الهلع مزمن ؟
 

هل الهلع مزمن ؟
لاحظت كثير يكتب انه يستخدم ادوية نفسيه من سنين طويله
يعني اول مانوقف علاج نرجع للنوبات والقلق ؟
قرأت ف اسلام ويب انه الثلث يشفى تماماً وثلث يشفى وينتكس وثلث تستمر النوبات حتى مع الادويه بس ابغى تجاربكم ..

الحمدلله على كل حال والله يشفينا اجمعين ..

حياك الله اخوي مونترو
مثل هذي الاسئله تتعب تفكيرك بلا فايده
انت خل كل تركيزك على العافيه فقط
سواء بالادويه او من غير
الهلع يختلف من شخص الى آخر فيه المزمن وفيه المؤقت
فتوكل على الله وسلم كل شي لربك
بالتوفيق

طيب اللي اهمل الهلع سنوات والان قيد العلاج ممكن يصبح معه الهلع مزمن؟

مش لازم اساسا الهلع في حد ذاته اهمال او غير الهلع بيتم علاجه تماما والقضاء عليه وهو من الامراض النفسيه التي اصبح يشفي منها تماما بدون مشكلات

أنا مثلك اصبت بالهلع سنين واتعالجت وانتكست وقطعت العلاج والحمد لله وعايش حياتي

احب اعرفك ان حياتك بعد الهلع هتبقي افضل بكتير من حياتك قبله تغيرات كتيره هتلمسها وتحس بيها بعد ما تتعالج منه هتغير حياتك كليا

توكل على الله خد العلاج المناسب
الهلع بيتم شفاءه في فتره لا تقل عن 21 يوم وفيه بيستغرق تلات شهور حتي التحسن

ولكن استمراريه الدواء امر حتمي حتي يكتمل البناء الكيميائي ويتم اصلاح اللخبطه اللي حصلت في الموصلات العصبيه

ولكن لا تقلق الادويه النفسيه امنه تماما عدا المهدئات فهي ادمانيه

اما باقي الادويه التي تعمل على الموصلات لا مشكله منها مطلفا

إن شاء الله تكون من الثلث الذي يشفى تماماً

واحد في تويتر قالي ماشاءالله بعد عشر سنين هلع وقولون ومعده في سنه تبارك الرحمن تعالج بالادويه بعد الله ورياضه وتفكير ايجابي وربي يشافينا وياكم يارب

الله يطمنك ويسعدك ياغالي ويرحم والديك زي ماريحتني ولكن ليه انت انتكست ؟ مو العلاج بيعالج وخلاص؟

مش انتكاسه بالمعني المعروف لكن صدمات الحياه والانفعالات غير اني متغرب ولكن مش انتكاسه كليه ولا ترقي الى نفس الحاله كأول مره والرجوع للعلاج هو اجراء احتزازي فقط لا غير ووقايه ايضا

ولا مشكله منه

الله يتمم عليك عافيته ويشرح صدرك اتمنى انك تكون الان بخير ,, اعتقد ناقصك عللاج سلوكي حتى تكتمل معك الخطه العلاجيه
ولدي سؤال انا لي سنه وكم شهر على جرعة 15 وللاسف ماراجعت مع الطبيب ولكن بحول الله راجع غدا للمراجعه والتقييم لكن متخوف من رفع الجرعه 20 لاني متخوف تكون هناك اعراض جانبيه قويه

انا خفيت من زمان والحمد لله وقطعت العلاج وجربت العلاج السلوكي مجبش نتيجه معايا مطلقا جلسات سلوكيه مع معالج سلوكي مالهاش اي اهميه

فقط اخدت العلاج والامور بفضل الله بقت تمام

وما بعد العلاج حياتي اتغيرت

عرفت باختصار ان الهلع حله لا تهرب

لو جاني اي نوبه او شوية قلق بسيب الجسم يتصرف

يعني بسيب نفسي للاعراض تعمل اللي هي عايزاه وهتقف لوحدها بدون مشكلات مش بهتم ولا في دماغي احس بدق قلب سريع شوية وهيختفي طالما فحوصات قلبي سليمه

يبقي الامور تمام ودي مسأله فسيولوجيه

يعني باختصار بسيب الجسم يتصرف زي ما هو عايز القلق والاعراض شوية وقت وتروح لحالها مره في مره في مره جسمك هيتعود الامور هتبقي عاديه جدا مفيهاش ادني مشكله

بالعكس هييجي عليك وقت تقول فين القلق واعراض الهلع من حبك للسيطره عليها

هتتعود يا عم


تاني حاجه جرعه 20 ولا حاجه انا كنت باخد سيروكسات يوميا 37.5 يعني حبه ونص وفيه اللي كان بياخد 50 عادي الادويه دي امنه تماما شرط عدم تخطي الجرعات القصوي لكن هي امنه وعلى المدي الطويل تماما

ومافيش فيها اي ادمان مطلقا

ماشاء الله عليك ولكن الطبيب يقول ان السلوكي مهم حتى لاتعود الانتكاسه وانا امس شاهدة حلقه على يقول البروفيسور طارق الحبيب ان الهلع 80 بالميه يعود وصراحه تازمت من كلامه هذا
اذن فين الفايده من الحبوب ؟؟؟

نصيحه مني انسي العلاج السلوكي

لأن العلاج ده كله كلام في كلام بيحاول انه يغير تفكيرك بس مش ناجح تماما على فكره العلاج السلوكي هو طريقه سيطرتك انت على الهلع بتفكيرك انت مش تفكير غيرك

المسأله انا ما استفدتش منها حقيقه

اما ان الهلع يعود بنسبه كبيره

ده كلام عشوائي حقيقه الهلع مش شرط يعود وكذلك الادويه لو حتي فكرت تستعملها سنين طويله مالهاش اي مشكله اساسا

هي جرعات وقائيه مش اكتر

مش كل الناس الهلع بيرجع فيه ناس بتفضل على العلاج دايما لاسباب منها انهم حتي مفكروش يسيبوا العلاج ويشوفوا وضعهم ويعطوا فرصه للجسم فيه ناس ماشيه بمبدأ روقان البال يهد جبال ايه يعني اما اخد برشامه واريح نفسي

لكن انت تسيب العلاج بعد ما تخف ويكتمل الكورس تدريجيا وتشوف وضعك اذا الامور تمام وقدرت انك تسيطر على الهلع باليات من ابتكارك وتكون اقوي مفيش مشكله

ولو لقيت انك لسه فيه برضه شويه امور بسيطه او معوقات وانك محتاج العلاج برضه مفيش مشكله كمل عليه الامور ابسط مما تتخيل

ومش كل الناس الهلع بيجيلها تاني اساسا الغالبيه العظمي الهلع بيشفي تماما ومش بيرجع ممكن بعد سنين طويله واسبابه معروفه وهي التقلبات النفسيه ومطبات الحياه والصدمات الانسان ضعيف مهما حاول ومهما اجتهد

احنا بشر والمشاعر دي الحاجه الوحيده اللي بتميزنا عن الحيوانات وانكارنا للمشاعر دي تعتبر انكار للحاجه اللي بتخلينا ادميين فطبيعي نحس بخوف وقلق وهلع وحزن وسعاده كلها مشاعر جوانا

احنا مش اصنام لازم نحس بالامور دي طبيعي

الغير طبيعي هو انك تكون متبلد المشاعر يعني ما يفرقش معاك حزن من فرح هلع من سعاده