هلع واكتئاب ووساوس متى بصير طبيعية
 

بعد تجربة الزواج الاول و الخيانة والكذب صرت اتخيل كل الرجال خونة واتخيلهم وهم يخونوا في برامج التواصل الاجتماعي خاصة وصرت اخاف من الخوف نفسة ومشاعر الحزن والفراق دايم تجيني واخاف من الاحاسيس الي تتبع الفراق لاني عشتها كثير صار عندي رعب منها صار عندي نوبات هلع واكتئاب وبالقوة اهدا واي مشكلة تحصل لي او لاحد من طرفي ترجع لي المشاعر واجلس ابكي وافقد ثقتي في نفسي حتى الاغاني الحزينة الي فيها فراق وحب وخيانة تتعبني م اسمع واخاف من القران بصوت حزين
واي علاقة ادخل فيها احس بخوف وخيانة ما ارتاح وطبعا مع كلللل هذا الكلام ثقة في النفس ماعندي اتخيل الناس البيض انهم احسن مني بسبب الزواج الاول دمر ثقتي في نفسيتي هو واهله وكاني كائن فضائي وانا انسانه عادية
وانا استخدم سبرالكس وميرزاجن ولما اخذ الميرزاجن كم يوم تهدا الافكار والخيالات

ناقشوني هدوني

ردوا علي 🤦🏻‍♀

مرحبا فيك موضوعك بسيط جدا وعلاجك ابسط اولا وقفي ميرزاجن الي هو ريميرون ماله داعي ابد ثانيا اذا كانت جرعة السيبرالكس ١٠ مل مارايح تفيدك الي ابغاه منك ترفعي جرعة السيبرالكس ١٠مل كل اسبوع حتى توصلين ٣٠ مل وتضيفي على السيبرالكس علاج اسمه سوليان ٥٠ مل وتستمري على هالكورس سنه اقل شي رايح تحسين بالتحسن البسيط بعد ستة أسابيع ورايح يبدا التعافي بعد اربعة شهور هذي الوصفة بناء على تجربه وهي أقوى وافضل وصفه لنوبات الهلع ورايح تودعي شي اسمه هلع

حياك الله يا بنت علي

ما أدري بين ثنايا كلامك ما أدوخني

أنت الحين تطلقتي ثم تزوجتي و الا كيف ؟
بعدين فيه عبارات ما أدري هي مقصودة أو خطأ كتابي مثل لما تقولين : ما عندي أتخيل الناس البيض انهم أحسن مني بسبب الزواج الأول .
هل صحيحة الكلمة الحمراء ؟

من رأيي عندك قلق متوسط قد يصل للشديد و لا يصل إلى حد الهلع و دواء سيبرالكس و ميرزاجن ممتازين لكن تقولين إنك ما ترتاحين إلا مع الميرزاجن ، فهل السيبرالكس تشوفين وجوده مثل عدمه ؟
إذا كان صحيح فارفعي جرعة السيبرالكس أو غيريه .

أشوف إنك تشوفين إخصائي نفسي و إجتماعي شاطرين و ممتازين و الله يشفيك و يقويك و يجبر بخاطرك

لا هو زواج مره واحدة بس وانفصلت
وصحيح الكلمة الحمراء
بسببة هو مع انهم فيهمم كل الالوان مو بس بيض
واحنا كذلك بس افقدوني ثقتي بنفسي وخلوني احس بتانيب ليش انا كذا ليش احنا كذا وهكذا ....

ما تنلامين تنصدمين !!!!!!!!

بس فكري وش راح تستفيدين من هذا كله إلا أكل بروحك اللي أنتي أولى بها بإسعادها و اللي صدمك ما فكر فيك !
المعذب يبحث عن الخلاص من تعذيبه بالكيفية التي يراها مناسبة له و ترجع عليه بالسعادة و الإطمئنان و المتعة فارفقي بنفسك و طزين فيه
و حاولي و إسألي ربك تلقين معينين من الناس يسلونك و يلهونك عن هذي الصدمة و الزمن كفيل بالنسيان ، أعدك بهذا الزمن كفيل بالنسيان بشرط تخرجين من وحدتك لأن الوحدة تجبرك لا شعوريا على تذكر الموقف

أنا ما أدري أنتي تجنبيه و منعزله أو إجتماعية
و ما أدري أنتي مجبولة على رد الصاع بالصاعين أو بالك وسيع و من النوع اللي يعفو

و نصيحة تقرأين عن التشوه الإدراكي المعرفي و هذا اللي عندك من أثر الصدمة و إنبعث التشوه و إن كنتي ما خذيتي بالك عنه قبل الموقف ، و تتعلمين فن المرونة و تطبقينه على نفسك و إن كان صعب أو ما تقدرين فالشكوى لله مالك إلا قاضي القضاة و ملك الملوك سبحانه و تعالى

أشوف إنك تروحين لإخصائي نفسي و إخصائي إجتماعي شاطرين و ثقة

دعواتي لك يا غالية و الله يجبر بخاطرك و يعينك و يشفيك و يكفيك

انا الاحظ اني ارتاح من لما اخذ الميرزاجن كم يوم تخف الحالة
وقريت عند السبرالكس ان زيادة الجرعه تزود الاعراض فتره وبعدين يبدا المفعول واخاف اخذ اي علاج ثاني من دون ارجع للطبيب
مليت 4 سنوات وكل مره انتكاسة





