زواج المريض النفسي
 

ي جماعه ماحد يخبر وحده مريضه نفسيا تبغى تتزوج م يصير اخذ وحده طبيعيه وانا مضطرب هههه والله اتكلم جد

الله يوفقك وتحصل نصيبك
ما اعرف وش مرضك بس إذا كنت فعلاً تبي تتزوج عن طريق النت ابحث عن خطابة واكتب مرضك من ضمن معلوماتك والله يكتب لك اللي فيه الخير
وإذا كنت تعرف نفسك انك ممكن ما تتحملها او تحس انها ما راح تتحملك تقدر تناقش هالشي معها اثناء فترة الخطبة عشان تكونون اثنينكم واضحين وعلى بينة
وما تظلمون بعض
والله يشفيك يارب

مرضي اكتئاب وقلق وعندي الشخصيه الحديه هي سبب كل البلاوي والحمدلله على كل حال

نصيبك بيكون لك سواء كنت مريض او لا ولو ربي اراد لك الزواج راح ييسر امرك مع من يفهمك كثير مرضى ومتزوجين وعادي حياتهم ماشيه

انا مريضه نفسياً ويوم انخطبت زاد مرضي النفسي خوف وقلق وافكار وعقد نفسيه من الماضي لين انا طلبت الانفصال
والحين اتجرع مراره قراري والندم ذبحني

والله مشكله المرض النفسي ماتدري تزوج مثل الناس ولا تجلس حياتك وحداني ولاتقابل دنياك وظايف ولا زواج الله ييسر امورنا ويعدي الايام على خير .. وانتي ان شاءلله انه خيره لك ربي صرف عنك شر

عرفتو اللي مشاعر مخبطه وقت الفرح والاشياء الحلوه احسه عادي ولا له داعي اسوي الشي

احتاج احد يفرمت مشاعري من جديد

والله الزواج صعب جداااا انا دورت كثير ومع الاسف مافي مصدر الا الانترنت والناس العاديه محد يساعد لماتقوله والخطابات بين النصابات وبين اللي عندهم شينات او معيبوات بعيب كبير وكورونا زاد الموضوع صعوبه

الله يكون بعوني و بعونكم بحق أسمائه و صفاته الحسنى و العلى
حسبنا الله و نعم الوكيل

أنا من المعارضين بشدة لزواج المريض أو المريضة النفسية
لأني متزوجة وبسبب المرض حياتي كلها جحيم ومعاناة

اتوقع لو يكون الكل عارف وضع الثاني م بيكون مشاكل

صحيح لكن الغالب لا أحد يفهم معنى مرض نفسي من غير المصابين به

صح بس يدور وحده مريضه زيه وش يسوي

هنا تكون مشكلة أخرى الخوف من إنجاب مرضى نفسيين لأنه في حالة كان الزوجين مريضان فالاحتمال كبير أن يورثوه لأولادهم

يعني وش يسوي المريض ينتحر سكرتي جميع الحلول😅