رجعت من جديد فضفضه ):
 

السلام عليكم
مدري من وين ابدا او حتى ايش اقول
5 سنوات وانا اعيش تجربة غريبه من نوعها ومع ذالك لاني قادر اروح طبيب ولاني قادر اشوف لي حل !
هو اكتئاب هو ايش انا ماني فاهم ابد!!!
جربت زولفت كان مخليني تحت تأثير الي ماهمه شي وراسي وقتها كان ثقيل حيل استمريت 3 اشهر قررت اتركه !
الحين رجعت نفس وضعي قبل خوف ورهبه من الناس ومن الطلعه برى البيت بس جالس بلبيت كذا حرفيًا ولا شي!!
توظفت قلت بيتغير الوضع ويتحسن وبعد سنتين تركت وظيفتي لأسباب اخرى بس برضوا ماكنت مرتاح فيها احس في شي مخرب حياتي ماني فاهم !

ياخوان هذا اكتئاب والا رهاب والا وش تعريفه؟

وهل في علاج له يخليك تنتطلق للحياة وتشوف امورك؟

لما كنت في الجامعه كانت نفس الاعراض خوف وقلق وتعرق والله وكيلك مره قلق قوي !
رحت طبيب باطنيه قال عندك قولون عصبي وعطاني دواء له مش حالك كان مخليني احس بشعور التخدر ناسي اسم الدواء

رحت بعده الصيدلي واخذ دوقماتيل 200 جربت حبه وحده فقط وحسيت معها بشعور رائع على ماذكر
بعد ماعرفت انه يسبب تثدي ومشاكل تركته ولا كملت معاه


خلصت الجامعة تحسب ارتحت لا ياحبيبي كمل مشوار معاي صار رهاب من مقابل الناس ومن التجمعات !!
ولاني قادر اتحرك واطلع من البيت انجز ابسط الاشياء بس عايش في دوامة حول نفسي !


لاتقول رح طبيب ترا ماقدر مره ماقدر

طاقتي 0 بعد ماكانت توب
قلق
هم المستقبل
خوف
شعور فارغ
الله يعين بس !



جربت زولفت مثل ماقلت 3 اشهر اعتقد انه سبب لي نزعه من الاستمتاع بلأشياء صارت الحياة مالها معنى بشكل اقوى من قبل !


والحين اعيش في دوامه الفراغ القاتل .
ابحث عن شي يعيد الشغف لروحي اي شي ساعدوني ):

لاتروح لطبيب احجز جلسة هاتفيه واستشيره وهو بيعلمك اذا هذا رهاب او ايش وبيعطيك علاج وتقدر بعد تطلب العلاج طلبيه مايحتاج تطلع وممكن بإذن الله مع العلاج تتحسن وتصير تطلع طبيعي وترجع لك طاقتك

وايضا يوجد وظائف عن بعد بما ان عندك خبره سابقه حاول تقدم بوظائف عن بعد تشتغل وانت في بيتك ، مثل خدمة عملاء وغيرها وبالتوفيق

ملل بفعل الرهاب الشديد مع إكتئاب درجته خفيف و الإكتئاب أتى بسبب الرهاب

عليك بمكملين عشبيين تآخذهم من الصيدلية و بإذن الله يفيدونك في النشاط و الطاقة و ممكن يعالجون الرهاب اللي عندك بإذن الله

https://l.top4top.io/p_2066b95qf1.jpg

https://e.top4top.io/p_2066q767z1.jpg

الله يشفيك الشفاء العاجل التام
يا رب تشوف النور قريبا

الله يكتب لك الشفاء العاجل
إذا هناك صعوبة من الذهاب للطبيب فالخيارات متاحة أمامك للأطباء عن بعد المتاحين عبر التطبيقات المعروفة
بالأمكان أخذ موعد مع طبيب تشرح له عن حالتك وبحول الله أنها يسيره ربما يصرف لك دواء بسيط بإعراض جانبية أقل وتتدارك الوضع الحالي قبل أن يتمكن لا سمح الله الاكتئاب او الرهاب منك
قدامك العافية يارب ..