تركت الدواء
 

السلام عليكم اخواني ورمضان مبارك عليكم جميعاً والله يتقبل منا ومنكم يارب ،انا لي اسبوع تركت البروزاك ماخذته امانةً ماحس بشي عادي بس يوم كنت اخذ العلاج كنت اقولكم احس بشي مثل الهبوط ودوخة هذا الشي لاحظت اني ماعدت احس فيه الحمد لله لان كان مخوفني ومقلقني شوي المقرر من الدكتورة اني اخذه ثلاث سنوات والان لي سنه فقط وقررت اوقفه من نفسي بالبداية خففت الجرعة يوم ايه ويوم لا بعدين خففتها ليومين وهكذا طولت بالتدريج ماتركته فجأه وحابه باذن الله ارجع لدكتورتي واقولها واشوف هو فادني صراحة بنوبات الهلع وخففها كثير الحمد لله وقوي على الاكتئاب لانه بالاساس مضاد اكتئاب هذا الي لاحظته على نفسي لكنه مو قوي على الوسواس والقلق وانا هذي مشكلتي بالوسواس والقلق ف حسيت اني مو مستفيده شي عشان كذا قررت اوقفه خلاص

بالنسبه للاكتئاب والمزاج وذا ماحسيت بشي يعني حرفياً ماحس لابسعاده ولا حزن ولا فرح ولاااا شي 🌚بس احس اني صرت اتنرفز كثيييير اي شي ينرفزني ويفقدني اعصابي مو مثل اول ماحس بهدوء

قصدك اثناء العلاج في تبلد مشاعر انا نفسك استعمل البروزاك واحس انه يشيل الاكتئاب بس ماتحس بسعاده

السعاده انت تصنعها لنفسك مافي حبه سحريه تاخذها تخليك سعيد اذا كنت تنتظر دواء معين يخليك سعيد ف انت غلطان للاسف الدواء يعالج فقط يعني مساعد لك والباقي عليك بالنسبه لي انا صراحة مو مهم عندي شعور السعاده كثر مايهمني اني ماحس بشعور الاكتئاب القاتل الحمد لله

اهلاً شخباركم يارب تكونو جميعاً بخير بعد اسبوعين من تركي للبروزاك الحمد لله للان ماحس شي والاعراض الجانبية الي كانت تجيني مع البروزاك اقدر اقول انها اختفت الحمد لله وراح ازيد اسبوع كمان واشوف ايش يصير الغريبه انو لما كنت اخذ العلاج كانت تجيني تقلصات ببطني ومعاها ضيق تنفس الان ماعدت احس فيها معقوله تكون من البروزاك ولا الشغله نفسيه ماعدت اعرف صراحة هل لان اسباب القلق راحت او لان العلاج ساعدني بس الحمد لله ان شاء الله اني ماحتاج ارجعله من جديد ماخفيكم اني امر بخوف وقلق شوي ان تركي للعلاج يمكن يسببلي مشاكل بس دعواتكم لي اني ماحتاجه وبس

ان شاء الله ماتحتاجينه وأسأل الله سبحانه ان يكفيك شر الامراض النفسيه .... اشغلي نفسك ولاتفكرين الا بالامر الطيب خليك ايجابيه والدواء اصلا وهو البروزاك
خروجه من الجسم بشكل بطيء ولن تشعري بأي شي ان شاء الله

اللهم امين يارب ولك بالمثل الله يسعدك على ردودك الي تطمن

رجعتلي الدوخه 🥲🥲+راسي ثقيل من قدام وحاسه ببدايات نوبات هلع وقلق مستمر وخوف واعوذ بالله من الشيطان الرجيم

وعندي الم بالصدر اذا تنفست مسببلي قلق وخوف وترقب دائم 🌚ماحبيت كل شوي اكتب موضوع كل ماحسيت بحاجة خليت هذا الموضوع مرجع لي

كنت برد عليك وبقولك انتبهي انتبهي تتركينه كذا بس متوقع ١٠٠% انك راح ترجعين وتكتبين الاعراض الي بتصير لك

يا اختي تركك للدواء بهذه الطريقة والتدرج هذا دمااااار جدا لان الي اصابك الان هو انسحاب للعلاج ارجعي للجرعه السابقه ٤٠ يوم ثم ابدأي بالتدرج البطيء جدا

قرأت في منتدى اجنبي تكلم عنه اخونا المتعافي الجديد ان التدرج في بروزاك يكون بطي بمعنى الكلمه حيث انهم يفتحون الكبسوله وينقصون من الماده بنسبه ١٠% من اخر جرعه لمدة ٤ اسابيع الى ٤٠ يوم هكذا يكون التدرج الآمن اما في حالتك اسمحي لي اقولك انها خطأ وكارثه لا انصحك بها

طبعا انا ما اخوفك وطريقتك ماراح تموتك ولا راح تقضي عليك ولكن راح تفاجئك نوبات هلع وتغيرات مزاج قويه صعبه التحمل لذلك ارجعي وطبقي الطريقه الي قلت لك وماعليك الا العافيه

فعلاً هذا الي صار 🥺🥺اليوم صابتني نوبة هلع قويه بعد انقطاع سنه 🥲🥲🥲واحس بخوف شديد لدرجة اني ماعدت ادخل مكان مظلم مدري وش صاير فيني وبسرعه اتأثر واعصب من اي موقف حتى لو كان سخيف مع اني بطبعي جداً هادية الصراحة يوم كنت اخذ بروزاك كنت طول وقتي هاديه ومافي شي يأثر فيني يمكن تبلد مشاعر معرف بس المهم ان حالتي النفسيه كانت احسن انا تركته لانه سببلي مثل الهبوط وصار عندي ارتخاء بالصمام الميترالي وخفقان مدري اذا منه او لا خفت يسببلي مشاكل اكبر بالقلب لكن اخذت موعد وبشوف رأي الدكتوره الحين صارلي تاركته شهر بالشهر هذا صابتني نوبة هلع وحده بس قويه شوي لكن الحمد لله قدرت اهدي نفسي واتمالك اعصابي وطول الوقت افكر اروح للطوارىءبس اقول نفسها نفس كل مره

صح وطلع عندي نقص حاد بفيتامين د النسبة 4 الدكتور يقول كل المشاكل الي عندك من النقص والغي موعدك مع الدكتورة النفسبه واستمري على فيتامين د وراح تشوفين كيف التحسن بالنفسيه والصحة وكل شي اقنعني كلامه صراحة بس بنفس الوقت جداً خايفه ترجعلي نوبات الهلع ماتحملها لو رجعت لانها تعطل حياتي تماماً مدري هل فعلاً نفص فيتامين د يسبب كل هذي المشكلات طيب انا من زمان عندي القلق ونوبات الهلع من كنت صغيره حتى قبل لا اعرف شي اسمه نقص فيتامين د