احتاجكم بشكل طارئ جداً جداً ومهم
 

السلام عليكم ..
قارب انفصل من وظيفتي الوحيدة، تدمّرت حياتي -تقريباً-
كنسلت زواجي من الانسانه الي احبها، انتهت صداقاتي جميعها
وحتى علاقتي في العائلة تدمرت -حرفياً-
كله بسبب مرضي الغريب!

اتفه موقف، واقل شي ممكن يوترني وياثر على نفسيتي مهما كان
ولم اتاثر او اقلق احس قلبي يتلخبط، احس بنبضه غريبه وقويه!
وتتكرر علي.. ثم ابدا اخاف قلبي يتوقف، ثم تتكرر النبضه الغريبه هذي
ويالله! لما تجيني نوبة هلع (لكنها ايضا غريبه)
تزيد سرعة دقات القلب بشكل مهول لكن النبض ماهو منتظم
يعني وسط نبض القلب المتسارع هذا احس بنبضه قويه
او نبضه اقل، المهم غير منتظم

سويت فحص للقلب وقالوا سليم
وش رايكم وش الحل؟
من مر في حالتي؟

يعلم الله اني تعبت.. تعبت حيل.. ماني مريض وابحث عن علاج
ولاني متعافي واعيش مع العالم
حالتي غريبه جداً جداً

عطوني العلم الله يبهجكم في الدارين
والله اني امر بوقت عصيب جداً

حياك الله
النبضه الغريبه هذي اسمها خوارج الانقباض وهي حميده
ومجرد انها مقلقه فقط
انت شخصيه عاطفيه قلقيه وتعاني من نوبات الهلع
وكل اللي تحتاجه هو انك تعرض نفسك على طبيب نفسي
طالما الحاله بدت توصلك لتعطيل حياتك لابد من العلاج
مرست بنفس حالتك زمان لكن الحمد لله الان انشان طبيعي
بالتوفيق

الدكتور العقيل في مركز الجامعه الطبي
الدكتور ماهر بغدادي ميدي كير
ابدا فوراً بما ان التعب معطل حياتك
والله يشفيك ويعافيك

الله يعطيك العافيه ويكتب اجرك