مافي تحسسن ابدا ..و ياريتني ما دعيت الدعاء
 

السلام عليكم ..
اختفيت لفتره .. بس مب معناته صرت احسسسن لا لا
والله انه تعبت و تفكير و ضيق و بكاء كل شي !!

تعبت والله العظيييم تعبانه والله ماعرف كيف اوصفلكم الشعور و الاحساس
لدرجة اقول هالاحساس صدق لا مب وسواس !! مب معقوله وسواس بيخليني اعيشش هالخوف و هالتعب ..

انشغل والله انسى الخوف و الوسواس بس فجاه دون سابق انذار يرجع لي الوساس
و التفكير و الخوف والله اقعد اصيحححح و اكره كل شي

- انا اعاني و قاعده اتعب من الوسواس الي كل ماله و يزيد بسبت الدعاء
كل ارييعاتي مستانسات يضحكون و قاعدين يجهزون حق حفل التخرج
و انا اقعد اقكر و قلبي يدق بسرعه و اصيح اقول و انا شو انا الغبيه
دعيت ع عمري يا ريتني ما دعيت ما قلت جي

خايفه من 2020 واااايد كله يعطيني الاحساس انه حقيقي بموت ف 2020
و اذا قعدت افكر فالسنه والله انه يكون الاحساس حقيقي و شعور حقيقي
يوسوسلي يقولي بتموتين ف2020 بس متى ماعرف


2020 خايفه منه ف كل شي مجرد يتكلمون عنه اخاف و قلبي يدق بسرعه
اقول لا مو معقوله الله قاعده يطرشلي انذار )؛

و انا قاعده اكتب خايفه يقولي بتموتين عقب بيقولون كانت حاسه
مادري احس مريت بهالشعور .. كنت اخاف من 2019 و كنت احس حقيقي
لكن هالمره اقول لا هالمره صدق غير الاحساس و الشعور و المشاعري حقيقيه

هل هالخوف كله عشان حفلة التخرج و اني دعيت الدعاء )؛

ما احس بالامانه كله خايفه و اقكر و ضيق
الاحساس متعبني 💔💔💔 كنت اتمنى اتواصل مع الرهابي الشجاع )؛

السلام عليكم أختنا سارونز

يا أختي سبق ونصحناك في موضوعك السابق .... هوني عليك ولا تكبري الموضوع
أنتي هربتي من الوسواس وطمأنتي حالك بدعاء أنك لاتموتين حتى التخرج .... يعني من ضغط الوسواس دعيتي هذا الدعاء

تعرفين هناك يمين اللغو .... وهي الحلف بالله على الشيء دون نية الكذب أو قول شيء مخالف للحقيقة (زلة لسان بالحلف) وهذه اليمين لايؤاخذ عليها
وهناك دعاء يندرج في مفهوم اللغو .... وهو دعاء الرجل على نفسه وأهله وماله بما يكره أن يستجاب له كأن يقول (ذهب الله ببصيرتي إن كان كذا وكذا)
أو (لا بارك الله فيكم لأنكم فعلتم كذا وكذا) أو يقول (الله يقطع أعماركم) لأولاده لما يقلقونه.... وهل هناك من يتمنى الشر لأبنائه أو لنفسه !
وهذا الدعاء يقول الفقهاء أنه غير مستجاب ولا يؤاخذ عليه ويدخل في مفهوم اللغو

لذلك هوني عليك واهتمي بأمور التخرج .... وإن شاء الله ستفرحين بتخرجك ويكون تخرجك بداية لمرحلة جديدة جميلة من حياتك

ربنا يشفيك ويشفينا جميعا

يعني مشكلتك خايفه من الموت ؟!
فيه ناس يتمنون الموت من شده الالم والاكتئاب انتي في نعمه
هوني على نفسك وقولي عادي اذا جاء الموت هذا شي ربي كاتبه
محد بيرده عن نفسه ان خاف او ماخاف

السلام عليكم
الله يبلغك حفل التخرج و انت بأتم صحه و سلامة يا رب. عارفةما فيه شيء يخفف عليك لكن هذا الشعور غصب عنك لكن قولي انا باخضر حفل التخرج و بافرح بتخرجي

و الف مبروك مقدما يا خريجة

شوفي اللي لهم 10 سنين وأكثر في هذا الوساوس ولا صرلهم شي غير انهم كبروا وكبر معاهم وقولي ستوب لو كل الناس فكروا بدي الطريقة ماكان احد عاش اصلا ولا اشتغل ولا درس ولا سوا شي شوفي حوالينك وتعرفي انك مو طبيعية وتفكيرك المشكلة يبغالو تزبيط ونصيحة مني حطي ستوب انه دا الوسواس يجيب معاه وساوس 2 انتي بغنى عنها ..

والله انا لي اكثر من 15 سنه وهو معاي وكل يوم يزيد وسواسي وتتغير الافكار عندي انو بيصير لي كذا اوعيالي بيصير فيهم كذا واعيش ف دوامة قلق ثم تبداء الكتمه الرجفه والتنفس وووووغيرها من اعراض هذا الوسواس اللعين الي يخلي كان الي فيك صدق ماعاد تحسين بلذة اوطعم الحياه ابدا تموت السعاده عندك وزاد معي جدا وظل يلازمني يوميا بعد وفاة امي وابوي وطلاقي كرهت كل شئ وفقدت شهيتي وجلست خاضعه له وكل شوي يجيني وسواس شكل وارتحت شوي لما وصف اخوي الرهابي الشجاع ان الذي فيني قلق ونوبات هلع الله يشفينا جميعا يارب

ياسارونز ياغالية ٳن شالله تحضري حفلة تخرجك وتحتفلي بالشهادات العليا يارب انت قدها وقدود وماعليك. . الوسواس طالما أنك استودعت حياتك عند الله اللي هو الطف بك وعالم بحالك جل في علاه فاطمىني

15 سنه تعاني ربنا يعوضك خير يارب

هيه والله ضغط من الوسواس و الهروب منه 💔 بس للحين ماعرف ليشش خايفه من 2020

اي والله اختي ام محمد 15 سنه وانا والله اعاني والحين كل يوم يزيد اكثر واكثر

15 سنه تعانين من وسواس الموت ؟ 😣 يالله بس
انزين مريت ب هالشعور او الاحساس انج تخافين من سنه معينه يوم شهر !!

لانه الحين الوسواس داش بطريقة ثانيه

‏هو كل ماله فاتح باب يديد.. مثل حالتي يقولي اوكي ما بتموتين ف تخرجج يمكن قبل ولا بعد .. و الحين يذكرني ب اول مرت صار فيني وسواس انه حددلي ف رمضان و الحين يقولي ف رمضان لانه اول وسواس صار فيج كان خوفج و محدد ف رمضان خلاص هالمره رمضان

تعبتتت والله صار 2020 بنسبالي رعب

انتي مشكلتك ذهنية عندك خلل في تواصل الخلايا العصبية من الصدمات النفسية الي تعرضت له وعلاجك هو سوليان ٥٠ مل ترجعين طبيعية وتختفي كل الأفكار السلبية انصحك تاخذين العلاج بأسرع وقت

رحت عند الدكتور عشان يعطيني ادويه ما طاع )؛ شسوي