عليه شهرين وبعدها قرر

المشي كل يوم نصف ساعة لمدة شهرين بساعد في انخفاض ضغط الدم
وايضا حبة أو حبتين موز يوميا في الصباح
لانه عني بالبوتاسيوم
مما بساعد في محاربة الاملام الغنية بالصوديوم

مع تمنياتنا لك بالصحة والعافية

لالا انا ماقلت ارتفاع الضغط من السيروكسات انا اساسا معي ضغط من قبل ما استخدم السيروكسات
بس قبل كم يوم زاد عندي الضغط واستغربت من ارتفاعه وبالاخير طلع صداااع
انا كل يوم امشي ولله الحمد لانه وزني زايد وعشان الضغط بعد والحمدلله نزل وزني كثييير
شكرا لمشاركتك اخوي

حاول تنزل وزنك اذا وزنك زايد وابتعد عن القهوة والكولا واي شي فيه كافيين وابتعد عن اكل الدهنيات لأنها تسبب ارتفاع ضغط الدم
وعندك طحينة السمسم غنية جدا بالبوتاسيوم خذلك ملعقة منها يوميا وبتفيدك باذن الله
وفيه برضه ادوية نفسية تخفض ضغط الدم مثل لارجاكتيل وتربتيزول

طيب التربيتيزول مايزيد الوزن انا ما ابغاه يزيد
لان وزني كان ٩٩ وخلال ٣ شهور صار ٨٦ لاني ما اكل
اكلي قليل وشهيتي ضعييييفة

تربتيزول من الأدوية التي تفتح الشهية وتزيد الوزن رغم تحفظي على هذه العبارة لأني انا شخصيا اذا استخدمت اي علاج نفسي واحتميت عن الدهنيات والحلويات ما يزيد وزني ابدا حتى مع العلاج

يعني اذا قدرت تمسك نفسك عن الاكل وزنك ما بيزيد

واذا خايف من مسألة زيادة الوزن استخدم لارجاكتيل فهو اقل من تربتيزول في زيادة الوزن وفتح الشهية