الادوية الكيميائية والمكملات الغذائية واعشاب مخصصة للكبد والكلى والقلب
 

السلام عليكم ورحمة الله وبركاته

بتكلم عن تجربتي مع المكملات الغذائية والاعشاب صار لي قرابة
السنة وانا اجرب من مكمل الى مكمل ثاني والنتيجة كلهم مفعولهم
مؤقت مع الاسف كم يوم ويختفي المفعول مايستمرررر 👎
والمكملات هي :
جابا - سام اي - سانتا جونز - 5htp - ثيانين - التايروسين - موكونا - اشواغاندا
ناردين - تربيتوفان ... وغيرها الكثير والله نسيت اسمائهم ...

وجربت تركيبة اعشاب مثل : ترو كالم - مود سوبورت - ريلاكس
نفس النتيجة المؤقتة 👎

اما المكملات المخصصة للنوم بصراحة جربتها كلهم ممتاااااااااازة 👍❤️وتعطي
نتيجة اذا زدت الجرعة مثل : الميلاتونين استخدم تركيز 30 والناردين 800 او اكثر
والتريبتوفان 600 او اكثر كل يوم استخدمها لانه معي ارق مع الاسف
وبصراحة انا استخدم تركيبة فيها مجموعة اعشاب منومة
فيها كل الاعشاب اللي ذكرتها ماعدا الميلاتونين يجي لحاله
والله خلال 20 دقيقة وانا في سابع نومة واذا صحيت ما احس بالخمول
بعكس ( الريميرون) التعبان يسبب سمنة وخموووول طول اليوم ومفعوله مايستمر
بتقولون ليش جرعة الاعشاب زايدة وممكن انها تضر انا ( صليت استخارة) اكثر من مرة
واحس اني مرتاحة لهم والحين لي فترة طويلة وانا استخدمها والحمدلله على كل حال👍❤️

ايضا قبل فترة بسيطة جربت مكمل اعشاب مرخي للعضلات ويخفف الصداع
ويريح الاعصاب وهو مهدئ نفسي يزيل القلق والتوتر ويعطي انشراح
اقسم بالله لمدة 4 ايام كنت مبسوووووطة بالنتيجة ومن الفرحة نزلت موضوع عنها
وبعد ال 4 ايام بدأ مفعولها يضعف كثييييييير لدرجة انه كأني ما استخدمها
يافرحة ماتمت 👎💔

بالنسبة للي يخاف من اضرار مكملات النوم يستخدم مكمل مخصص لسموم الكبد والكلى
ومقوي للقلب مثل ( Liver ) و ( حليب الشوك ) و ( الصفصاف) و ( الهندباء)
كلها ممتازة والحمدلله انا استخدمها باستمراااااار والحمدلله على كل حال 👍❤️

اخر شي اللي هي الادوية النفسية الكيميائية
انا لاحظت انها افضل بكثيييير من المكملات لان مفعولها دااائم ومستمر
مثل ( بروزاك - سيبراليكس ) ❤️❤️❤️ماشاءالله تزيل الاكتئاب وتخفف القلق والتوتر
والحمدلله انا مستمرة عليهم وتركت الاعشااااااااب ماراح استخدمها الا للضرورة
القصوى فقط مكملات النوم هي اللي باستمر عليها بإذن الله ..

هذي تجربتي مع الاعشاب والادوية ان شاءالله تستفيدون منها يااارب
والله يشفينا واياكم وجميع مرضى المسلمين يارب العالمين

شكرا لك يالغالية

طرح تجربتك مفيد جدا جدا و هذا إن دل يدل حب الخير للناس لأنك إنسانة فيك خير

أسأل الله لك الشفاء التام و الراحة التامة

هلا بالغالية يارب اشفيني وكل عام َوانتي بخير

والله اتمنى انك ماتاخذين ادويه ابداااااا ولا أعشاب بشكل مستمر
لان مهما كان لها اعراض جانبيه
وانتي مصابه بمرض روحي مثلي
يعني علاجك وعلاجي هو قرأه القرآن بكثافه والدعاء والعبادة بشكل عام
انا من رمضان تارك علاجي ونيتي اني اتعالج بالقرآن واشد على روحي لااخفيك اوقات اتعب دبل واوقات تضيق فيني لدرجه قويه
لاكن خلي فكرتك مثلي انك يكون القرآن هو علاجك ولازم يخرج الي فيك سوا المس او غيره
لان لو خرج راح تروح كل الأعراض انا منزل موضوع وبرفعه احين

