ايش علاقة نوبة الهلع بالوسواس؟!
 

السلام عليكم
عندي سؤال محيرني
دحين في ناس كثير تجيهم نوبة هلع اما من سهر او من ضيقة مثلا وخلاص تكون عابرة وتنتهي
ليش احنا كده مسكنة في نوبة الهلع وجننتنا
يعني مرة وحدة فجاة خفقان وترجف وخلاص نسيت الموضوع
احنا ليش كبرناه وليش صار وسواس ايش العلااااااقة

والله هاذا السؤال دايم افكر فيه لاني شفت ناس حصلت لهم النوبه وبعد ماراحت نسيوها تمام بس اتوقع لان عندنا قابليه للنوبه او مشكله في الدماغ يعني فيه ناس مااثرت عليهم وناس اثرت سبحان الله حسب تركيب الدماغ في كل جسم والله اعلم

انا كذا بس يمكن احنا مانقدر نطنش طيب انتي وش اعراضك وش تحسين يعني

اهلا وسهلا انا احس أني كويسة وتمام لين اسمع اي خبر مو تمام اجلس خايفة وأطرافي تبرد ونفسيتي تقفل

نوبات الهلع اللي تصيب الناس العاديين يقصدون بها نوبات الخوف الحادة. أما اللي نعاني منها كمرضى نفسيين هي مختلفة في حدتها للدرجة اللي توصلك على حافة الموت واستحالة تنسى هالتجربة. وبكل الأحوال سواءً فكرت فيها أو تجاهلتها هي تجي بشكل مباغت. وهذا ناتج عن خلل بالدماغ ومالنا أي يد فيه.

الوساوس تزيد القلق واذا زاد القلق هاج القولون واضطربت المعدة وجاك الهلع