الدهون الثلاثية والكسترول
 

حللت اليوم وطلع انزيمات الكبد مرتفعة والكسترول مرتفع والدهون الثلاثية مرتفعة بعد !!.
سؤالي هل الادوية النفسية هي السبب !؟
وطلع عندي حب شباب وحبوب بكامل جسمي غير حب الشباب ، وهو سبب التحليل اصلن !!.
ولا ماكنت عرفت !!.
كنت باخذ حبوب روكتان لحب الشباب وبعد التحليل منعي الدكتور من العلاج

مع العلم سمين ولي كرش كبيرة وخصري مختفي من السمنة !!.
وانا نحيف لكن مع الادوية النفسية اسمن

الف سلامة عليك وما تشوف شر

الكلسترول والدهون الثلاثية اتوقع ما احد سلم منها

بس انتبه لي انزيمات الكبد ليش مرتفعة وش نوع الدواء الى تاخذه

عموما لابد من دكتور حتى يصرف لك علاج وارجوك تشيك على الضغط والسكر

كله من الادوية وما تسببه من سمنة

هل اكلك فيه دهون كثير تاكل بروستد بكسل يومي وبطاطس لأن هذي تسبب كلسترول ودهون ثلاثيه انا فيني ولااخذ علاج متكيسل اروح اعالج

اخوي محمد الله يسلمك يارب العلاج كنت اخذ برنتلكس وبعده سيبرالكس وبعده بروزاك اخذته قبل رمضان على شأن سد الشهية وانزال الوزن ماهو للاكتئاب لإنه معي خفيف جداً على الاكتئاب ولي شهرين رياضة يومياً ساعة ونصف ومع هاذا الجسم مليان دهون والكرش ومانزلت ، وزني مانزل الا اربعة كيلو لو ماتعبت نفسي احسن !!. الدكتور كان دكتور جلدية لحب الشباب والحين لازم اروح دكتور باطنية الله ي عين وش بيكون صار معي ثاني وحتى ادويتي النفسية اخذتها كلها برنتلكس وسيبرالكس وبروزاك وحطيتهم بكيسة ورميتهم بالزباله وانت بكرامه مدامها هي السبب كافي اللاكتئاب الحين حب شباب مزمن ولازم حبوب الروكتان وخطيرة جداً لكن هي الحل الاخير غير حبوب ثانية طالعة بجسمي كله مثل حب الشباب حمراء يقولها الدكتور حبيبات اظن كذا وسببها حشرات رغم البيت نضيف ومافيه حشرات واذا حشره موجوده الفليت موجود احسها عين او شيء خطير بجسمي والدهون الثلاثية والكسترول خطيرة على القلب والكلى والله ي عين
مع العلم اكلي من المطاعم حتى برمضان مسحوب علي من اهلي الحريم يجتمعون مع بعض ابيت العيله على قولت اخواناا السورين ويجلسون حتى شهور عادي والخدامه معهم وانا تروح فلوسي كلها بالمطاعم ونفسي اكل اكل صحي وضايع ياخوك من كل شيء انا والجدار واحد لا الجدار ارحم مني فيه طاقة كهرب انا مطقوق على خشمي من مرض وبهاذيل الدنيا وغثاها قمت افضفض عن نفسي هنا حتى لو كلام لكن يعلم الله اني ارتاح وانا اكتب لأن ماعندي لا صديق ولا ونيس ، والله اني اصلي ركعتين الثلث اللاخير من الليل الساعة 12:51 ص ادعي ربي يفكني من ذا العذاب وابكي والسجود ماقوم منه الا دمي كله براسي دعواتكم لي والله محتاج اي دعاء منكم وربي اتعذب اكتب وانا ابكي ومكسور شعور صعب جداً انك تعيش وحداني الا كتئاب شيبب فيني وانا عمري 29 راسي كله شيب
كنت اصبغ مابي الناس تشوفه والحين خليته ماعدت اقوى على الترميم !..
لي ثلاث ايام اروح لتراويح احط يديني على شان انهض وجنبي شيبان ماشاء الله عليهم اسرع مني من النهوض . واللي حولي يقلون ذا مريض مافيه خير مسكين ماهو رجال ولا هو كفو اهل ماترحم ولاقرايب تفكك من لسانها المسموم والجيران اذا طلعت يناظرون كني ارهابي او بياع مخدرات كيف طلع ذا كان مدفون بالبيت واسلم ولا يردون السلام أقسم بالله ابي انتحر الدنيا ذي مالي بها مجلاس يااااااااارب الخلاص سئمت من حياتي ...

هلااا وغلااااااااا سلطان الغالي
بالنسبة لادوية الاكتئاب الي خذيتها ما تسبب بحد ذاتها ارتفاع انزيمات الكبد لكن ممكن ترفع الوزن وبالتالي يرتفع الكلسترول والدهون الثلاثية لكن مب مشكلة الحين المشكلة الاساسية التي
يجب حلها انزيمات الكبد المرتفعة اولا ايقاف علاج حب الشباب الروكتان لانه السبب فيها ولازم تراجع دكتور باطنية عشان يشوف دواء للانزيمات ترجع لوضعها الطبيعي مع اني قريت من
توقف الدواء ترجع الانزيمات لوضعها الطبيعي لكن احتياط راجع دكتور باطنية لصرف علاج لها وصرف علاج للكستلروول والدهون الثلاثية

بعد ما يرتاح جسمك وترجع الانزيمات لوضعها الطبيعي لابد من زيارة دكتور وارشح لك ماهر بغدادي اسمع عنه اخبار طيبة للغاية

علاجك بسيط بس اسمع مني لابد من صرف دواء اكتئاب بعد معالجة الانزيمات على يد الدكتور ماهر بغدادي

طبعا ارشح لحالتك بحكم انك مثلي وزنك زايد وخمول وكسل وتبي دواء ينشط ولا يزيد الوزن ارشح لك دواء ( برستيك ) بس قبل شيك على الضغط لانه يرفع الضغط قليل جدا وفي حالات وليست

كل الحالات دواء رااااااااائع وقوووووووووي ولا بوه اثار جانبية مزعجة ولا تحتاج الى اي دواء مساعد له

هذا بالنسبة للاكتئاب اما باقي علاجات الكلسترول والدهون الثلاثية ما عندي علم بها والله

لكن ابي اهمس في اذنك شي يا سلطان محاكيك عنده من الامراض التالية بروستات مزمن وبواسير واحتكاك فقرات الرقبة وقرحة معدة وضغط عااالي اما الامراض النفسية عندي وسواس

اكتئاب عنيف وانفصام وانت تعرف جحيم الانفصام الذي لا يوازي عذابه اي عذاب وكل ذلك بسب السحر والحسد

اذا يا سلطان اولا يجب تغيير قناعات بقبول المرض واعلم انه في خير عظيم لك لكن تجهله والله يحب الصابرين والله اذا احب عبدا ابتلاه

لكن اذا احب عبدا ابتلاه لكي يرجع له

ثانيا مراجعة دكتور ماهر بغدادي وارشح لك برستيك 50 مغ

ثالثا ارجع مارس الرياضة والحين الحمدالله في مطاعم تعطيك اكل صحي مثل صب واي

رابعا الرقية الشرعية بكل تفاصيلها من قراءة الرقية والاستماع لها دائم والزيت المقرئ والماء