نفساني - احتاج تشخيصكم

ياجماعه بقول مشكلتي بشكل مبسط وعطوني تشخيصكم وش الدوا المناسب للحاله ذي بالذات
قبل عشر سنوات دخلت السجن بموضوع دين ومادين وكنت اتحمس للخروج مع ان ديني كان بسيط ونفسيتي كانت متوازنه يعني كويسه مع الاشهر والايام انضغطت من السجن وكان فيه مشاكل وهوشات وحرب نفسيه
المهم مع اخر الايام قبل خروجي اصابني خوف وبديت اوسوس صحيت من النوم كاني في حلم وقلق شديد جاتني حاله حسيت اني بفقد عقلي وكنت اقرا عن اعراض الانفصام وشفتها متطابقه علي وسوست فيها واني بطلع من السجن زي ولد جارنا مجنون يمشي بالشارع وملابسه وصخه يعني مجنون خفت لاصير زيه المهم الحاله اللي جاني قبل كنت اخاف ع اهلي واتصل عليهم وتطمن عليهم ويوم جتني الحاله صرت ماعاد يعنيني احد يموت اللي يموت ويحيا اللي يحيا حتى الاشيا اللي كانت تسعدني ماصارت تعنيني شي ماصرت احس باحاسيس عاطفيه كان راسي فاضي الزبده حسيت شي اختفى داخلياً وصار جسمي خفيف ومع طول السنوات استخدم ادويه كان الحلم خف ولاكن ظاهرة الاستمتاع والسعاده والاشيا اللي كنت اهتم فيها مارجعت وزمان كان عندي دافع جنسي ورغبه والحين ضعيفه وماصارت تعنيني شي
استخدم افكسور اللي تحسن فقط الثقه الاستمتاع والفرح زيرو