السلام عليكم ❤
 

السلام عليكم ورحمة الله وبركاته

مع اني كنت منقطعه من المشاركات معاكم الا اني بين كل فترة ادخل واشوف مشاركاتكم ومواضيعكم ..

حبيت اطرح موضوع اختصرلكم فيه تجربتي

انا مريضه بالهلع .. صار معاي خوف من وايد اشياء لان التشخيص بالبداية كان خاطئ وكنت ما اعرف شنو فيني
ف قضيت وقت طويل بين الاطباء والفحوص الي ان شخصوني ب panic attack
الزبده بدت رحلة العلاج السلوكي وتحسنت 100/100 مع الرقيه والاذكار وفهم طبيعة المرض
لكن الانتكاسات بين كل فترة وفترة ترجع
راجعت مره ثانيه طبيب نفسي صرفلي حبوب جربتها زادتني سوء وكرهت الدواء
رديت عالجت سلوكي وانتهى مره ثانيه مرضي وتشافيت


الان من تجربتي :
هل معنى كلامي الدواء مضر ومو زين ؟
طبعااااا لااء لكن بحالتي ماناسبتني

ليش ماتناسب البعض والبعض تناسبه ؟
اختلاف استجابة الجسم للدواء
اختلاف التشخيص والمرض النفسي ممكن انا عندي بسيط غيري عنده شديد

هل الرقيه الشرعيه والاذكار كافيه انها تشفيج ؟
باذن الله كلام الله مجرب وشافي لكن الخلاصه من الرقيه والاذكار انها تخلي اعتمادك وتوكلك على الله وتواجه مخاوفك
يعني مو تقرا قران وبس .. بدون مواجهه للمخاوف ماكو شفاء

ليش بعض الناس مايتشافا من الرقيه والاذكار ؟
لانه يعتقد ان ربي بينزل عليه معجزه وهو بمكانه
لازم انت تسعى وتتغلب على خوفك عشان ربي يعينك

هل انا مع ان الشخص يستعمل الدواء النفسي ؟
طبعاااااا مع انه تجربتي سيئه فيه ومناسبني الا ان الانسان لازم يبذل الاسباب ويعرض نفسه على مختصين
ممكن المرض اللي فيك يختلف عن مرضي

بالاخير ادعو الله ان يشفيكم ويعافيكم ويرزقكم حلاوة العيش ويستجيب لدعائكم ويرضيكم

دمتم بخير ❤

والله ان الهلع معاناه والله يكتب لنا الاجر.
ابغا اسالك وين تعالجتي سلوكي انا ماحصلت احد بجده او اسعارهم ناااار . انا ماقد جربت العلاج السلوكي بس من كلامك انه مفيد .
الله يشفيك ويشفينا ياكريم.

ويقول لك لا بد تراجع الطبيب ليصرف لك الدواء الصحيح ههههه

هلا فيج حبيبتي العلاج السلوكي ب نوبات الهلع اهم من الدوائي
لان اساس المرض هو الخوف
وبالعلاج السلوكي يدربج انه هاذا الخوف طبيعي وغير مضر
ماعندي فكره وين بالسعوديه عزيزتي بس ان شاء الله الاخواني هني ممكن يساعدونج

ممكن الدواء بنفعك وومكن الدكتور يكتفي بالعلاج السلوكي على حسب حالتك وقوتك النفسيه

السلوكي مهم جدا ولكن لابد من الدمج بالعلاج الدوائي لان تطبيق السلوكي صعب والاعراض تكون معك وايضا الدواء بحول الله يعالج الخلل بكيمياء المخ لكن لابد التدرج بالحبوب واخذ الحبوب المناسبه وان شاء الله ماترج لك الانتكاسه

على فكرة الانتكاسات من اعراض الهلع سواء بالدواء او بالعلاج السلوكي المعرفي
وعلى حسب كل حاله وشدتها يتم العلاج معاها بالطرق المناسبه
بس سواء بالدواء او بالعلاج السلوكي فقط لابد من الصبر والاجتهاد على طرد الافكار

ياليت توضحي اكثر ،،، لا ادري حقيقه كلامك مبني على اسس علمي او تجربه شخصيه لكن المجمل الانتكاسات بسبب سوء العلاج والجرعات وعوامل اخر لكن يوجد كثييير تشافوا ورجعوا طبيعي واحسن من قبل

شكرا جزاك الله خير والله يشفي الجميع ويعاففيهم

نوبات الهلع لها اكثر من سبب .. ممكن تكون عرض لاحد الامراض العضويه
وممكن يكون سببها حادثة مؤلمة مرت بالانسان
ووممكن يكون سبب مرض نفسي ادى الي نوبات الهلع
نوبات الهلع مو مرض لكنه عرض لعدة امراض وعلى حسب تحاليل الدم والفحوصات السريريه الدكتور يستبعد بعد الاشياء ثم تنتقلين الى المعالج النفسي

ف عزيزتي بالنسبه لسؤالج
انا درست وتعلمت من الكتب ومن دكاتره نفسسيين ومن معالجين سلوكيين ومن اطباء في المستشفيات
وشريت كتب ثقفت نفسي بنفسي وبنيت عليها كلامي اللي قلته

عشان تتغلبين على مرضج لازم تعرفينه وانا عرفته عدل

هاذي تجربتي نتاج 9 سنين مع هالمرض وهالكلام مبني على اسس علميه وطبية وتجارب شخصية 💕

عشان جذي مو شرط اللي ينفعك ينفع غيرك
لان المسبب مو واحد ف العلاج اكيد راح يختلف

بس هذا انا اللي اقوله دايم بارك الله فيك ،، والدواء مهم حسب الحاله ،

انا شاب لست بنت😁

اسفة عاللخبطة .. اي طبعا في (بعض ) الحالات لازم تاخذ دواء على حسب تشخيص الطبيب المختص