هلكت بسبب الوسواس
 

كنت اشرب عصير فالمطعم فاكهة الباشن فروت تعرفونه صح
؟ ف شفت فالعصير قشور حمراء اللون وسوست قالي هذا دم و في ايدز اخرجت القشور من العصير لتأكيد شفت نفس القشره او جلد مسحته بالمنديل شفت يتفتت ينتشر مدري اذا فهمت و من هاك اليوم اوسوس انه صاحب المطعم حطلي دم و دمه يحتوي على ايدز في العصير صرت اوسوس اني شربت عصير ملوث💔💔💔💔بالدم الايدز

مدري ليش وسوسلي لانه يمكن كنت صغيره شفت فيديو انه واحد يحط دمه فالمشروب و يعطي الناس ف الفكره تخزنت ف مخي 💔

تغير وسواسي 💔💔
والله صار كل تفكيري فالعصير كل شوي اكلم المطعم حاطيلي دم ولا لا
و اتاكد هل كان قشور ولا كان دم
معنى والله كان قشر حتى حطيت في المنديل مسحته صار لونه لون الفاكهة بنفسجيه و كأنها جلد او قشره و تنتفت قطع صغار

ليش ما تتعالجي يا سارونز

هذا اعتقد انه يندرج تحت ضلالات الذهان وليس وسواس

لا هذا وسواس الاممراض الفتاكه

هذا وسواس .. وسواس قهري مب شي ثاني

انا كان فيني هالوسواس يوم صغيره وسواس الايدز بسبب اني جفت مسلسل جرح الزمن يوم الممثله وزوجها انصابوا فيه

طبعا انا دست بالغلط على دم البشكاره .. كانت ريلها مجروحه ودست ع دمها وسويت مجزره في البيت وعشت ايام صعبه كله مخي يقولي اني فيني الايدز .. اتذكر كنت بالزور اصلي .. واصيح طول اليوم لاني مقتنعه انه فيني الايدز

جوفي سارونز الوسواس كل يوم بيغير شكله ليش هذا من قوة الوسواس الاولي اللي فيج فيدور فكره ثانيه ع اساس يريح نفسه اتخيلي الفكره تبا ترتاح وتبدل نفسها

لاحد يقولج هذا مرض ثاني ولا شياته هذا وسواس

والعصير انا اقولج ما فيه شي ! ليش الريال بيحط دمه هاي فكره مب منطقيه وهذا الوسواس

تبين حل سريع قولي اوكي حط دمه شو بيستوي !

تبين حل بطيء بس فعال اكثر .. قولي هذا وسواس وركزي ع شي ثاني مثلا رسمه اي شي وعقب بتيلج الفكره بتقولج لا لا لا تتجاهلين انتي فيج ايدز وشي دم فالعصير ردي مره ثانيه اتجاهلي بالضبط جنه جلب ينبح حذالج

بقولج شوي بيستوي يوم تردين وتخافين من الفكره .. اول ما تخافين من الفكره تعرفين شو يستوي الفكره تكبر تكبر لين ما تستوي جنها صدق يعني جنه حقيقه مب وسواس .. وعقب بتقولين يا جماعة انا احس انه حقيقه هو مب حقيقه هو لانج اندمجتي ويا الفكره

كل قولي ( هذا وسواس هذا مب انا ) وطاف وصح انا فيني وسواس واقولج الوسواس يخوف وايد يخليج تصدقينه واول ما تسوين طاف يزيد شوي بس عادي تمي سوي طاف

ويعطيج نصيحه لا دورين حد ( يطمنج ) ولا تحاولين تدخلين المنتدى عسب تطمنين لانه هذا سلوك قهري

يوم بييلج شعور انج خايفه وتبين تدخلين المنتدى تكتبين قولي لا ما بدش بصبر ع الاقل نص ساعه .. عقب نص ساعه ادخلي ... وعقب خليها ساعه .. ساعتين .. 3 ساعات وبتلاحظين عقب بتستوين اقوى

أختي سارونز هذا وسواس بكامل تفاصيله وانتي منسجمة معه بشكل كبير
وسواس الأمراض كارثة ... كنت أتفحص جسمي وأراقب اضلاع صدري وأقول هذا عظم أو ممكن ورم خبيث !
الحل في أمرين ... 1/ إيقاف البحث على النت عن الأمراض
2/ إيقاف الرد على الوسواس والإستجابة له ومناقشة هل ما أكلتيه كان صحيا أم لا

تجاهلي الوسواس ولا تفكري فيه ولا تردي عليه واشغلي نفسك عنه بأعمال ونشاطات وهوايات ومواضيع أخرى

ربنا يشفيك ويشفينا جميعا