كُلَّمَا أَرَادُوا أَن يَخْرُجُوا مِنْهَا أُعِيدُوا فِيهَا
 

قبل يومين تركت الادوية النفسية بشكل تدريجي خلال اربعة شهور اقلل من الجرعة 25% الين ما وقفتها بشكل نهائيا
واليوم الله لا يوريكم ارق شديد واكتئاب شنيع وتفكير في الانتحار وافناء النفس عن بكرة ابيها وامها واخيها واختها وفصيلتها التي تؤويها
ورجعت مثل المجنون ادور على السيركويل عشان ابلعه واقدر انام وآكل من يومين ما نمت ولا اكلت

وخلاصة المسألة على ما يبدو لي اننا كلما اردنا الخروج من تعاطي هذي الادوية رجعنا اليها مكرهين
من عمري 24 الى 34 سنة وانا كل ما تركت الادوية تجيني انتكاسات حادة واضطر اني ارجع للادوية
حتى عقلي احس انه تأثر اقعد مع الناس وانا فاغر ولا اقدر اركز معهم في الكلام ومحادثي يبغاله يكرر السالفة علي بكثر عدد سكان الصين عشان افهمها واستوعب

الله المستعان واليه الشكوى

اخوي البائس ترك الادويه من دون اقتناع ويقين انه ماله اي فايده والخوف من تركها مارايح تتركها لانك داخلياً زرعت قناعه في نفسك انك ماتقدر تعيش حياتك بدون ادويه انا انصحك تجتث القناعه الي زرعته في نفسك بالاعتماد على الادويه اسئل نفسك هل فيه لو دقيقه وحده من يوم اخذت الادويه حسيت انك تشافيت فكر بالمنطق وراجع نفسك نعم انت مريض وتعاني لكن لاتكون تحت رحمة مادة كيمائيه واسير لها صدقني حاول ودرب نفسك وتصبر وخلال فتره رايح تكون مرتاح البال رغم انك مريض بس تعرف وش انت عليه بدون ادويه انا اعتبرها اكبر راحه للمريض النفسي ارحم لك من التركيز والترقب ومراقبة نفسك مع الادويه

لاحول ولاقوة إلا بالله
أخي ليه كاتب العنوان أية وحالتك تصب بعيدا عن هذا

الله يشفيك عاجل غير آجل قول آمين

بالنسبة للأدوية وتركها فالعامل النفسي يستحوذ على متناول الأدوية من والى فترة تركها ويتصور أنه لاغنى عنها
وهنا يستحسن تقديم بدائل و التدريج حتى تعود النفس والعقل على تقليل الأستجابة والتشبت بها

اللي يقولون لك الأدوية واقع حتمي لايمكن تجاوزه قالوا حسب رؤيتهم لاحسب ماهي الحقيقة وياكثر ناس تشافوا وتركوا الأدوية
و يندمج في الحياة ويعتبرها فترة مرت من حياته فرحلة الشفاء تبدأ من الأفكار متى ما أقتنعت أنها مرحلة وتعدي قل قلقك


تعرف الطفل لما تاخذ منه لعبة وش يسوي بالضبط لما واحد يحاول يترك الأدوية لهذا يلهون الطفل بحاجة ثانية أو أي كلام لين يهدأ وهذة الحاجة هي البديل
عملية التصفية ضرورية تصفية الذهن وتصفية الرؤية وتصفية الأفكار .. ... لو تحذف الرسايل المتراكمة في برييدك وش تحس ؟ وش تحس الزوجة لما تلمع بيتها مع أنه ماحد قد يزورها ؟
وش يحس عامل تنظيف الواجهات أو النوافذ في الشركات الكبرى لما يمسح نفس الزجاج كل فترة وفترة ؟ وش تحس لما تعيد حساباتك وتتخذ قرارات بحياتك وتصفي ذهنك ؟


أنا ببطل أدوية ؟ هذا مو قرار ترا هذا نتيجة قرار المفروض يكون
القرار يجي من أهتماماتك من حماستك وشخصيتك وأهدافك... وعلى أثره تجي ترك الأدوية كنتيجة

تعرف أحد يقدم وصفة للنسيان ؟
لا طبعا ... حتى المتصفح بيجي لك بمواضيع كيف تقوي ذاكرتك وكيف تحصل عل ذاكرة قوووية

في ناس نسوا أحزانهم يوم قصوا شعرهم .. ههه
ليش الذاكرة في الشعر .. نو طبعا
أنما الرغبة في النسيان يحتاج لدعم مادي حتى يرسخ
وتبدأ بداية جديدة ...

