ما هو السبب ؟
 

انا استخدم بروزاك 40 مغم وكتب لي الدكتور افيكسور 225 مغم بس ما استخدمه لانه سبب لي اعراض جانبيه انا الان اشعر بالم في قلبي شديد لا يحتمل اشعر بالتعب والارهاق وتبلد شديد لا اشعر بالفرح ولا بالحزن فقط اكتئاب لو تحطني بالجنه ما اشعر بسعادة ولو يموت اقرب البشر لي ما احس بحزن مدري وش الي امر فيه ؟؟

تمرين بالعافية ازمة وتعدي باذن الله بس عليك بالدعاء وطول السجود

هوني عليك لمياء شو هذا الحكي ؟ اعرف ما تمرين فيه و أنا مريت و عايشه فيه لكن ليش كل هذا؟ تعرفي من بيفرح لو شافك على هذا الحال؟ تعرفي من يتمنى أنك على هذا الحال؟ هو الشيطان وهو التفكير اللي بيوجعك حالياً .. اللي خلقنا هو من خلق السعادة و الحزن و نحن نجلب أحدهما بيدينا يا حبيبتي هوني عليك ترى أنا مثلك لكن اللي بيزيدك هو هذا الحكي والله طوري بالك كثير و استعيني بالله و بتفرحين و بتنتهي مشكلتك و كلنا وياك إن شاء الله فقط ابتعدي عن هذا الكلام و استعيني بالله و تسببي بالفرح و اختلطي بالسعادة. كلنا معك

هذا الحقيقة الي ينكرها الأطباء النفسانين ان مضادات الاكتئاب تسبب تبلد في المشاعر لا فرح لا حزن لا إحساس لا شعور

واذا تناقشت مع الطبيب عن هذا الموضوع يضع اللوم على المرض ان طبيعة المرض يسبب هالشي

عموما ناقشي مع طبيبك مضادات اكتئاب أخرى ما تسبب تبلد مثل الويلبوترين

شافاك الله

اختي العزيزه لمياء انا شخص لي تجربه طويله مع الايفكسور اول مره أخذته مع علاج اللكستوننيل والحمدلله شفيت تماما ورجع لي الاكتئاب مره ثانيه وأخذته لمدة سبع سنوات متواصله وكانت من أجمل أيام حياتي وللأسف تركته وصارت لي ظروف قاسيه ورجع لي الاكتئاب واستخدمه حاليا والحمدلله الوضع مستقر لكن انتظر الوقت اللي ارفع فيه الجرعه ل 150 عشان يبدأ مفعوله المهم انك تاخذيه بالتدريج لانه من اقوى الادويه مفعولا ضد الاكتئاب واكبر غلط انك تاخذينه بالجرعه الكبيره هذي لأنها تعتبر مقاربه للجرعه القصوى اللي هي 300 ومافيه دكتور عاقل يعطيك هذا الدواء بهذي الجرعه خصوصا مع البروزاك المفروض يكون العلاج بالطريقه هذي تجعلين البروزاك 20 وتدخلين الايفكسور بجرعه 75 لمدة أسبوعين ثم تتركين البروزاك وترفعين الجرعه ل 150 وان شاء الله راح يزول الاكتئاب على هذي الجرعه لان الايفكسور بجرعة 150 هو الجرعه العلاجيه، للمعلومية اخوي ياخذ البروزاك مع الايفكسور لكن بجرعة 20 البروزاك و 75 الايفكسور وتحسن الحمدلله بدرجه جيده، عموما انصحك وبقوه ترك هذا الدكتور لأن العلاج بالطريقه هذي له عواقب وخيمه على الصحه النفسيه والجسديه وبنفس الوقت تبحثين عن استشاري نفسي حتى لو من مدينة اخرى عن طريق الهاتف واتمنى لك الشفاء العاجل

هذي الاعراض الجانبية للادوية فقدان الاحساس بالفرح والحزن الحقيقي

ماراح يقولك ان الدواء النفسي يسبب تلك الاعراض لانها قطع ارزاق