ابا اقولكم شيء وايد خايفه طمنوني :(
 

السلام عليكم

أخباركم ؟

ابا اكتب شيء الصراحه الموضوع هذا شاغل تفكيري بشكل غير طبيعي والله احس بتخبل وماعرف اكلم منو ؟

قبل سنتين تقريباً كنت قاعده مع امي وخواتي نسولف فجاءه اختي وامي يقولون (جبهتج ) منتفخه شوي يمكن في حشره قرصتج ؟
وانا اشوف نفسي اقول لا مافي شيء يعني هم يشوفون شيء انا ما اشوفه ، وكل ما اسألهم يقولون في وفي ، خفت وايد كنت كل شوي اتحسس جبهتي واشوف نفسي انا ما احس بشي بس هم ملاحظين
المهم مع الايام نسيت الموضوع وخلاص.

لكن من شهر وانا كل ما اوقف عند المنظره اشوف نفسي احس صح في تغير هل هو موجود وما كنت ملاحظه ولا مادري
لكن بعد طنشت. من فتره قريبه اختي ردت لاحظت وقالت لي وخفت لان انا بعد لاحظت. طبعاً انا اول شي شو سويت دخلت قوقل مع انه ادري قوقل يمرض زياده
وليتني ما بحثت لان كل اللي يظهر بلاوي وامراض واشياء تخوف .. ويوم تقرين بعض الاعراض تقولين صح انا عندي هل الاعراض.

صايره كل ثانيه ما ابالغ اشوف وجهي ، واشوف صور قديييييمه لي عشان اعرف هل هو صدق فيني شيء او
اطمن نفسي واقول يعني الموضوع من سنتين تقريباً او اكثر وانتي للحين تفكرين ؟

لكن من احس باعراض مثل صداع ولا تعب ولا شيء على طول اربطه واقعد اوسوس

والله احس بنفجر من الهم اللي فيني يعني كفايه الوسواس ونوبات الهلع واللاواقعيه وكل شيء فوق بعض يارب رحمتك.


ابا اسألكم عن شيء بعد ، اللي هو طنين الاذن او مثل ضغط مفاجئ يصير لكم بين فتره وفتره ولا ؟

مرحبا اختي
وش نقول وش نخلي عن هذا المرض الشين مره اتعبني انا مثلك يوميا اشوف وجهي ف المرايه اقول يمكن منتفخ واحس كنه منتفخ اشوف شفايفي اظافري اقول ايه اكيد اليوم نقص الاكسجين معي مره واليوم بموت وافكار ثانيه غريبه عجيبه كل يوم اراقب نفسي وجهي دقات قلبي تنفسي كل يوم يتنوع لي شكل تعبت منه صراحه تعبت

الله يسعدك يارب قلنا انت كان عندك وسواس الأمراض وكيف تخلصت منه؟!

يختي واضح وسواس كلنا تفكيرنا واخد ومأثر علينا اللهً يلعن الشيطان

طنين الأذن ياتي دائما وبشكل مفاجئ من هذة الناحيه تطني ياختي

هيه والله هم💔

يزاك الله خير اخوي طمنتني والله صدق يعني شايله هم الموضوع بشكل غير طبيعي ،
واي الم احس فيه الحين اربطه بالموضوع واقول يمكن فيني شيء وانا مادري. تعبت والله
تسلم اخوي ماقصرت على النصايح

هو كنت احس فيه من زمان فجاءه ومثل صوت مزعج
بس هالايام احس كثل ضغط بعد ومادري شو السبب

الله المستعان💔😔

والله وانا اختك اني مثلك هذا كله من الوسواس اعوذ بالله منه انا صايره حتى الاكل اوسوس فيه ممكن هالاكل ما ينفع مع هالاكل ولا اوسوس ممكن يتفاعلون مع بعض وتصير خطيره على الصحه من غير شر وما صرت اكل تمام واحيان وربي نفسي احيان بالاكل لكن من الوسوسه ما اكل
لا تشيلين هم كله من الوسواس الله يشفينا ويعافينا ويكتب اجرنا الحمدلله على كل حال...

الضغط عبارة عن أعصاب بسبب التوثر والقلق ياختي

اللهم آمييين❤

فرج الله همك
طبيعي شكلك تغير خلال السنتين
عادي انا دائما أتحسس وجهي و اقول فيه شيء كذا احنا ندور وسواس من لا شيء لكن روحي للطبيب عشان ترتاحين