شكيت في الحمام كميرا في مختبر ما
 

السلام عليكم
دخلت مختبر في القصيم طلبت تحليل مخدرات بعدها دخل الدكتور الحمام وجلس يطالع يمين ويسار وقالي تفضل حط العينه من البول الله يكرمكم
دخلت ورفعت راسي فوق شفت مروحه الشفط بنص الجدار المهم شكيت في الوضع
وعطيته العينه سالت اخوي تتوقع فيه كميرا قالي لا المهم بعد اسبوعين
رجعت اخذ النتيجه والحمد لله سليمه
دخلت نفس الحمام شفت مكان المروحه لمبه اختي تقول انهم مبدلين المروبه في لمبه
وانا شاكك انها مروحة شفط على شكل كميرا
وش رايكم يا اخوان تتوقون فيه كميرا ولا اتوهم انا هل يعقل ان الدكتور حاط كميرا للمراقبه يتاكد اني نفس الشخص الي اخذ منه العينه
شكرا للجميع

والله حاولت اني ما ارد بس لازم ارد لك ولغيرك
يعني الدكتور وش يبي منك ولا من غيرك يحط كاميرا فالحمام هو ما يبي عورتك هو يبي زغولتك 🙂

ليتك مارديتي

هاو وراه

اخي هذا وسواس طالما انت شاكك يبقى وسواس قهري
اما لاقدر الله اذا كنت متيقن من انها كاميرا وليس عندك شك تكون اعراض فصاميه
المهم لازم تزور طبيب ويعطيك دواء لهذا الوسواس الشديد
انا مريت بنفس الوسواس ده و الحمد لله مع الدواء زال هذا العرض

نعم اهلا بك صديقي
مرضي هو الفصام الوجداني
واتناول ليبونكس 800 ورسبردال 50 ابر و ديباكين 1000

قالي الطبيب هذا علاجك و اهم من ذالك التطنيش يعني تناسا الفكره ولا تفكر بها

من يوم ماجبنا طاري الاخوه والمزح الثقيل مدري ايش جاك

فاقد جتني نفس وساوسك وكل مادخلت حمام اطالع ف السقف واتفقد الوضع
والحمدلله عدت
كلها وساوس كذب
مكان عام زي المستشفى والمختبر مستحيل يحطون كاميرا بالعكس يراعون خصوصيه المريض
انتبه تصدق هالافكار لانها كذب مليون بالميه

هل انت مستمر في هذا الدواء ؟ ام تركته؟

هلا فاقد هذي بركات الليبونكس وريسبردال اقسم بالله لو انا بمحلك وعندي الاعراض هذي والدكتور يصرف لي هالعلاجات بالجرعات لا ارجع وادخل العلاجات مع القصادير والامبولات بفمه كلهن اخليه يموت هذا لعب ونصب عيال الكلب هالاطباء غريبه انت فاقد مستانس انك تاخذ علاجات نفسيه وتفتخر ولا ودك توقفهن ابد لعنبوك وش استفدت علمن من الادويه الي انت تاخذ لا وزد ديباكين يقاله الدكتور فرويد شف عاد انا لازم اتواصل ونتقابل علاجك عندي انا لازم اشوفك وجه لوجه انت من بريده ؟

بس الغريب انها كانت مروحه وصارت لمبه بالسقف
تتوقع كميرا على شكل مروحه .؟؟

اقسم بالله انك تتوهم خذها مني .
لاني مريت باشياء واوهام ووساوس تشيب الراس حتى اني قربت اصدقها
وصدقتها ابشرك وودتني في داهيه لانوم لا اكل لا حياه زي الناس خلها على ربك
نصيحتي لك اخر ساعه من يوم عرفه استغله وادع الله وابكي وتذلل له يكشف كربتك وهمك .

هههههههه تصدق طبيت على الدكتور يوم شافني قالي انت وش جابك
قلت طفشان ومنزعج قال طيب شيل اللصقه الي على جوالك حقت الكميرا و فك اللثمه الي متلثم وخايف من الناس يصورونك
انطلق للحياة رح ادرس رح سافر سو الي تبي
انا مدري وش اسوي اخاف من التصوير بشكل جنوني كاني عاااري ماعلي ملابس

وش الحل يا الغلا احس الدكتور ابتلش بي

مسوي لصقة على كامرتك؟

الاماميه و الخلفيه كلهم