الهلع وموجة الغبار
 

السلام عليكم

اظن اغلب اهل السعوديه جاتهم موجة الغبار وممكن تأثروا فيها
انا فيني حساسبه خفيفه وقاعده احاول اخذ احتياطاتي مع الغبار
يعني استنشق بالماء و اغرغر و اشرب مويه كثير
واجلس بمكان مافيه غبار ومقفله الابواب والنوافذ زين
وكل شوي أشيك راح الغبار والا خف
الظهر والعصر كان عادي
بس بالليل صار اقوى وقلبت الدنيا برتقالي
وبديت اتوتر مره لدرجة جتني نوبة هلع
يعني زياده على كتمة الغبار كتمة النوبه
وبدت الاعراض تنميل بالأرجول و رجفه وتعرق وخوف
واختلال الآنيه 😪
الله يحفظنا جميع ويبعد الغبار على خير من غير شر

عليكم السلام

اذكر قبل تصيبني حاله المرض الحاليه ايام الصيف بالديرة تجي موجات غبار بشكل يومي احيانا ماتشوف اللي قدامك من قوتها
ما اذكر اني عانيت من ضيق او كتمه او غيرها الوضع طبيعي لكن بعد مانشب وتمسك فينا القلق والتوتر اصبح كل شئ حولنا ياثر علينا سوا كان بخور او عطور او غبار حتى الرياضة تسبب تعب وضيق

اظن التعب النفسي اذا زال زالت معاه جميع المخاوف والأعراض الجسدية

اعاني من الربو والجيوب الانفيه و موجود كنت في لب الغبار يوم الجمعه


الامر نفسي اكثر منه عضوي لا تجعل تغير الاجواء سبب في جعل القلق مبرر ... بل اقبل بالقلق النفسي و اكمل حياتك

ما اعرف 😓
عندي بعض الاعراض اللي تألم الصدر
الحساسيه جتني لأني تعرضت لمركبات كيميائيه واضطريت اروح الطوارئ
وكمان فيني فقردم
كل هالاشياء تسبب كتمه
+ وجوذ الغبار الشخص الطبيعي ينكتم فما بالك باللي عنده حساسيه

توترت لأني ماقدرت اتنفس
الهوا ما يدخل صدري للأخير
بعدين من التوتر جتني نوبة الهلع

والله ياختي الم الصدر و المعدة و القلق والتوتر ملازمتني من سنوات وفوقها انسداد الانف احيانا اصحى من النوم مخنوق

اذا جميع الفحوصات والدكاترة أكدو لك مافيك مشكلة عضوية مسببه للضيقه فال المشكلة سببها الحاله النفسيه عن نفسي يوم ابدا مطاردة الافكار والاسترسال مع القلق والمخاوف تزيد عندي الاعراض الجسدية

لكن عسى الله يفرجها علينا ويعوضنا خير على السنوات اللي قضيناها نعاني مع هالامراض

كلنا نمر في نفس الازمه اختي وكلنا تجاوزناها بفضل الله ..
انا من ١٥ سنه وانا بموت اليوم او بكره او بعد اسبوع ... وش رايك !! ١٥ سنه بموت !!

هذا وسواس لعين تعوذي من الشيطان ولاعليك الا العافيه