الالم وارتباطه بالقلق والتوتر والتوهم هل فيه علاقة
 

السلام عليكم
انا اعاني من وسواس الامراض واخااااف من المستشفيات
ليه سنة اعاني من الام في اعلى الظهر وتحت الابط الايمن يعني اقصى الصدر اليمين تحت الابط زي نغزات او طعنات هذي الالام تجيني متفرقة مرتين ثلاث بالشهر .. مع العلم اني دايم جلستي غلط واتمدد بالساعات بطريقة غلط على نفس الجهة ... ولما سالت الصيدلي قاللي ممكن في مناطق مع الضغط عليها مايوصلها الدم خذي اوميجا 3 وانا لسة ماسويت شي المهم امانة لااحد يخوفني ولا يقولي روحي مستشفى بعرف منكم احد عدى باللي اعدي فيه ؟! علما اني لما افكر بالالم يجيني !!! ولما الهى عنه او ادخل بمويا دافية يخف ويروح؟!
او هل هذا بسبب القلق والتوتر وتوهم مرضي ؟!
تكفووووون بس اللي معدي بنفس الموضوع يجاوبني ولا تخوووووفوووني
شكرا لكم

حياك الله لوليتا
بكل بساطه
الاعصاب والعضلات الصدر والظهر اكثر من يتأثر بالقلق
عشان كذا الالام والنغزات
وتزيد في حالة الاستسلام والاسترسال
نصيحتي لك هي انه حرام تعطلين حياتك عشان هالتعب
العلاج موجود تحتاجين بس تبحثين عنه
اتعبي مع العلاج شهر ولا شهرين
ولاتتعبين طول عمرك
بالتوفيق

بن دايم اعطيني العلاج انصحني وباذن الله بستمر

بعدين بن دايم اغلب الناس هنا في نفساني عندهم دي الالام في اليسار ليش انا في اليمين

يارب ياكريم

النغزات سواء كانت يسار او يمين ، باليد او الرجل ، بالبطن او الكتف ، تحت الابط او على الصدر ... الاماكن الي تجي فيها نغزات و تعب عام هي تقلصات عضليه بسبب الضغوط النفسيه و احنا ك قلقين و مكتئبين تجينا هذه النغزات بأماكن متفرقه او بمكان معين يتكرر ... مافي شي يدعو للخوف لانها تقلصات عضليه ليست مخيفه وبكن بحكم اننا نعاني من القلق نبدأ نتوتر و تروح افكارنا بعيد جدا لدرجه اننا نوصل لمرحلة الهلع ... حتى لو كان النغزات مختلفه عن نغزات غيرنا نشعر بالهلع ... بل انه احيانا لو مافي نغزات ونكون مرتاحين نحس ان في شي غلط او انها علامه لشئ اسوء

لا تقلق ، لا يوجد بك ما يخيف وانا ايضا تأتيني نغزات عضليه بأماكن غريبه ك جهلة الكليه او الصدر او الفخذ وحتى الكتف والابط والذي يكون كأنه الم متصل من الكتف وكأنه حزام الى الابط


لا تقلق ، و حاول تطمين نفسك انها مجرد توترات وتقلصات عضليه

ماندوزا قول امين الله يسعدك دنيا واخرة ويعطيك اكثر من ماتتمنى كلامك مرررة طمني الحمدلله وفعلا نفس ماقلت رباط من كتف لتحت الابط احيان يمتد للظهر ،، باذن الله بحاول اتجاهلها الله يريح قلبك

اخوي ماندوزا كفّى ووفّى
الامراض النفسيه اذا ماقدرتي تهزمينها واستمر التعب
معك اكثر من سنه هنا لازم استشارة طبيب
مو لازم في البدايه علاج ممكن بتوجيهاته تعدينها
اما اذا ماقدرتي هنا لابد من العلاج لان حرام
عمرك يروح معاناه والعلاج موجود
بالتوفيق

ذيب اخر سوال شعور النغزات هو نفسة الم مثل الطعمات

طعمات = طعنات

نعم لاتقلقين منها ابد

الموضوع بسيط بإذن الله مثل ماقالو الاخوان القلق والتوتر يجيب آلآم في معظم مناطق الجسم وهذه ماهي الاتقلصات عظلية لاتشيلي هم كلنا تمر علينا
فالك العافية