لاكن اذا حسيتي انك متحسنه على اي علاج مثل بروزاك وغيره استمري عليه لاني انا جربت ٩٥ بالميه من الادويه وماحصلت تحسن
الله يشفيك شفا تام وانا وللكل. ونترك الحبوب ترك نهائي

وكيف عرفت ياسعادة الدكتور انها مصابه بمرض روحي؟...الاخت تقول عندها اعراض اكتئاب وقلق اذآ تعالج الاعراض بأخذ مضادات اكتئاب...وان كان مثل ماتقول مصابه بمرض روحي فالعلاج اسهل واسهل...تقرأ اية الكرسي لايقربها الشيطان تلك الليله....بيت يقرأ فيه سورة البقره لايقربه الشيطان...اصدقك ولا اصدق الرسول ؟ اختي الكريمه استمري على الدواء تحت اشراف الطبيب ولا تتوقفي عنها ابدآ الا اذا امرك الطبيب بذلك

الاخت يارب مصابه روحي وبعدين علاج المرض الروحي مش مثل مانت متخيل ياحضره الدكتور والشيخ
انا كم لي اقرا البقره والكرسي وماشفيت
العلاج يكون مكثف جدا واكيد العزيزه يارب اشفيني تعرف قصدي عموما الله يشفينا جميعا

اصدقك ولا اصدق الرسول عليه الصلاة والسلام؟ في حديث من قرأ اية الكرسي لايقربه الشيطان تلك الليله وحديث بيت يقرأ فيه سورة البقره لايدخله الشيطان ثلاث ايام....اذا انت قريتها او الاخت الكريمه قريتها ومافادتك معناه مافيك الا العافيه والشيطان او الجني المزعوم بأنه يؤذيك بريئ براءة الذئب من دم يوسف وعلاجك بالطب النفسي سواء كان علاج دوائي او سلوكي.....لا اريد التجريح بك فكلنا في هم لايعلمه الا الله

ياخي الحبيب اذا انت لست مصاب بمرض روحي ادع لنا بالشفا واحمد ربك عالعافيه الموضوع اكبر من ماتتصور واسأل محمد البدراني وغيره من المصابين

السلام عليكم اخواني وجزاكم الله خير ع المشاركة
بس معليش اخ متحري واخ صبري ياليت مايصير بينكم مشادة
بالكلام ترى الموضوع ان شاءالله امره سهل بالنسبة للكلام اللي قاله
صبري هو صحيح انا اعاني من مرض روحي حسبي الله ونعم الوكيل و
صار لي فترة طوووويلة وانا اتعالج بالرقية وبالعلاج النفسي طبعا الاعراض
النفسية سببها المرض الروحي وانا اتعالج من الناحيتين والحمدلله احس
بارتياح من ناحية الرقية المكثفة و الادوية النفسية ساعدوني كثييير وهم سبب
والشافي هو الله سبحانه وتعالى ..
بالنسبة للرقية اخوي صبري انا حاليا اطبق رقية الشيخ طارق الحواس
الله يجزاه خير جدا سهلة وهي قراءة سورة الفاتحة وآية الكرسي
واخر آيتين البقرة وآخر آيتين سورة الحشر والمعوذات والاخلاص..
طلب مني اقرأها بدون عدد يعني ما استطعت اقرأها وانفث على الماء واشربه
واقرأ وانفث وامسح على الجسم .. 5 مرات باليوم الشرب والمسح ..
وصار لي فترة وانا على هالطريقة واللي حصل خروج عارض واحد فقط
وان شاءالله البقية في الطريق بإذن الله
الايام هذي في كل مرة اكثف رقية احس اني اقشر شفايفي من الداخل والخارج
لحد ماحصل عندي التهاب شديد بالشفايف ووالله يا اخوي صبري اني احس بنبض
العارض في شفايفي حسبي الله ونعم الوكيل هو اللي يخليني التهي بشفايفي عشان
ما اقرأ وحاليا والله اتألم من هالالتهاب وفي كل مرة اعاهد ربي ما ألمس شفايفي وبالاخير
ارجع والمسها حسيت ان الوضع غير طبيعي وكأني مجبوووورة بالقوة على هالشي
ما ادري الحين وش اسوي ؟؟
اخوي صبري فيه طريقة تخليني اتجاهل التقشير هذا وبعدها استمر ع الرقية بدون انقطاع
والله تعبت وتعبت من هالالتهااااااااااب
والصدااااااااع صار له فترة ذابحني كل شي جربته الى انه اخر شي
استخدمت خل التفاح مقري فيه ومخلوط بملح ودهن عود ارشه على راسي والحمدلله خف الصداع
كثيييييييير وانتقل بعدها لشفايفي حسبي الله ونعم الوكيل هذا اللي اقوله
يارب القى حل ياااااارب

