شو قصة هالصداع الغريب .. ؟
 

السلام عليكم ..

أخباركم إن شاء الله بخير ؟
من زمان عن المنتدى والله لهيت شوي بوسواسي اليديد. لكن للحين أعاني والحمدلله على كل حال

حابه أتكلم عن موضوع يديد !


من. بدأ رمضان كنت أعاني من صداع كل يوم وكنت أقول طبيعي يعني لأن صايمه وماشرب ماي عدل ونومي ملخبط وهالأمور ..
بس كان يزيد الصراحه وأنا خايفه ، المهم لهيت شوي في رمضان ويانا العيد ونسيت الموضوع شوي بس.. مع ان في داخلي مليون وسواس

والحين من أيام أحس الصداع أقوى هو صداع غريب ماعرف كيف أوصفه ! يعني ألم مع ضغط وثقل وشعور غريب مش الصداع اللي نعرفه اللي بس ألم
و الصراحه هالإحساس ملازمني طول يومي بس على فترات يعني فجاءه أحس بثقل وأخاف بعد شوي يختفي وأرتاح ويرد على نفس الحال !

وطبعاً الحين مع " كورونا " الواحد صار يوسوس ويخاف أكثر ؟ لأن الوضع ما يطمن..

شاكه في وايد أشياء أخاف فيني شيء .. فيني مرض ؟

مع الصداع هذا أحس بأعراض ثانيه وخايفه وايد والله المشكله ماعرف كيف أصف الأعراض ! ما أحس إني أتوهم .. يعني أحس الأعراض حقيقيه وأنا أشعر فيها..



طمنوني ؟

السلام عليكم أختي

الصداع هو عرض طبيعي عند الموسوسين
الأيام الأخيرة كنت أعاني بشيء من الثقل أو ماشابه في رأسي
وكله بسبب تلخبط النوم وتلخبط البرمجة اليومية بعد رمضان

الأسباب المحتملة للصداع عندك :
التفكير الدائم في الوسواس
القلق والتوتر النفسي
قلة النوم أو اضطراب أوقات النوم
معدة عصبية أو قولون عصبي (وارد جدا لأن القلق عندك مزمن)

مارسي تمارين التنفس والإسترخاء يوميا وستساعدك كثيرا
مافيك شيء ان شاء الله

ربنا يشفيك ويشفينا جميعا

الصداع في حد ذاته يتدخل في حدوثه اشياء كثيرة ..

ولكن عندي سؤال اختي ..

هل عندما تجلسين مع اهلك وتلتهين فيهم ، يذهب الاحساس بهذا الصداع ؟

ان كانت الاجابة بنعم ،، فهو بسبب القلق النفسي ..

وقدامك العافية ان شاء الله تعالى ..

وعليكم السلام
ايه والله من زمان عنك اختفيتي
للحين مو فاهمه وش موضوع وسواسك
كل مره نوع مختلف 🤯
بما اني لي 7 سنوات اعاني من الوسواس استفدت انو
(اي شي تشكين فيه شك وليس يقين فهو وسواااااااااس)
حتى لو مشاعرك حقيقيه الوسواس كذاب كذاب ويوهمك بحقيقته بس طالما انه شك وليس يقين فهووووووو وسواس

يا هلا فيك

الصداع غالباً يتعلق بالنظر او فقرالدم او عدم انتظام النوم او التغذيه
ومع القلق والخوف
انتي شوفي ايش تعانين منها وبتعرفين سبب الصداع

صداع عارض وهو عابر سبيل لن يطول عندك


خصوصا بعد رمضان وفترة العيد يعاني المريض النفسي من هذا الصداع بسبب إختلاف الوضع في رمضان وحلول العيد


ممكن يكون صداع غريب مع أعراض جانبيه مصاحبه له


لا قلق من حالتك هذة