من جرب افيكسور اكس ار 75 وكيف نتائجه؟
 

السلام عليكم ورحمة الله وبركاته

اليوم صليت الاستخارة عشان اشوف اي الخيار
اللي راح يختاره ربي لي هل هو سبراليكس والا فافرين
والا افكسور وصار تركيزي على الافكسور اكثر كل اليوم
وانا ابحث عن تجارب عنه وارتحت للتجارب واشتريت الدواء
وكان معي في لحظتها توتر شديييييييد وقلق فضيع بالاضافة
لخفقان بالقلب واستخدمت حبة الافكسور مع اندرال وهو
اساسا انا استخدم بروزاك 40 بس فادني فقط بالاكتئاب اما
التوتر والقلق مافاد للاسف عشان كذا اضطريت اجرب الافكسور معه
المهم بعد ساعة خف الخفقان مع الاندرال وراح التوتر والقلق مع الافكسور
او بالاصح اختفى ما ادري هل الافكسور لانه اول استخدام يكون كذا مفعوله او كيف؟

قبل يومين نزلت موضوع عن اعشاب مرخية للعضلات وللصداع
ووالله فادتني حييييييل ارخت العضلات عندي وخففت الصداع
ورفع المزاااااج خلاني مروووقة بس لاحظت
اليوم وامس مفعوله بدأ يضعف ما ادري وش السبب؟
شكلي بشوف هاليومين اذا مانفع تركته واستمريت ع الادوية النفسية
والبنادول والحمدلله

المهم تكفون ردوا على سؤالي من جرب الافكسور اكس ار 75 وكيف مفعوله
ومتى تبدأ نتائجه وهل هو فعلا يزيل القلق والتوتر؟
انتظر ردكم

ماراح اغشك انا جربته قبل سنوات ووصلت الى جرعة 450 مل تبي مرض فوق مرضك خذه رايح تسبح من العرق الشديد وشعرك كله يتساقط وزغلله بالعيون ودوخه الخ.. ومفعوله قوي على الجسم متعب انا مانكر انه يزيل القلق والتوتر لكن مايطاق بسببه نقلت الى الطوارىء جتن نوبة هوس حرارة بالجسم زي النار واذاني تقفلت ماسمع اي صوت حسيت اني فقدت عقلي وحولوني الى النفسيه وعالجوني ورجعت الى طبيعتي يوم وصلت للبيت اخذته ورميته بالزباله وانا الان لي اكثر من سنتين متوقف عن الادويه نهائياً ولا اراها ابد كلها كذب ونصب ماتعالج ولا تنفعك باي شي انا انصحك لاتعلق نفسك ولا تعتمد على الادويه ابعد عنها قدر الاستطاعه

جربته و كان مفعوله قوي و ممتاز جدا على الإكتئاب و القلق

بس أنصحك لا تدمجين البروزاك مع الإفكسور

الإفكسور يكفي مع الإندرال

جربته ١٠ سنوات الجرعة ٢٢٥ مج وكان قوي علي القلق والتوتر والاكتئاب ولكن عيبه الوحيد إني إذا نسيت الجرعة أو اخرتها كم ساعة يجيني صداع ولسعات كهربائية والله وحده أعلم..... اللهم شافي كل مريض يا رب......

جدآ ممتاز ورائع على القلق استخدمه من اكثر من سنتين بجرعة 225 وهي الجرعه القصوى الموصى بها

السلام عليكم
اختي دام السبراليكس ضمن خياراتك
انا جربته للقلق (الشديد) وتوتر ونوبات هلع واعراض جسدية وتفكير بالموت
ومصاحب معها اكتئاب متوسط الحدة
العلاج سبراليكس عبارة عن (سحر) يزيل التوتر والخفقان ويحسن من النوم مفعوله جدا جميل ونااادرا يتعارض مع ادوية
عيبه الوحيد (زيادة الوزن) طبعا مو لكل الناس تحدث على حسب الجسم
بس السبراليكس انا كان عندي هلع شديد ودائم بالطوارئ وتفكير متشائم
ويخفف اللي عندهم قولون عصبي او امراض بالمعدة بسبب التوتر

بالتوفيق لك وقدامك العافيه

انا جربته ولازلت استخدمه نقلني من القلق واختلال الانيه الى الاستقرار مع تحسن طفيف بالاكتئاب واكثر شي حسنه من اعراض الاكتئاب اللي هو الثقه اما الاستمتاع بالحياه والدافع الجننسي الخ .. فالتحسن كان ضعيف جدن
توكلي على الله واستخدميه بالبدايه 75 لمدة اسبوع وبعدها ارفعي الى 150 واذا انك مصممه ع البروزاك لاتتعدى الجرعه 20 علما ان الافكسور ماجاب نتيجه معي الابعد شهرين



كذاللك شدني تعليق اخونا رعد يعني استخدمت 450 بالله عليك وش كنت تتوقع شفا مثلا اكيد راح تجيك تللك الاعراض واكثر لانك استخدمت جرعه كبيره حتى الشركه المصنعه وقف شعر راسهم منك هههههه
وبعدين ياجماعه ركزو على الجرعات الصغيره ترا فيها استجابه اكثر من رفع الجرعه وهي ترجع لقابلية الجسم والمده شكرا لكم

كم الفترة الزمنية المثالية لرفع جرعة الأفكسور من الجرعة 150 مغ إلى 225 مغ ؟
علما أن التحسن نسبته تقريبا 35% وبشكل متذبذب غير مستقر ؟
كما أني أتناوله مساء قبل النوم لأنه عندما أتناوله بالصباح أو الظهر يتسبب لي بشعور غريب ومزعج بالرأس

الله يجزاكم خير انا جربت الافكسور يومين وجاني ارق قوووي وتركته
وحاليا لي 4 ايام ع السبيراليكس 10 مع البروزاك 40 والحمدلله خف القلق والتوتر
لكن صار معي خموووول في الصباااح الى الظهر وبعدها يروح
فشَكلي باخذه بالليل افضل بإذن الله 👍♥️
سبحان الله بعد الاستخارة حسيت براحة على طووول تجاه الافكسور وكان احساس
خاطئ لانه بعده بيومين تركيزي كله صار ع السبيراليكس والحمدلله بعد الاستخدام
انا مرتاحة معه 👍❤️ الله يطعمني من خير هالادوية ويكفيني شرها ولكم بالمثل وكل
مرضى المسلمين اللهم امين يارب العالمين

من أربع أيام إلى أسبوع ترفع الجرعة بالتدرج
أستخدم معه ديباكين خلطة مجربة ممتازة بجرعة 1000
الله يشفيك و يقويك

اللهم آمين تسلمين ع الدعوات و على طرح التجربة و الله يكتب لك الخير و يطعمك من خيرها و يكفيك شرها و الجميع يا رب