برنتلكس
 

مساء الخير

هل توجد في المنطقة الشرقية صيدلية توفر الدواء ( برنتلكس )
من دون وصفة طبية ؟

حسب النظام لاتوجد اي صيدلية بالسعودية تبيع دواء نفسي بدون وصفة

هذا النظام فاشل اخوي الي يخلص عنده الدواء شنو يسوي لازم يدخل على الدكتور ياخد وصفه طبيه ،،، المشكله مو متوفر عندنا هنا الدواء
انا قبلت اخدت بروزاك علبتين بدون وصفه من صيدليه الدواء قبل سنه

انا اخذ اي علاج نفسي بدون وصفة طبية لكن لازم كم صيدلية طبعن انا ماني من الشرقية

هلاااااااااااااا شعااااااااع كل عام وانت بخير

النظام مطبق عندنا من مدة بس قبل اسبوعين جاهم تعاميم جادة بذلك وصارمة

انا العادة اصرف علاجي بدون وصفة قبل قليل رحت الصيدلية باخذ لامكتال قال والله لازم وصفة جديدة الحمدالله طبعا معي الوصفة

صباح الخير على الجميع ورمضان مبارك عليكم .
الدكتور الان يكتب وصفه لثلاثة اشهر لازم الاحتفاظ بالوصفه عشان صرف الدواء وانا اشوف ان نظام تقييد الادويه النفسيه شي مفيد جدا لأن احنا نشوف بس حالتنا ولكن غيرنا مراهقين كثير يشوف نفسه متضايق راح جاب له من الصيدليه دواء اكتئاب وقام يخبص بالادويه وضاع المراهق .
في المستشفيات النفسيه مصايب الله يكفينا الشر .
مشكلة المراهقيسمع بالاكتئاب ويحسب انه طفشان ويبي يغير روتينه ويحسب ان ادوية الاكتئاب راح ترفع موده وتخليه سعيد ويدخل بهالدوامه لين تخليه مدمن مهدئات وضايع الله يحمي عيال المسلمين .

هلا بالغالي محمد كل عام وانت بخير وصحه وسلامه ومبارك عليك الشهر

هذا البرنتلكس ما نزل عندنا في البحرين حتى المستشفى الحكومي سالت الدكتور الي اتابع معاه يقول مو موجود ،،،، بس موجود في السعوديه لكن مع الأسف لازم وصفه مثل ما خبرني الصيدلاني شكله ربعكم مخرطينه بالأدوية هههههه
بس شي طيب على اساس لا يصير استهتار في تناول هذا الادوية

موفقين

مبارك عليك الشهر اختي

فعلا كلامك سليم
خصوصا المراهقين الي أعمارهم اقل من 18 سنه المفروض ما توصف اليهم هذا الادوية لان لا زال في مرحلة المراهقة بش المشكله الي ياخد أدويه من سنين ويحتاجه لازم يدخل على الطبيب علشان يعطيه وصفه بتكون مكلفه عليه من ناحيه ماديه هذا بالنسبة الي يتعالج في الخاص وأدويته من الصيدلية ياخده

هلا بك شعاع حبيبتي .
علينا وعليك يتبارك وعساك من عواده .
صح الموضوع مكلف بزيارة الطبيب لكن جاء امر من وزارة الصحه ان الدكتور يكتب وصفه ثلاثه شهور عشان مو كل شوي يجي المريض ويدفع لزيارة الدكتور عشان بس ياخذ وصفه .
الله يشفي الجميع يارب

يا رب ينزل بالبحرين و تبشرنا في القريب العاجل و تلقاه يا صاحبي الغالي ❤🌹

يشهد الله كم أنا أحوبك :)

تسلم لي يالغالي والله ابو نجلاء

وكل عام وانت بخير وصحه وسلامه ومبارك عليك الشهر

والله يعطيك الصحه والعافيه

تسلمين اختي فطرات الندى

وانشالله اشوف لي طريقه اخد الدواء بوصفه طبيه