تكفون تكفون طمنوني 😭
 

الله يسعدكم ويبدل حالكم لافضل حال طمنوني انا يجيني فتره احس كأنه عضلة قلبي صارت ضعيفه او خفيفه مدري كيف اشرحها بس احس قلبي من الضعف يبي يوقف بأي لحظه هو احساس مو شعور حقيقي يصير تركيزي على منطقة القلب طول اليوم ويضيق صدري مع هالاحساس الغريب . خصوصا مع وسواس الموت اللي يغيب فتره ويجيني فتره صار بالنسبه لي هالاحساس مخيييييف . انا عندي نوبات هلع وسواس الموت وما استخدم علاجات مرات اصير كويسه ومراااات تزيد الحاله طمنوني الله يسعدكم فيه احد مر عليه هالعرض صار له شهرين يجيني

الله يسعدك اختي ويشفيك يارب انا مثلك اعاني نوبات هلع وقلق وما استخدم علاجات ومن فترة بعيدة اجتني هالحالة وهية انو دايم اقلق على القلب واتحسسه احسه ما يدق ما في نبضات ومرات اجاني احسس انه قلبي تعبان او ضعيف او

نبضه ضعيف
كله بسبب القلق والخوف و الوسواس لا تخفي
اذا حالتك كانت سيئة كثير شوفي دكتور ممكن يكتبلك علاج يريحك

اعتقد اغلب من يعاني من نوبات الهلع والقلق تجيهم هذه الحاله الله يشفينا يارب انا تجيني مع كتمة وضيق تنفس

عندنا وعندك خير اذا مرتاحه ومعجبك وضعك لا تستخدمي علاجات

اللهم امين وياك غاليتي
نعم انا عندي وسواس من 15 سنه اسميه وسواس مشكل كل يوم يطلع لي ب عرض او مرض اخرها من بعد احداث صارت لي وضغوطات واثرت فيني ومن ضمنها وفاة امي قبل سنه كسرتني اثرت فيني
قبل يومين فجاءه جاني فكره في راسي قالت لي قلبك ترى مايدق اجلس اشوف كنه مايدق فعلا خفت وارتبكت زي ماقلتي احس عضلاته ضعيفه وانه ماينبض اوانه راح تصيبني سكته وكنه شعور حقيقي
بس ماسيطر علي اكثر الاوسواس التنفس يقولي بيوقف ب اي لحظه وفعلا كني ماتنفس اجلس اتنفس بقوه واجبر نفسي على التنفس معي نوبات هلع وقلق وخوف وتوتر
عرضت مشكلتي وماقصروا معي الاخوان تطمنت على كلامهم يومين وانتكست ثاني مره يقولي كلهم وسواس بس انتي لا حقيقه
وش اقول بس
وسواس مدمر كرهك حتى نفسك وحياتك انا كرهني حتى اولادي😭الله يشفيك ويشفيني ويشفي جميع الاخوان والخوات الموجودين معنا
سؤال انتي بين لك كنك ماتتنفسين يقولك كيف تتنفسين مايخليك تاخذين شهيق وزفير كويس؟

امممين الله يشفينا ويعافينا يارب ويبدل حالنا لأفضل حال . اي يجيني احس مو قادره اتنفس او نفسي وقف ولازم اخذ شهيق وزفير بقوووه واحيان لازم اتثاوب عشان احس تنفسي موجود . تطمني كلها اعراض قلق وتوتر انا القلق والتوتر ونوبات الهلع وسواس الموت نفسك جتني بعد ضغوطات وظروف كثيره واللي آثر فيني اكثر وفاة ابوي من بعدها جتني هالاعراض . اللي فينا كلها اعراض نفسيه عشان الضروف اللي مرينا فيها .

اللهم امين
اي والله حتى التثاوب ابغى اتثاوب بقوه عشان يطلع النفس
مايخليك تقتنعين انه نفسي يقنعك انه عضوي وان الي فيك مرض عضوي صح مهما اقنعوك الناس ماتقتنعين صح

نفس احساسي ونفس حالتي والله ابكي على حالي كل يوم 😭😭😭

بس ما تخافي مو لحالك

صارلي 20 سنه في نفس الدوامة لنا الله

وما فكرتي تتعالجي يا مها
سواء بالرقيه او العلاج النفسي

السلام عليكم أختي

هذا وسواس مافيك شيء ... أنتي لديك وسواس القلب إذن تعيشين في قلق وتوتر مزمن
القلق والتوتر يعني الخفقان وضيق الصدر وصعوبة التنفس والإحساس بعدم القدرة على أخذ نفس
أعراضك واضحة جدا وكل من جرب وسواس القلب يعرفها

تجاهلي الوسواس ولا تردي عليه واشغلي حالك بأعمال ونشاطات وهوايات
مارسي تمارين التنفس (خاصة التنفس البطني العميق) لعلاج نوبات الهلع وأعراض القلق المزمن

ربنا يشفيك ويشفينا جميعا