وسواس أم ماذا
 

مش عارف أبدأ منين، بس هبدأ من الآخر
أنا من كام يوم صحيت من النوم كنت مرهق شوية وبعدين لاقيت أهلي بيتحركوا ف الصالة وبيتكلموا فقولت يمكن بيتربصولي ولا عاوزين يأذوني، الفكرة أنا مش مقتنع بيها إقتناع تام وخوفت يكون عرض من أعراض الفصام، لأني قبلها بكام يوم كان فيه شخص بيحكيلي عن أخوه مريض فصام وبيتوهم إن والدته بتحط له سم ف الأكل وإن الناس بترقبوا وكده وبعدها نسيت الموضوع، علماً إني مريض وسواس وقلق نفسي وإكتئاب من 6 سنين وإتعالجت من قبل كده وإنتكست مرة وإتعالجت بأمر الله، وخدت شوط كبير ف الخوف من الأمراض والبحث عنها وكنت بقرآ كتير جداً عن مرض الفصام وقت ما كان عندي وسواس وكنت بخاف وبوسوس جداً بسببه، بعد ما حصلي الموقف ده وبعد ما صديقي كان بيحكيلي عن أخوه المريض بدأت أحس إن عندي فصام وبدأت أشعر بكل أعراضه عليا وأفضل أقول الناس بتراقبني وأهلي بيأذوني وكل الأفكار الفصامية اللي أنا مش مقتنع بيها أو أحياناَ من شدة خوفي وقلقي مش عارف أنا مقتنع ولا لأ بس أفضل أفكر بنفس طريقة تفكيرهم، الموضوع لا يتعدى التفكير اللي أنا أحياناً كتير ببقى رافضه ومضايق منه بس مش قادر ولا عارف أوقف الفكرة وأي موقف وأي حاجة بشوفها بفكر فيها بنفس طريقة تفكير مرضى الفصام من أفكار إضطهادية وما شابه لأني قريت كتير عن المرض ده وعن قصص لمرضى كتير، ومجرد ما أفكر كده وإن أنا عندي فصام بيحصلي قلق وتوتر وخوف شديد، وأي تصرف لاي حد أو صوت او حركة بفكر فيها ع طول بنفس طريقة تفكير مرضى الفصام زي إنها مؤامرة أو حد ييراقبني أو حد بيحاول يأذيني أو أي حاجة من طريقة التفكير ده ومع الفكرة مباشرة أفضل أقول لنفسي إني مش مقتنع بالكلام ده وإن ده مش حقيقي ومفيش حاجة وإن ده مجرد فكرة وأفضل أهدي نفسي وأقول إن ده وسواس وإني مش مقتنع خالص عشان أهدى، أنا مدرك بكل حاجة بتحصل حواليا وعارف إن تفكيري ده غلط بس مش قادر أفصل، المسألة لحد دلوقتي لا تتعدى مرحلة التفكير الملح و اللي بحاول جاهداً أخرجها من دماغي عشان مش عايز ألجئ لأدوية القلق والاكتئاب تاني، وبحاول بكل طاقتي أخرج الفكرة من دماغي وأشغل نفسي وف أوقات بسيطة بنجح في ده وأول ما أي حاجة تحصل وأرجع أفكر في الموضوع بالشكل ده برجع القلق والتوتر تاني.

هل أنا أصبحت فعلاً مريض فصام؟ أم حصلي أنتكاسة للوسواس والقلق من تاني؟
وإزاي أفرق إن دي أفكار وسواسية بسبب تركيزي مع مرض الفصام وبين إنها أعراض فصامية فعلاً؟

وممكن علاج مناسب.

مش عارف أبدأ منين، بس هبدأ من الآخر
أنا من كام يوم صحيت من النوم كنت مرهق شوية وبعدين لاقيت أهلي بيتحركوا ف الصالة وبيتكلموا فقولت يمكن بيتربصولي ولا عاوزين يأذوني، الفكرة أنا مش مقتنع بيها إقتناع تام وخوفت يكون عرض من أعراض الفصام، لأني قبلها بكام يوم كان فيه شخص بيحكيلي عن أخوه مريض فصام وبيتوهم إن والدته بتحط له سم ف الأكل وإن الناس بترقبوا وكده وبعدها نسيت الموضوع، علماً إني مريض وسواس وقلق نفسي وإكتئاب من 6 سنين وإتعالجت من قبل كده وإنتكست مرة وإتعالجت بأمر الله، وخدت شوط كبير ف الخوف من الأمراض والبحث عنها وكنت بقرآ كتير جداً عن مرض الفصام وقت ما كان عندي وسواس وكنت بخاف وبوسوس جداً بسببه، بعد ما حصلي الموقف ده وبعد ما صديقي كان بيحكيلي عن أخوه المريض بدأت أحس إن عندي فصام وبدأت أشعر بكل أعراضه عليا وأفضل أقول الناس بتراقبني وأهلي بيأذوني وكل الأفكار الفصامية اللي أنا مش مقتنع بيها أو أحياناَ من شدة خوفي وقلقي مش عارف أنا مقتنع ولا لأ بس أفضل أفكر بنفس طريقة تفكيرهم، الموضوع لا يتعدى التفكير اللي أنا أحياناً كتير ببقى رافضه ومضايق منه بس مش قادر ولا عارف أوقف الفكرة وأي موقف وأي حاجة بشوفها بفكر فيها بنفس طريقة تفكير مرضى الفصام من أفكار إضطهادية وما شابه لأني قريت كتير عن المرض ده وعن قصص لمرضى كتير، ومجرد ما أفكر كده وإن أنا عندي فصام بيحصلي قلق وتوتر وخوف شديد، وأي تصرف لاي حد أو صوت او حركة بفكر فيها ع طول بنفس طريقة تفكير مرضى الفصام زي إنها مؤامرة أو حد ييراقبني أو حد بيحاول يأذيني أو أي حاجة من طريقة التفكير ده ومع الفكرة مباشرة أفضل أقول لنفسي إني مش مقتنع بالكلام ده وإن ده مش حقيقي ومفيش حاجة وإن ده مجرد فكرة وأفضل أهدي نفسي وأقول إن ده وسواس وإني مش مقتنع خالص عشان أهدى، أنا مدرك بكل حاجة بتحصل حواليا وعارف إن تفكيري ده غلط بس مش قادر أفصل، المسألة لحد دلوقتي لا تتعدى مرحلة التفكير الملح و اللي بحاول جاهداً أخرجها من دماغي عشان مش عايز ألجئ لأدوية القلق والاكتئاب تاني، وبحاول بكل طاقتي أخرج الفكرة من دماغي وأشغل نفسي وف أوقات بسيطة بنجح في ده وأول ما أي حاجة تحصل وأرجع أفكر في الموضوع بالشكل ده برجع القلق والتوتر تاني.

هل أنا أصبحت فعلاً مريض فصام؟ أم حصلي أنتكاسة للوسواس والقلق من تاني؟
وإزاي أفرق إن دي أفكار وسواسية بسبب تركيزي مع مرض الفصام وبين إنها أعراض فصامية فعلاً؟

وممكن علاج مناسب.

مشكلتك تنقل في قسم الوسواس القهري

هذي وساوس من القلق الي عندك طنشها ولا تلقي لها بال