الشي طبيعي ولا الوسواس لاعب دور
 

هلا شحالكم ..
اختفيت شوي لانه مشغوله مع التدريب و نشت الصبح ..
ف نسيت الوسواس بس يوم ارقد خلاص اخاف افرز


بس سؤال متعبني و افكر ..

الحين انا اربيعتي الي كانت مقاطعتني من سنه رجعت لي
طبعا تأسفت مني و خلاص نسيت كل شي و رجعت علاقتنا نفس قبل
تتصل و اسير عندها و نطلع يعني حياتنا رجعت نفس قبل
بس هي ما تعرف اني اعاني من وسواس الموت و انا ماحب اقول
تقريبا من 2018 تزاعلنا و الحين من شهر تقريبا رجعت علاقتنا

مب اهني الموضوع .. الموضوع انه خايفه الوسواس متعبني انه ليششش رجعتلج الحين هذا دليل انه رجعت قبل حفلة تخرجج لانج صج بتموتين و هذا دليل اي انسان يزعل منه اي حد عقب يرجعله هذا دليل انه حاس هو بيموت و دليل الموت


والله خايفه خلاص مب قادره حتى ابي اتهرب منها مب قادره اقول اربيعتي من سنين رجعت عادي

الوسواس يقول لا هذا دليل موتج و خلاص باقي شهرين ع تخرجج و حلمج تحققق و هذا اكبر دليل


بس ابي اعرف هالمعقوله انه اربيعتي رجعت لي عشان حفلة تخرجي و لانه بموت ( بسبب الدعاء ) و تحقق لانه دعيت الدعاء و تحقق و هذا الشي مخوفني مع رجعت اربيعتي ( دعيت ع نفسي بالموت اذا صار شي و الشي صار )


مادري بس سالفه اربيعتي الوسواس معيشني بخوف خايفه

مراحب اختي
ايوه وسواس وقد حصلي اذا كلمني احد من زمان عنه اواحد طلب لي طلبه كويسه خلاص افسرها انه الموت وانه حاس اني بموت عشان كذا تواصل معي واي حاجه اقول بسويها يقولي اكيد عشانك بتموتين بتسوينها كل يوم فكره جديده ووسواس جديد لاتخافي اختي

نفس الشعور عندما يتصل بك صديق قديم وصار له فترة ما يتواصل معك وعندما يتصل بك توسوسي بأنك سوف تموتي والدليل على ذلك هو إتصال الصديق القديم


ولا تسترسلي خالص

والله هالوسواس ذبحنا كل يوم عرض جديد وقلق جديد وخوف جديد 😭 اللهم افرجها علينا ومن علينا بالشفاء العاجل اللهم امين

😖والله الوسواس تعبناااا