الله يرضى عليكم جاوبوني
 

السلام عليكم ورحمه الله وبركاته
بمر بحاله انتكاسه قووووويه مره لدرجه اني ما أقوم اخاااااف جالسه على السرير
ايش صار
جاني التهاب في معدتي ووقفت علاجي السبرالكس من دون تدريج علشان كان يوجعني كثير في معدتي
استخدمته 9 سنوات
وقفته قبل شهرين كانت تجيني انتكاسات بسيطه
هذي الفتره يمكن اربعه أيام انا منتكسه على الآخر اكثر شي ممكن أتخيله
كتمه على طوووووول على طوووول
خفقان وأنا قايمه وأنا قاعده
خوووووف
عندي موعد في جده وخايفه من طريق مكه جده اخاف يصير شي من قوه الكتمه
معقوله الانتكاسة تجي بعد شهرين مو اول أسبوعين وتروح ؟؟

كل يوم أقول راح يصير فيا شي كل يوم كل دقيقه كل ثانيه
الكتمه مو راضيه تروح أخذت أكسجين ولا فاد
ووزني نزل 12 كيلو والأكل ما اكل ليا أسبوع
واستفراغ وخوووف من الادويه وخوووف من الحياه يارب رحمتك

استهدي يا أختي بالله، هاذي النوبات جننتنا، يمكن انتكستي لانك ما توقفتي تدريجيا في أخد الدواء، أنا ما بأخذ أدوية والبارحة جاتني نوبة خلتني أنهار من شدتها مع أنني تعايشت مع هذا المرض راح كمل ست سنوات لكن البارح خلاص انهرت، الحمد لله على كل حال الله يشفينا جميعا وأتمنى الأخوة والأخوات يطمونك

ايش اسوي يا سلمى والله الكتمه ماتروح بالمره
قلت يمكن انيمبا يمكن قلق شديد يمكن الأعراض الانسحابية للعلاج
يمكن ويمكن
بدريه دحين اشوف الرابط

اعاني نفس اعراضك الكتمه بتم معاك طالما تفكرين فيها بتمين تحاولين تتثاوبين وتسحبين نفس غصب وانتي موقادره مخنوقه

اشغلي نفسك عنها بشي تعملينه ساعه راح تشوفين انك كنتي تتنفسين من دون مشاكل


الاعراض النفسيه تكبر وتتضخم لما تتفضين لها وتدققين فيها دربي نفسك عالتجاهل والتطنيش اذا مالقيتي شي تشغلين نفسك فيه اشغال تام اشغلي نفسك باي شي

اخذي المكنسه وخمي البيت نضفي البيت اغسلي اطبخي لاتوقفين لوقت فراغ طويل ولاتنتبهين للاعراض صدقيني عن تجربه سنوات التفكير بالاعراض يضخمها انا كنت افكر بالكتمه لدرجه اتثاوب غصب وما اقدر واتنهد باستمرار وانجنيت الان اطبق الاشغال متى تجيني اطنش واشغل نفسي باي شي ماعطي مخي فرصه للتفكير وانا اقنع نفسي ان الله سب-انه لو بياخذ اجلي ماراح ينفعني مخلوق في كوكب الارض فاترك الموضوع وارتاح

وعليكم السلام ورحمة الله وبركاته

ما افهم صراحة في الأدوية النفسية لكن الطبيب ان شاء الله يطمانك
بالنسبة للخفقان والكتمة احتمال تكون فقر دم
خاصة تقولي انك نازلة 12 كيلو فاحتمال فقر دم لانه يعمل خفقان بالقلب وكتمة
مري اقرب مستوصف وحللي دم وان شاء الله امورك تمام

حياك الله اختي
كل مشاكلك سببها ترك العلاج من غير تدريج
انتي الان في حالة قلق والخوف اللي فيك يزيد والقلق يزيد
لذلك انصحك تراجعين دكتورك وباذن الله يعطيك افضل حل

اهلين اخوي صلاح
حاولت أتجاهل وأقوم بشي احبه ما قدرت أبدا الكتمه قويه مرررره
غير الخفقان شي مو طبيعي

