نفساني - دواء عجيب الشكل قوى جدا ع الاكتئاب والرهاب والقلق

- دواء الـ STABLON
.................................................. ..
من الادويه العجيبه حبتين لكن النارده الرحله معاه ممتعه في بعض الاسرار
.................................................. ........
- الماده الفعاله :- Tianeptine sodium
- الاستخدامات :-
يعالج حالات الاكتئاب الشديده
يستخدم في علاج مرضي الربو وازمه التنفس
يستخدم في علاج القولون العصبي
-------------------------------------------------------------
نروح مع بعض بقي نفهم ايه قصه الدواء دا

اولا : انه بيعالج الاكتئاب
بعض المراجع صنفته علي انه من عيله TCA يعني بيمنع اعاده امتصاص السيريتونين والدوبامين من بين الخلايا العصبيه يعني بيخلي النواقل دي موجوده بين الخلايا العصبيه وبالتالي هتنشط الخلايا العصبيه وبالتالي تعالج الاكتئاب
-------------------------------------------------------------------------
لكن جت مراجع تانيه وقالت ان التاثير دا ضعيف ومش اساسي .. طيب ايه الاساسي ؟؟
قالو ان الدواء دا بياثر بطريقه غير مباشره علي مستقبلات ال NMDA وبينتج عن دا زياده في انطلاق النواقل العصبيه الي بتنشط المخ ونفس الميكانيزم دا بيديله اثر مهدئ
ولذلك الدواء دا بيستخدم كمضاد الاكتئاب ومهدي ودا كان اقرب تفسير لطريقه عمله
بردو من ضمن تاثيره كمهدئ انه بيزود ال GABA نوعا ما يعني دا ميكانيزم اضافي
https://www.ncbi.nlm.nih.gov/pubmed/25982324

----------------------------------------------------
ثاني حاجه بردو لقوها في الدواء العجيب دا انه بيعمل euphoria يعني ضحك بدون سبب بيخلي المريض مبسوط شويتين ودا لقو انه ليه تاثير علي ل mu receptors
الي هي مستقبلات الافيون في المخ الي بتخلي المدمنين يهلوسو :D هو ليه تاثير بسيط علي المستقبلات دي ولذلك بيديني احساس بالسعاده وكمان ليه تاثير مسكن بردو بنفس الميكانيزم
-----------------------------------------------------
دا غير انهم بردو لقو انه ليه تاثير في زياده ال NE بسيط ودا بيدي تاثير مساعدفي علاج الاكتئاب بانه بيدي المريض نوع من النشاط والحيويه
---------------------------------------------------------------------
دا غير انه ليه تاثير علي glucocorticoide receptor في المخ
ودا يفيدني في ايه بقي
اقول لحضرتك ان في حاله التوتر الشديد بيحصل زياده في الكورتيزون الضار مما يتسبب في ضرر في الخلايا العصبيه مما يؤدي الي النسيان
يعني الشخص الي دايما متوتر دا ذاكرته تلاقيها بايظه
السبب هو الميكانيزم دا
الدواء دا ليه تاثير بسيط علي الموضوع دا وبالتالي بيديني تاثير وقائي من الموضوع دا
https://www.ncbi.nlm.nih.gov/pubmed/26452320

-----------------------------------------
ثانيا ان الدواء دا بيزود ال uptake of seretonine from the blood
يعني بيخلي الجسم يقلل السيريتونين في الدم ويعلي في الخلايا العصبيه ودي وسيله طبعا لرفع تركيز السيريتونين بين الخلايا العصبيه لكن تيجي نشوف بقي ايه الي حصل لما قل السيريتونين في الدم ؟؟
-------------------------------------------------------------------
زمان كنت قرات بحث بيقول انهم لما حللو لمرضي القولون العصبي الاوعيه الدمويه الي بتمد القولون وجدو فيها ارتفاع في السيريتونين ولقو انه ليه وظيفه بيزد الحركه الامعاء او بيعمل خلل فيها وكمان بيزود الافرازات
الدوااء دا هيقللو في الدم يبقي دلوقتي هيقلل نشاطه يبقي هيساعد في علاج القولون
---------------------------
ولنفس السبب وجدو ان السيريتونن لما بيعلي في الدم بياثر علي مريض الازمه التنفسيه وبيضيق الوحدات الوظيفيه في الرئه يبقي الدواء دا بيعالج الازمه التنفسيه
---------------------------
والوضوعين دول مش غريب حدوثهم مع دواء مضاد اكتئاب لان برو ال amitryptilline بيعمل الموضوع دا وبنفس الكفائه
وبيتكتب لعلاج القولولن والناس تقولك دا علشان اسمه القولولن العصبي والدكتور كاتبك حاجه تهدي
اهو ايه فتي عربي مصري اصيل في بلاد النيل

دا انا بقول شعر اهو
----------------------------
جرعه الدواء دا 13 مجم ثلاث مرات يوميا
ممكن تزيد لحد 20 في المره يعني 20 مجم ثلاث مرات دا اخرك
بتقيم حسب الوزن يعني الطبيعي اديله 13 مجم
---------------------------------------
ممنوع للحوامل لان الابحاث قالت انه لما ااتاخد للحوامل الاطفال نزلو مدمنين :D
يعني جسمهم اعتمد علي الافيون نتيجه طبعا تاثيره علي mu receptor
-----------------------------------------------------
الاثار الجابيه بتاعته
زيه زي مضادات الاكتئاب
بيعمل دوخه احيانا وامساك احيانا وتغيير في الاحلام

يفضل انه ما يتاخدش لمرضي الكبد او ممكن لكن بحذر

اقصي جرعه هي 100 مجم في اليوم

ونخلي بالنا بانه ما يتاخدش لفتره طويله لان ممكن يحصل منه ادمان

كفايه لحد كدا علشان ما نطولش عليكم

منقول