ساعدوني وربي تعبت
 

السلام عليكم .. انا اعاني من وسواس قهري من وانا صغيره من 13 سنه تقريبا جاني وانا بعمر ال 13 او 14 وكنت اوسوس ف الصلاه وفي الوضاء وبعدها لما كبرت الوسواس سبب لي اكتئاب و قلق وتوتر و استعملت ادويه كثييييرهههه من صغري :((( و الى الان و الدوا اللي ناسبني مره لوسترال و بروزاك بس تركتهم بسبب ظروفي الماديه ولما رجعت اخذتهم ماصاروا يجيبوا معايا مفعول و الان انتهت فترة مراجعتي مع الدكتور ولازم ارجع اكشف من جذيد وماني قادره اكشف ظروفي صعبببه .. وربي تعبانه نفسيا احس اني صرت فاقده الثقه بنفسي زادت الاعراض صار عندي وسواس فكري اجلس احلل الموقف اللي يصير معايا الف مره مره تعبتتت والله ماني عارفه ايش اكتب خلاص

يالله من عمر 13 سنه ؟؟
مره كنتي صغيره
الله يخفف تعبك يارب ويشفيكي
صراحه المفروض ما تاخذي علاج على صغر سنك المفروض تاخذي علاج سلوكي بس المشكله في التكاليف
اللي عندك بس وسواس وضوء وصلاه ؟؟
اذا بس هذول حاولي من دون أدويه بالتجاهل اعرف صعب لكن حاولي
واهلك يعرفو عنك هذا الشي ؟؟

ايوه اهلي يعرفوا من زمان من وانا صغيره وودوني عند شيخ ودكتور مخ و اعصاب هو اللي شخص حالتي وقال وسواس قهري وعطاني لوسترال ومره ناسبني اختفى الوسواس شهرين ورجع والى اليوم ملازمني وصار مو بس وسواس اكتئاب وقلق و توتر حتى صرت احس اني فاقده الثقه بنفسي وقريب راح اتزوج :( مادددري كييف ابغا شخص متعافي من الوسواس ينصحني و يقلي ايش اسوي تعبتتتت ادقق ف كل شي افكر ف المواقف اللي اصير معايا بشكل مو طبيعي احللها تحليل مدري ايش الحل

من صغري كان عندي وسواس ف الصلاه و الوضوء كنت اخلي امي توقف معايا لما اصلي ولما اتوضا .. لكن لما كبرت تقريبا اختفى وسواس الوضوء ف صار عندي بس ف الصلاه لما اجي اكبر م اقدر اكبر .. اكبر بصعوبه انطق الله اكبر بصعوبه حتى لدرجة اني اتكاسل اصلي اشيل هم :( والوسواس هذا سبب لي اكتئاب وقلق وتوتر وصار عندي وسواس فكري كمان لو يصير موقف معايا مع اي احد لازم ارجع اتذكر بالتفصيل انا ايش قلت اقعد احلل الموقف لين مخي ينفجر ويتعب وبس هذا اللي عندي :(

انا نفسك وعرفت السبب