لامتكال وانتفاخ الشفايف
 

امس قبل انام بدات بالامتكال جرعه ٢٥ وصحيت اليوم وشفايفي منتفخه جدا ومتورممه هل لهذا علاقه بالامتكال ارجو منكم افادتي

هلا رنود هذي متلازمة فرط حساسية لدى لاميكتال وقفي لامكتال على طول لاتاكلينه انتبهي

الانتفاخ مادري بس اذكر يوم كنت اخذه كان يسببلي حكه عشان كذا يقولون لازم تنتبه له وتاخذه بتدريج اقل جرعه افضل شي بحثي بقوقل كتبي لامكتال وانتفاخ الشفايف شوفي ايش يطلعلك

زين جت على كذا

لا تلفتين لهذا العرض راح يروح بإذن الله أهم شي مزاجك تعدل أو لا

إستمري أسبوعين و الأعراض الجانبيه راح تروح

انا قريت انه يسبب متلازمه فرط حساسيه وهالشي خوفني جدا

قريت وطلع لي حاجات ماتسر طلع لي انه يسبب لمجموعه من الناس فرط تحسس ومتلازمه اعتقد اسمها ستيفنس جونز وبسببها يتحسس الجلد ويصير احمر وينتفخ

والله مدري ماحسيت باي شي لانه اول يوم
احترت المشكله صحيت كاني طاقه لي ٤ ابر بوتكس وفيلر
انصدمت من شكلي وخفت

جربي تاخذينه اليوم كذلك اذا صار نفس الشيء وقفيه وتواصلي مع طبيبك

قلبي كش منه وخفت حسيت جسمي تحسس جدا منه وخايفه اصحى بكره على حاجه اقوى
افكر اجرب مثبت مزاج الليثيوم لوعندك معلومات عنه اختي صامده

ماعندي فكرة أنا جربت الديباكين والتجريتول صراحة المزاج يتحسن من أول يوم لكن القولون يتهيج بشكل مريع ماقدرت عليهم

لا تاخذينه راح يسبب مشاكل تأصل للطفح الجلدي والتهاب السحايا بالدماغ ماينفع لك شوفي انا ابسئلك هل عندك قلق وتوتر وعصبيه ؟

عصبيه لا
قلق نعم اقلق كثيرا
اخي رعد مارايك باستبدال لامتكال بالليثيوم مع البرنتلكس

انتبهي تاخذين ليثيوم هذا دوا خطير وترا مو لعبه يارنود تغيرين فالعلاج لازم تعطين الدوا فرصه على الاقل شهر لأن اي دوا الغالب مفعوله يبدأ من ٣ اسابيع وفوق وفي البعض يقول لاتحكم عالعلاج الي ٣ شهور بس اشوفها واجد بالكثير شهرين مع جرعه مناسبه انا ارشح لك ديباكين شبث وجربته وتقريبا ماله أعراض جانبيه لاكن انتبهي تشترينه سعره غالي وكلهم اسعارهم غاليه الحكومي يعطونك اياه مجانا الادويه ويارب تشعرين بتحسن مع الدوا ياليت تقرين الرقيه يعني الفاتحه مكرره والفلق مكرره والكرسي مكرره وشوفي الوضع هل حسيتي بشي

اخي صبري انت لاتعلم عن معاناتي مع الادويه انا جربت كثييير سبرالكس سيروكسات افكسور فافرين لوسترال وزناكس وبرستيك كلها ماافادتني
ابدا وهذي السنه كان لي محاولات انتحار جاده جدا لولا ان وضع الله بطريقي شخص مسكني ووقفني عن رمي نفسي امام السيارات وكانت سيارته هي الي راح تصدمني وتموتني لولاانه وقف ووقفني وكان يوم اسود كله امطاااار وكنت منهاره كلمه قليله علي كنت ميته من الكمد وطلمه وحزن وحيااااه ميته تماما كلمه كمد وليس حزن لان الي احس به اكبر من حزن ماتوفي شعوري ولااكذب عليك كثير افكر بالانتحاار واخرها امس اطل من الطاقه وافكر وانا محاولاتي جاده حدا لان مافي ششي يدفعني للعيش مابقول وراي ام اواب بيبكون علي ولاوراي احد لولا اخت مريضه اسال الله ان يتولاها من بعدي ويرحم حالها

يعني وصلت لمرحله يرثى لها مابقي قدامي حلول
الامتكال نصحوني فيه لكنه نفخ شفايفي وتوي طلع لي حبوب كثيره بكتفي حمراء وتحكني وتؤلمني وشكله بسببه جاب لي تحسس
الليثيم مدحوه لي كثيرين ونصحوني فيه فمارايك بعد كل الي قلته لك اخي

معليش ياغاليه فكره الانتحار مابي اسمعها منك😒 الحياه حلوه بس المرض واحيان الظروف هي الي تصعبها ولازم يعني أن شاء الله مع الدوا المناسب مع الرقيه والصلاه والدعاء توصلين للي تطَمحينله وبعدين شي اسمه ليثيوم لاتفكرين فيه انا عملت بحث سابقا عنه دوا خطير ودكاتره كثير يخلونه اخر خيار ولحالات الفصام وليس الإكتئاب ولابد من عمل تحاليل يعني شي انتي فغنا عنهانا ارشحلك ديباكين لاكن هذولي الادويه مدعمه اهم شي دوا الإكتئاب يكون بجرعه ممتازه وتصبري عليه اقل شي شهر ولاتراقبين نفسك حاولي انك تتعايشين عادي التزمي بالجرعه والرقيه مهمه والدعاء وترا إنا مثلك بضبط جررربت تقريبا ٩٥ بالميه من ادويه الاكتئاب والنتيجه صفرين مو صفر شي مؤلم بس الواحد يحاول يحاول يمكن يجي يوم تفرج وخليك قويه