ارجوا الرد للضروره
 

اخواني من لديه خبره
هل السيروسكات مع الرياضيه
والحميه بينزل وزني وبيصير الجسم المطلوب
ارجو الرد 😭

نعم بشرط الانظباط التام والرياضه ثم الرياضه

شاكره لك ومقدره اخوي ابن دايم ما تقصر

ماعندي علم للامانه بالعلاج ذا
ولكن لي خبره بالتغذيه والرياضه ،
نظمي وجباتك خليها خمس وجبات او اربع تكون خفيفه
والمهم تكثري مويه ، ذي اهم نقطه مع الرياضه طبعا

انا استغرب الحين الواحد مريض ويبي العافيه واذا اخذ علاج همه زيادة الوزن او الجنس اكثر من همه انه يتشافى انا اتوقع اني الي همه الاثار الجانبيه للعلاج اكثر من الشفاء ماعنده اي مرض

يا زينك ساكت 🙂

شاكره لك ومقدره اخوي ابو فهد 🌹

يعطيك العافيه ما قصرت 🌹

رعد القلوب اتمنى من اليوم ورايح لا ترد على اي موضوع مبتلاه بالهلع تحطه ويخصني لان ما ابي احد بعدين يقرأ اي موضوع احطه يكون فيه رد محبط سواء لي أو لغيري

تدري يا رعد اول ما دخلت المنتدى اقسم بالله احس اني في صحراء لحالي و اصارخ ابي احد يساعدني واحس انا لحالي الي اعاني معاناة ما يعلم فيه الا رب العالمين وفجأة ترد علي قطرات بعدها ابن دايم وبعدها ناس كثير قلت أسمائهم و شكرتهم ولا فيت ربع حقهم ما تدري قد ايش ساعدني كثييير مو شوي.. ولا الاخ علي اليامي صح ما رد علي وكان معاي اول بأول مثل قطرات وابن دايم وغيرهم كثير الحمدلله ولكن ما ترك الا ردود ترفع المعنويات وايجابيه وتساعد وتغير..

فا اتقى الله في ردك يا خي قل خيرا او اصمت

انا عن نفسي يوم كنت استخدم الادوية كان وزني ثابت ولا ينقص وعندي كرشة مضحكة مثل خط الاستواء !!
حتى مع الحمية الصارمة للاسف وزني ما نزل
ولكن بعد ما تركت الادوية الحين ماشية على نظام اكل بس وجبتين في اليوم كلها خبز بر اسمر مع عدس او ايدام بطاطس مع فاصوليا او ملوخية وخضروات فقط
وابتعدت عن مصادر الكربوهيدرات والدهون ونزل وزني حوالي 12 كيلو
ولكن بمجرد ما استخدم الادوية للأسف حتى مع الحمية يزيد الوزن ولا ادري ايش السبب بالضبط!!
واما السيروكسات معروف عنه سمعته السيئة جدا في زيادة الوزن
ولكن لو تغيرين السيروكسات الى لوسترال او بروزاك او افيكسور يمكن ينزل وزنك
واما باقي الادوية للاسف جميعها تسبب زيادة في الوزن حتى مع الحمية والرياضة

بحكم خبرتي بالتغذيه والرياضه
اكبر غلط تكون وجبتين ،
صحيح تنزل كذا كيلو بسرعه ، ولكن غالبا غالبا ، يكون فيه ترهل
بحكم النزول السريع
الكارب هو اللي يعطي الجسم طاقه والافضل الكارب المعقد
اللي بالخبز البر ( الاسمر ) والشوفان .. والخ
ف الافضل اقل. شي باليوم اربع وجبات من ضمنها السناك
وطبعا تكون وجبات خفيفه ويكون البروتين فيها من متوسط لـ عالي
على اساس تنزل ببطئ تدريجي ويصير فيه تناسق
النزول السريع ياثر صحيا وشكليا ونفسيا
وقدامكم العافيه يارب

مع ان الاطباء اجمعوا انه مع الحميه والرياضه بينزل وزنك مع السيروسكات وأكد على ذلك ردود الاخوان

لانك ممكن تتشافى لكن
لاتنسى ان زيادة الوزن مرض وناس كثير
جاهم اكتئاب بسبب وزنهم اللي زاد
لاتحكم على اي شي لين تجربه
بالتوفيق

استعملت السيروكسات
٧ سنوات
بديت ووزني ٦٤ وانتهيت ووزني ٨٩
وحولت للسبرالكس من ٥ شهور
وبدأ من ٨٩ وهالحين ٩٧

كان جسمي رياضي ومتناسق ونحيف
وهالحين دبدوب
مهما سويت رجيم ماينزل