دام انت مقتنع ان الي فيك مس او عين او سحر خلاص توقف عن الدواء و الله يشفيك يارب لكن الوهم اشد من المرض....

كيف عرفتي انه خرج عارض واحد بس؟ بخصوص تقشر شفايفك هل ذهبتي لطبيب جلديه وقام بتشخيص السبب انه من العارض؟

ويعافيك يا اختي❤️
انا ذكرت في الموضوع الناردين اللي هو الفاليريان جربته
للقلق والتوتر مفعوله ضعيف نوعا ما .. بس للنوووووووم ماشاءالله 👍❤️
بالذات اذا كانت الجرعة كبيرة شوي يخلي النوم عمييييق
وهذا اللي استفدته منه هو وبقية اعشاب النوم ولله الحمد 💞
بالنسبة للقلق والتوتر مافي احسن من سبراليكس يقضي عليه تماما 👍

أول شيء أنا رجل ..

أها , مآكنت أعرف إن النآردين هو الفآليريآن ..

أشكرك ع التوضيح ..

بعدين إحنا عآرفين إن السبراليكس وغيره من الأدويه الكيميآئيه..

ممكن تعآلج مشآكل القلق والتوتر ..

وبشكل ممتـآز ..

بس هذآ ع حسآب صحتي وعآفيتي ..

وهذآ إلي مستحيل يحصل ..

والله لآيحدنآ عليهآ ..

والله كويس انك تحسين فيه هذا دليل انه يتأذى وانك قصمتي ضهره بكلام الله
انا ماحس فيه الا اوقات لما أشد على روحي بالرقية والقرآن يجيني تثاوب مع دموع غزيره واحس انه موجود فرجلي اليسار يجيني ألم وودي انه يطلع ويفكني من شره
لاكن بنسبه انه تحطين يدك على شفايفك يبي يوسوسلك عشان ماتكلمين فأنتي قولي أعوذ بالله من الشيطان الرجيم من همزه ونفخه ونفثه وانفثي على يسارك ٣ مرات وقولي آمنت بالله رب العالمين عشان تروح الوساوس كرري باستمرار
والبرنامج ممتاز والسور والايات الي كتبتيها قويه الأهم الاستمرار بدون توقف وبرضو استفيدي من مقاطعة اليوتيوب في نصائح يقولونها المختصين بالرقية في قناه لمختص اسمه محمد حسن اشتركي بقناته وتابعي المقاطع المخصصة لمرضك
المرض الروحي متعب جدا جدا وخاصه النوع الي اعاني منه لانه يتحكم تحمم كامل ويدمرني داخليا نفسيا وصامت لايتكلم لاكن تحس بأعراض فقط
المهم انتي استمري ولاتخافين منه تراه جبان وكل هالأشياء الي يسويه عشان يشتتك لاتسمعين كلامه واستمري وتقدرين تاخذين نفس الماء الي عندك المرقي وتحطينه على فمك وتمسحينه يمكن انه يروح ماراح يطلعه الا القرآن وكلام الله هذا الي عرفته من خلال المقاطع والمتابعه
وفي مقطع كتبي فاليوتيوب علامات الشفاء محمد حسن بيطلعك مقطع جميل اتمناااااااااه لي ولك ولكل مريض هذي اعراض الشفاء التام وكأنك انخلقت من جديد يارب عجل بها

آاااامين يارب يا اخوي الادوية الكيميائية ضرورية في الحياة واولهم البنادول
والله اذا توكلت على الله واستخرت قبل الاستعمال صدقني ماراح يضرك شي منها
انا ما استخدم اي شي الا اذا استخرت والحمدلله على كل حال
انا اقول جرب الفاليريان يمكن يضبط معك لان الاجسام تختلف والله يارب يشفينا
واياكم جميعا ومرضى المسلمين اللهم امين يارب العالمين