دموعي ارجوك ادخل
 

السلام عليكم

اخ دموعي اشلونك يالغالي

انا اتابع مواضيعك احيان اعيد قراتها

حتى مشاركاتك القديمه بنادي نوبات الهلع قراتها احس مرضنا قريب من بعض

كان وضعي مستقر وكانت تجيني بعض الانتكاسات البسيطه وكنت اسيطر عليها

لكن بعد الزواج بااشهر جاتني انتكاسه قويه لليوم هذا اعاني منها تعبت تعبت

حاليا احس بكتمه قويه بصدري وشد بجسمي ورجولي خوف شديد حاله غربه من واقع

اغلب يومي صامت بس ابي يومي ينتهي ويجي وقت النوم زادت الخلافات مع اهلي

هي تبي طلعات وتبيني اسولف معاها انا رجال مكتئب دايم سرحان بحالتي وبمرضي

كنت استعمل سيبرالكس 3 سنوات كان جيد معي بعد زواج انتكست حالتي غيرت العلاج

حاليا علاجاتي انفارانيل 75 بروتريبتيلين واندرال 40 قطعت سيركويل بسبب برود الجنسي

تكفى ساعدني انا قبل زواج استعمل علاج واحد كان وضعي جيد لكن بعد زواج زادت علاجاتي

الحين مو نفس وضعي قبل لاتعبت اقعد بغرفتي مااكلم احد ولا احد يكلمني بس الحين ساكن معي احد

انا ماقلت ل اهلي بمرضي بس واضح ان فيني شي مو طبيعي انت اشلون تتصرف ووين تحط ادويتك

واذا زاد عليك المرض شنو تسوي روتينك اشلون نقضيه مع الاهل واذا صار زعل اشلون تتصرف

ارسلت لدموعي رساله خاصه وضعت فيه رابط هذا الموضوع

بعد اذنك ياخوي حابه اسألك
زوجتك ما تعرف بأمر مرضك و ادويتك ؟

متعرف ولا لي رغبه اخبرها

بإذن الله ازمة وتعدي هون عليك اخي الكريم يمكن الدواء لسه مااشتغل وهذه اعراض جانبيه له
انا حاليا استخدم باروكسات ورفعت الجرعة الى 30 واحس بخوف وقلق وتوتر

التجاهل وعارف انه صعب خصوصا مع حالة الغربة لكن قاوم وحاول وربي يكتبلك الشفاء العاجل

انا مدري كيف تقدرون تخبون موضوع المرض عن زوجاتكم احس لابد بيجي يوم وتعرف خصوصاً نوبات الهلع شي مايتخبى وطبيعي تحس بغربه لانك تعاني لوحدك ضروري زوجتك تعرف على الاقل تعذرك اذا شافتك بالحاله هذي ..

اتفق معاك حتى لو يلمح لها بأنه تجيه اوقات ينقلب مزاجه كطبيعه فيه عشان هو لا يتحمل المعاناه لوحده و يحس بالوحده كون ماحد داري عنه او حاسس فيه .
الزوجة إذا تحب زوجها حتقدر هالشي لانه امر ماهو بيده
و حتهتم فيه و تقدر وضعه و تتغاضى و تحتويه
خاصه زي ما بيقول انها تحب الخرجات و الجمعات و اصبحت هناك مشاكل بسبب هالنقطه الصراحه و الوضوح مهمه جدا في العلاقه الزوجيه ربنا خلق الزوجين لباس لبعض مكملين لبعض .
العارض النفسي اي انسان معرض له ماهو عيب و لا ضعف و لا نقص اصبحنا في زمن متفتحه فيه العقول و الرجل بمواقفه و شيمته و حسن عشرته .

الله يكتب له الخير و يصلح له الحال و يعافيه و يهدي سرهم و يسعدهم .

يبوي معليك من احد علمهم وشفيها ياخي ذا مرض عادي
زيه زي مريض السكري ماهو عيب ماتعلم انا الكل يدري
ان فيني نوبات هلع واعتذر عن الزيارات وماعلي من احد
واكل ادويتي وكل اصحابي وعايلتي يدرون ليش تخبي اخوي
خل يدرون بترتاح كثير جدا لايهمك احد

كلامكم صحيح بس المشكله تتعلق فيني
ماابي اتعب احد ولا ابي اسبب ضيق لحد

الله يفرج همك و يبدل حالك إلى عافية و شفاء تام و يصلح لك الحال قادر ربنا كريم يارب في هالوقت الفضيل .

هلا والله بعبق الذكريات

والله لو مو مستكفة جزاها الله خير ارسلت بالخاص ماعرفت

فعلا احسك تشبهني كثير وخصوصا قبل الزواج وبعده

وزوجتي قريبه من زوجتك تحب الطلعات كثير

لي رجعه لك واتشرف اضافتك ..وبالعكس تكون اثنين بوسط امواج المرض ولا شخص وحيد يصارع لوحده

بس حاليا انا على عجله ممكن ارجع بعد ساعه .. المهم اليوم تاكد ان شالله برجع لك وسواء هنا او تحب بمكان ثاني

كن بخير من اجلي

انا حاس فيك اخوي ..انت ماتبي تشوفها متضايقه عشانك ..وبنفس الوقت ماتبيها تعرف عشان القيل والقال بين الاقارب ..وشي طبيعي بتقول لختها او امها لو عرفت ..وتنفرط السبحة .. واي خطا منك لو قليل يكبر في عيونهم عليك ... وبنفس الوقت انت تبي تسعدها وتعيشها افضل ..ويوم يخف المرض عليك تحاول تعوض

انا حسب فهمي انك عريس او لك سنه مااعرف ..

بصارحك بشي انا بعد زواجي مارحت شهر عسل بسرعه مثل الازواج كنت اتعذر بشي ثاني ..ووبغدين مع الدواء قدرت اسافر
ادري تجيك انتكاسات قويه ..ونا مثلك بس انا للاسف كذبت وقلت معي غدة درقية وهي من اعراضها توتر وقلق ومزاج تعبان ... وبالنسبة للادوية كنت ارمي الروشته واكتفي بالشريط ..
صح انها بتشك لكن انت قولها انا استعمل هالحبوب لو شدت علي اعراض الغدة ..وبنفس الوقت انا ابين لها اني مااخذها بااستمرار ..ونا اخذها بس ابين لهاا انها مو مهمه ..

تدري لي كم متزوج ..عشر سنين وللحين مادرت ..رغم الخلافات اللي تصيربالبيت ..فلو درت كانت حطتها شماعة علي وفضيحتي بين اهلها واهلي ..زالكل بيقول انها هي صابره عليك

نصيحتي لك وقت الانتكاسه حاول تكون برا البيت ..لو بالحي نفسه وتستغل هالشي بالمشي ..ادري صعب اول مره لكن انا خلال العشرة سنين جتني انتكاسات قويه لاني اتحسن زاقول خلاص بترك العلاج ثم انتكس وهذي غلطتي وتعلمت منها ..اخر انتكاسه قبل اسبوعين وزلحين جالس اطلع منها ..يعني هاليومين ماني قوي بدليل ان دوبني كاتب موضوع بس عشان احون فيها في اقسى حالات ضعفي واحتاج لو كلمه وكلنا كذا نضعف ونرجع نقوى ..

لو حاب نتواصل بمكان ثاني عن طريق اي برنامج تبشرولايهمك

هلا وغلا بدموعي اسف على التاخير
كلامك صحيح والله احس اني ماشي ع نهجك
اتشرف فيك دموعي والله هذي الساعه المباركه

لك بالمثل يامستكفه وللجميع ان شاء الله