ممكن حد يفيدنى فى اللى انا فيه
 

السلام عليكم ورحمة الله وبركاته

انا قطعت دواء السيبرالكس من 7 شهور كنت باخد نصف حبة بس وليا موضوع هنا قبل ده المهم كنت كويس فى المدة بس حصل مشاكل فى الشغل ومشاكل عائلية وغير كدة كنت بتوتر من اقل حاجة واحس بتوتر فظيع ومن كام يوم صحيت من النوم وخرجت لقيت نفسى بتطوح فى الشارع ودوخة مش طبيعية المهم قولت اقيس الضغط لقيته عالى بقالى 3 ايام ضغطى عالى كلمت دكتور قلب وكدة وكان عملى رسم قلب قبل اما اتعب قالى قلبك كويس طبعا انا اول ما عرفت ان ضغطى عالى اتوترت اكتر وبدئت احس بالخوف روحت لدكتور نفسى كنت بتعالج عنده قالى ده نفسى المهم كاتبلى بنترلكس واندرال 10 واميجا 3 وزانكس لمدة اسبوع فقط انا طبيعتى بترعب من الأدوية وكنت ما صدقت وقفتها بس انا مش عارف اعمل ايه فى حكاية الضغط هل انا هبقى مريض ضغط مش عارف اعمل ايه حاليا انا بدور على طبيب متخصص اكتر فى الطب النفسى وله دراية بموضوع الضغط دعواتكم

الله يطمنك يارب كلامك ريحنى شوية والله ربنا يجازيك خير المشكلة ان عندى جهاز ضغط والوسواس بيشتغل معايا وبحس بتنميل فى دماغى الضغط فعلا كان كويس اول ما صحيت من النوم والله انا بشوف دكتور بس الخوف تاعبنى لأن عندى والدتى مريضة ضغط وخايف يكون وراثى ولا حاجة ربنا يسترها ان شاء الله

اهلين امير
برمضان اللي فات كان ارتفاع الضغط ملازمني حتى مع ادوية الضغط وكنت رافضه اي دواء نفسي قالي الدكتور لازم تاخذي الدواء النفسي لان ضغطك سببه القلق الحاد المهم بعد ما اخذت الدواء رجع ضغطي طبيعي .
لاتخاف انا استخدم برنتلكس ١٠ مل والحمدلله رجعت لحياتي الطبيعيه والدوخه اختفت .
اطمئن لن يضرك شي الا بأمر الله وتفائل لأن لاياتي من رب الخير الا الخير

على فكره دواء برنتلكس ممتاز للهلع والاكتئاب وضعيف على القلق لكن بحالتي الحمدلله ناسبني وسيطرت على القلق بشكل مرضي طبعا العلاج السلوكي مهم جدا في ادارة الافكار ومساعدة الدواء .
اتمنى لك الشفاء

ربنا يسترها يأخى الف شكر لك على مساعدتك

الف سلامة عليكى ربنا يشفيكى
يارب

المشكلة انى مش لاقى الدواء فى مصر لازم اروح صيدليات كبيرة وما اخدتهوش لحد ديلوقتى وخايف من اى ادوية جديدة عشان ما تتعبنيش فى الأول لأن ليا تاريخ مع الأدوية النفسية ومش عارف ارجع للسيبرالكس ولا لأ بس حاليا هروح لدكتور تانى

امير الله يكتب لك اللي فيه خير لك
عندكم صيدلية العزبي وشريف اكيد تلاقي فيهم لان عندهم كل الادويه المستورده .
الف سلامه وطمنا عليك

ممكن اسأل حضرتك الأعراض الجانبية اللى كانت فى البداية ايه هى لدواء البنترلكس وجاب نتيجة بعد قد ايه لأنى جربت ادوية كتير وتعبت منها جامد

اهلين امير
الاعراض في البدايه كانت غثيان وخمول و دوخه وابتديت اشعر بتحسن بعد الاسبوع الثاني لكن الاهرتض مش مستمره طول اليوم يعني شويه تحس بغثيان شويه بدوخه شويه تنام وكذا لكنها كلها محتمله ومش شرط انا جتني اعراض جانبيه تجيك كل جسم يختلف عن الثاني لكن امانة كان احسن قرار اني اخذت دواء نفسي رجعني لطبيعتي اللي فقدتها

انا روحت للدكتور وكرر انه يرجعنى للسيبرالكس وربنا يسترها انهاردة كان اول يوم وان شاء الله خير

تفائل خير وراح تلاقي الخير

والله متفائل خير ان شاء الله يأختى بس انا حتى بقالى على السيبرالكس اهو اكتر من شهر وكمان باخد زانكس مساء وانهاردة بس كنت عند الدكتور بقوله مش عاوز اخد زانكس قالى لازم تاخده الفترة دى قولتله مش عاوزه قللى الجرعة وفى مشكلة عندى من زمان كل اما اعلى جرعة السيبرالكس اتعب مش عارف ليه مع الدوجماتيل بس التحسن حوالى 20 فى 100 والحمدلله ماشية بفكر اشوف دكتور تانى بس هصبر للأستشارة الجاية وربنا يسترها ان شاء الله