انا صح احب العزلة وبالقوه اخالط الناس يعني احب البيت وفي دوامي عادية ماني منعزلة مرة بس احب العزلة كثير
والي يخوفني مشاعر الاكتئاب قوية اخاف منها تجيني
ببساطة واختصار :

- عدم ثقة ف النفس تطلع وتنزل
- خوف من المستقبل
-خوف من مشاعر الحزن
- خوف من الفقد
- خوف من الخيانة واثرها النفسي
-خوف من القران بالاصوات الحزينة والاغاني الحزينة
- الخوف من التغيير من حال لحال ( الدكتور شخصني باضطراب عدم تاقلم )

هذا ايش الي فيني تعبت منه

كم جرعتك من السيبرالكس ؟ و كيف النوم معك ؟

السيبرالكس ممتاز بس يبغالك ترفعين الجرعة و الا تغيرينه و تصبرين و أهم شيء النوم نامي زين عشان القلق يخف ، تشخيص الدكتور سليم بس أعيد و أكرر راجعي إستشاري نفسي شاطر و ثقة

بسألك قد رحتي لإستشاري نفسي خلال تعبك 4 سنوات ؟ الظاهر الجواب لأ و الظاهر طابت نفسك منهم

الله يشفيك و يقويك و يجبر بخاطرك

*السبرالكس صح كثير يمدحونه وانا انتظمت عليه مضبوط فتره وص ت اوكي بس مشكلتي اول م يجيني اي حدث في حياتي انتكس فورا مادري من مخي او لا
*وتسال عن الاستشاري الي انا معه
بالبدايه كان دكتوره وبعدين تغيرت وبعدين تغيرت والمواعيد كانت كل ثلاث اشهر عن الاستشاري وبعدين صارت كل 6 وكل مره تزود
اخر مره شفت الدكتور من سنه لان موعدي من كورونا الغي وعندي موعد شهر ثلاثه الجاي
*النوم لما اكون مرتاحة يكون تمام لما اتعب م انام الا بالميرزاجن
* جرعة السبرالكس الان 20 مج

فكرت اروح استشاري في مشفى خاص خفت يكون همه الفلوس وماهمه المريض وغير كذا مبالغ طائله الجلسات

صادق الاحظ اذا نمت زين نوم عميق ارتاح وبالعاده نومي مع القلق خفيف وكاني صاحية فما انام نوم عميق الا انا مرتاحة 🤦🏻‍♀
وتجي مرات اقعد افضفض ليين ارتاح احس بنعاس غريب بعد افضفض والا قبل طاير النوم من عيني وعلطول مفجوعة من اتفه الامور

ما أنصحك بالخاص بعد ما شفت من الخراط الفاضي بالخاص إقتنعت بالحكومي بس لو فيه بالخاص شاطر و ثقة لا تفرطين فيه بس عموما الحكومي أفضل

مثلك أحيان يتغير مزاجي من أتفه الأمور بس مع الأيام تنسى

طيب تفضفضين مع نفسك أو مع أحد

اذا لقيت احد علطول افضفض وتنزل دمعتي واذا م لقيت احد م اهدا

إيه الفضفضة تريح و تهدي
بس الحرمان و القهر لما ما تلقين أحد يفهمك أو ما يرحمونك أو مطنشينك بقوة أو أو أو ...

يا رب تلطف فينا

الحين الي فيني صح انه : قلق واكتئاب واظطراب عدم تاقلم ؟
دايم اسال معقولة الناس الباقية م يجيهم نفس وساوسي ونفس خوفي واكتئابي
واذا جاهم كيف يتجاوزون ؟؟؟
انا ما اطلع من المواقف السيئة بسرعه اغرز عبال اطلع منها
هل الناس مثلي ؟

وسوال يطرح نفسة وش يجيب الاظطراب للانسان ؟
اضطراب قلق واظطراب تاقلم اظطراب اظطراب وش يجيبها
فيني كمية اساله في نفسي عن وضعي ولين متى بظل خايفة من الانتكاسات
دخلت دورات تطوير الذات والتخلص من الخوف ولما انتكست ماقدرت اكمل !!
الين متى

سيم سيم

الإضطراب يقلب الطاولة عليك بس كوني متماسكة
الناس تختلف في تحملها للألم و المسؤول عن هذا بالأول و الأخير هو : الحالة النفسية ف لما تكتئبين يضعف الجهاز العصبي فما تقدرين تتحملين الألم و إن كانت صحتك النفسية زينة يعني ما عندك إكتئاب و سعيدة تقدرين تتحملين أعظم الآلام فالمسؤول عن هذا هو الإكتئاب و الحالة النفسية بشكل عموم

خوفك من الإنتكاسات هو من بقايا القلق فيك و لما تعالجين القلق صدقيني ما راح تهتمين لها جت أو ما جت و إن أتتك بالعكس تكونين مستعدة لها و صابرة