اهلين اخوي محارب
حللت ما طلع فيه فقر دم وكل التحاليل سليمه الحمد لله

اخوي بن ديم
انا اقولك المشكله
عندي الم جاني في المعده قوي كان خلاني أوقف العلاج
كنت اقدر اتدارك الالم لكن لأني اخاف من الادويه تركته وجلست بيه
امس رحت عند الدكتور علشان يسوي لي منظار وأنا حسيت انه نهايتي قربت من شده الخوف والكتمه والخفقان لدرجه اني ما أبغى يعايني ما أبغى أتمدد على السرير احس بدوخه قويه وكتمه وأبغى أقوم زي المجنونه
الدكتور قال بنسويلك منظار للمعده وأنا من امس اليوم ما نمت
كل ما احاول اغفي يجيني زي الالم او الحراره في جسمي وبعدها خفقاااااااان
وكوابيس وخوف فوق طاقه الإنسان
حسيت بشعور المدمنين كيف بيكون
الخفقان مستمر معايا على طول اليوم لكن ما يطول دقايق ويروح وشوي ويرجع وكذا

كل هذا لان القلق عندك واصل حده
لذلك لازم تراجعين دكتور يظبط القلق عندك
طالما فيه قلق يعني فيه خوف

انا بعد ماوقفت العلاج باربع شهور جتني الانتكاسه مو اسبوع ولا اسبوعين.
كل الي فيك من ترك العلاج
وكمان عشان بدون تدرج..حاووووولي تسيطرين على افكارك وانا اختك ..وسوي المنظار عشان تتطمنين وبعد النتيجه روحي للدكتور النفسي

الجرثومة اصعب مرض من الاعراضها النفسية اختي انصحكي بي منضار للمعدة وتحليل الجرثومة عانيت منها الكثير من 2008 الى اليوم لكن اخذت الدواء واحس خفت اعراض القلق والخوف والوسواس برغم تركت ادوية النفسية الله يشفيك

اخوي بن ديم عارفه انه واصل مده ومع ترك العلاج بتجنن اكثر

أميره أبغى اسئلك كيف كانت الأعراض
انا تعبت مره منها مو قادره استحملها
ما اعرف اجلس طبيعي بالمره ولا عارفه ارتاح وصاير الجوال على طول في يدي بس علشان أنسى اللي فيا لدرجه اني انام وهوا في يدي

اخوي محرز سويت المنظار الحمد لله طلع فيه التهاب في المري والمعده
والحمد لله مافي جرثومه

التهاب في المري والمعده
اختي هذا هوى السبب الرئيسي في ما تعانين منه حاولي ان تداوي الالتهاب مع طبيب مختص سوف تروح الاعراض باذن الله

والله اخوي محرز ما اعتقد بس من الالتهاب
مره عندي قلق شديد من اول ما اصحى لحد ما انام حتى النوم متقطع
صايره أراقب كل شي في جسمي خفقان على كتمه على دوخه مو عارفه ارتاح
حتى ما صرت امشي كثير ولا أقوم الا بالقوه
ان شالله بدأت علاج الالتهاب وبرجع للسبرالكس بإذن الله

الله يشفيك ويعافيك ويجعل ما جاك تكفير
مشاكل المعدة ممكن يكون سببها القلق الشديد اللي تعانين منه حاليا
أنا مريت بنفس المشكلة صارت حياتي ما تنطاق ما بين مشاكل المعدة اللي توصل لحرارة شديدة في الصدر وبين القلق الشديد وبين الاكتئاب وصرت ما ادري وين أنا فيه بعض الأحيان ودايم مشوش ونزل وزني
أتوقع عطوك علاج يوقف اسيد المعدة وفيه حمية عن الحمضيات والبهارات وبعض الأشياء ولازم ترجعين لمضاد اكتئاب ولا عاد تتركينه فجأة حتى لو اضطريتي تحولين تدريجي لدواء ثاني مثل بروزاك او سيروكسات او لوسترال
ان شاء الله تنسين هالأيام الصعبة وتتشافين .. ويكون اللي تعانينه سبب سعادتك يوم القيامة اذا احتسبتي