في ناس يوم تضيق صدرها تروح الى البحر وتشكي له همومها وترجع مستانسة ههه
ليش البحر يسمع ... لا .. ولكن العائد النفسي لهذ الفضفضة مريحة


لاتهوجس وتقلق نفسك وتخلي الأدوية همك ترا تنظيم النوم سهل والتخلص من الأكتئاب أسهل
غير جو ... وابدأ تتعرف على ابجديات الحياة ... ضوء .. ناس .. هواء .. شجر .. طين

بلل رجليك بماء الشاطىء ... تسلق مكان عالي ... جرب تفرغ كتمة صدرك على كيس الملاكمة ..
جرب تشوف الأشياء بأسلوب مختلف .. حاول تكتشف ذاتك من جديد ...

صفي الذهن ورتب حياتك ..

انا مثلك كم مره اجرب اقطع واقول انا قوي بتحمل وآخرها يصير الوضع دبل فالواحد من كل الحالتين مضروب على راسه
لاكن لو فكرت تترك لازم تحسب حساب شهر كامل تقلبات وأعراض انسحابيه وممكن ترتاح وممكن لا بختصار الوضع خربوطي كامل

تقدر تتركها فيه ناس هنا تركوها وقدرو الحمدلله لكن حاول تصبر بالانتكاسة بتعدي ان شاءالله بعد كم يوم بتصير افضل

سبحان من قلب حالك ...أذكر دفاعك المستميت عن الأدوية زمان ههههههههه

انا طريقتي بتخفيف الدواء القص اشتري مقص من الصيدلية وابدأ بتخفيف الجرعة بالقص الذي يستغرق من اسبوع الى اسبوعين اقص الربع ثم النصف الى ان اصل الى اقل جرعة من العلاج ثم بعد ذلك يصبح الترك سهل

اااخ بس ما اقول الا حسبنا الله ونعم الوكيل
اسأل الله يجعل لك من هذي الدوامه ومن هذا الضيق مخرجا

أصعب شي تبقا أسير حبه عشان تعدل مزاجك اه بس وياليتها ظابط كان هانت

مسألة تبقى في الدم من أسبوعين إلى أربع الله أعلم
لكن هذا شيء وآثارها في جسمك شيء ثاني
أنا لي سنتين ونصف وإلى الان لم أرجع كما كنت قبل الأدوية !
بعضهم يقول تحتاج 3 سنوات وأظن هذا القول صحيح
أتمنى لا يفهم أحد كلامي إنه تحبيط لكن أنا ما أحب أضحك على أحد التحسن التدريجي الي راح تعيشه راح يكون للبعض كافي بإذن الله فما بالك فوق شعورك بالتحسن إنك موعود بالتحسن كل فترة وفترة على مدى 3 سنوات

اخي البائس الفقير اعانك الله على هذه المحنة
لا اعلم تشخيص مرضك حقيقة
ولكن لو فصام او اضطراب وجدان ثنائي القطب
لا تحاول قطع الدواء ابدا لا تدريجي ولا غيره
وكذلك لو اكتئاب ذهاني نفس الشيء
اما ما عدا ذلك. كما نصحك الاخوة الاعزاء تقدر لكن
بالتدريج البطيء والصبر
تحياتي

ابشركم الحمد لله خفت اعراض الانسحاب وبديت ارجع طبيعي وقدرت انام وآكل
الغريب انه اول مرة تصير معي اعراض انسحابية رهيبة بهذا الشكل
وان شاء الله اذا راحت اعراض الانسحاب بارجع اطبق العلاجات اللي تعلمتها من كتب الطب القديم واوافيكم بالنتيجة

الله لاغير عليك إلا للأحسن أخي , الحمدلله على كل حال