هل مشكلتي مع الناس ام مع نفسي؟
 

السلام عليكم
انا كثير اتعلق في الناس واعطيهم هدايا و اتصل عليهم اسلم
فجاه يتضايقون مني او مثلا محد يتصل منهم او يوعدوني ويخلفون
او يجرحوني في كلام وتنتهي العلاقه
مع اني ما اسوي شئ اكون دائما لطيف معهم
بس مو قادر اعرف ليش يحصلي كذا
مع اني افرض نفسي على الناس كثير ابي بس اسولف عليهم واتطمن
مع انه ماتضبط معي


لا اعرف لماذا

وعليكم السلام ..
العلاقة مع الناس محتاجة ذكاء وتكون لماح ..

وهذي قد تكون موهبة أو ممكن الإنسان يكتسبها من التعلم من الخبرات السابقة.

بالأول :لازم الشخص يتحسس هل هذا الشخص يحبني ويستلطفني أم لا ؟
ثانيا : لازم يعرف متى يكون هذا الشخص مستعد للحوار معي أم لا؟
ثالثا: لازم تجتهد في قراءة تعابير الوجة والجسد ونغمة الصوت .. هل هو متضايق .. أو تملل .. أو مشغول إلخ.
رابعا: يجب التصرف بناءً على مافهمته من لغة الجسد والوجة ... بمعنى ان تضايق من هذا الموضوع لا تفتحة معاه مرة ثانية .. أو إذا حسيته مشغول تحاول تنسحب بأسرع وقت.. شفته مبسوط من هذا الموضوع تكثر منه .. وهكذا.
خامسا: حاول تعرض هذي المشكلة مع أخصائي نفسي (معالج سلوكي ) راح يعطيك بعض التقنيات في التصرف تخلي الناس تجتمع عليك.
سادسا: وهو الأهم .. ادعي رب العالمين يرزقك بالصحبة الصالحة.
سابعا: حاول تحضر حلقات تحفيظ القرآن .. عشان تصاحب ناس من أهل الله وخاصته .

لا المشكله مو فيك فاقد بالعكس انت قلبك طيب
واشوف مايحتاج تراقب تصرفات احد عشان تشوف هل يستلطفك او لا ، خلك ع طبيعتك انت جميل بطبيعتك وعفويتك ، لكن انت تبي الناس تسولف معك وتقدر ظرفك وتحترم رغبتك وانت ماقدرت ظروفهم

انت تبيهم يجلسون معك ومحد يمسك جوال او اي شيء ثاني الأشخاص غالبا يحبون يكونون ع طبيعتهم واذا جلسو مع احد مايفكرون وش نظرته لنا او غير وش يفكر فينا هم مايفكرون كذا. انت نظرتك لهم بتكون شوي حاده اذا اخذو حريتهم بزياده .

المشكله مو بشخصك مو فيك كرجل انت ونعم فيك لكن المشكله ببعض التصرفات تبي تكسب الناس حاول تكسب نفسك أولا وقدر نفسك وحب نفسك لأنك تستحق تنحب مو تسمح لمشكله صحيه تعيق حياتك انت اخذت ادويتك باقي عليك تساعد نفسك وتتغلب على بعض المشكلات وكلها بتنحل مافيه شيء مستحيل ولكل داء دواء

شكرا اختي جواهرر

والله الموضوع الناس الحين الاكثر وليس الكل
اذا احترم و عطا و تطمن وانزعج علي الي امامه
الشخص يقول يمكنه يراقبني او يبي شئ او يبي يغدر بي
او ايش يبي يتصل علي كل يوم ويعطيني هدايا

بسلامتهم والله الي يبي يروح الله معه ،
انت يافاقد قبل كان عندك اصدقاء وماكان عندك مشكله اجتماعيه انت مافقدت الناس الا بعد تعبك وطبيعي الأغلب كذا فلا تطفش ، وبما انك ناوي ترجع مثل قبل عندك اصحاب صدقني بترجع مثل اول بخير من كل النواحي .

هو على الرغبه اذا جتك الرغبه انك تكون الشخص الي ببالك وبديت تجتهد وتعمل على تنفيذ هذي الرغبه رح تحصل ان شاءالله بالواقع بدال ماتكون مجرد رغبه بتكون حقيقه وواقع .

وانت مو اي احد تهديه الناس ماتشتريهم بالهدايا .