بدايتي في السيروكسات
 

السلام عليكم

يا اخوان بعد معاناه طويلة بسبب الرهاب تشجعت اروح لطبيب وكان اليوم وشرحت له حالتي وانا اقترحت له السيروكسات فصرف لي سيروكسات المطور جرعة 12.5 حبة يوميا قبل النوم لمدة اسبوعين ثم ارجع له وخلال بحثي وجدت نسبة كبيرة من المختصين يوصون اول اربع ايام نصف حبة لتجنب اكبر قدر من الاعراض الجانبية ف محتار الان مادري ابدا بنصف او حبة كاملة مثل كلام الدكتور والله انني خايف منها خصوصا من ناحية الرغبة الجنسية الله يعين محتاج فزعتكم الله يعافيكم ويسعدكم

تنسى الجنس خلاص مع سيروكسات

يختلف من شخص الى اخر تأثير الدوا لاكن انا استخدمته سنتين كنت مغيب عن الدنيا جسد بلا روح ماحسيت اني مغيب الا بعد ماتركته

جرب سبرالكس اخف بكثير من اعراض سيروكسات

انا غير متزوج واهم شي بالنسبة لي الان راحتي النفسية
نجرب ونشوف وللمعلومية الاعراض الجانبية تختلف من شخص الى شخص فيه كثير ما اثرت فيهم السيروكسات من الناحية الجنسية بالعكس ساعدتهم بموضوع تاخير القذف ويصرف لمن يعاني من هذي الناحية

ياشيخ الله يعافينا والله انها كلها مشاكل بمشاكل والله يكفينا شرها الفترة ذي بجرب السيروكسات بشوف وضعه والاعراض اللي تواجهني، الصراحة بيومين بس انحلت عندي مشكلة سنين وانا اعاني منها تعرق اليدين والارجل المزمن وانتم بكرامه خفت ٩٠% ولله الحمد

اخوي الكريم اللي يقولون نصف حبه يقصدون السيروكسات العادي لاأنه يجي 20 ملي يأخذوا نصها يعني 10 وبعد كم يوم ياخذوا حبه كامله .
انت تستخدم السيروكسات سي ار والحبه كامله 25 تعادل 20 من العادي .... ودكتورك صرف لك 12.5 يعني نص حبه وهذه جرعه صغيره اصلا
لكن البعض يستفيد منها مع انها تعتبر جرعة ابتدائيه والجرعة العلاجيه 25 .... لكن هو صرف لك نصها لاان حبة السيروكسات سي ار لاتكسر
وعلى هذا الاساس يوجد منها تركيز 12.5 .... واغلب الاطباء يصرف 12.5 وايضا 25 للمريض ويقول له اول خمسة ايام 12.5 ثم استخدم تركيز 25 مره وحده باليوم
لكن طبيبك اعطاك اقل جرعه وبتدرج طويل وهو اسبوعين ....
عموما انا سبق لي تجربته واكتشفت من خلال تجربتي وتجارب البعض ان هذا الدواء ان نجح معاك انتشلك من كل شي
واذا لم ينجح الله يعينك على اعراضه الجانبيه .

اشكرك على التوضيح وفعلا كلامك صحيح XR لا تكسر، الان اليوم الثالث لنا الاعراض اللي حاس فيها للان جفاف في الفم لكن مو قوي مره وتاخير بالقذف الشي اللي مستغرب منه كان عندي تعرق مزمن بالاطراف راح بنسبة ٩٠% والله شي عجيب والله كان مزعج

متحمس للنتائج, والله ينفع به ويكفينا شر اعراضه

الله يعطيك خيره ويكفيك شره
تأخير القذف طبيعي اغلب مضادات الاكتئاب تعمل هالشي

اللهم امين ووياك وجميع المسلمين
وفعلا كلامك صحيح لكن الحمدلله يعتبر ميزة التأخير البلاء من ضعف الانتصاب والرغبة

ابدا توكل على الله والاعراض في السيروكسات اول يومين وبعدها تبدأ انطلاقة جيدة ، اكثر من الماء ، حاول تمشي ربع نصف ساعة اقرأ جزأ او نصف جزء من القرآن ، وامورك تمام
لا تخفض الجرعة ابدا .

باذن الله واشكرك على ردك الله ييسر امرك ويرحم والديك

بشرنا يالغالي عسى امورك زينه مع السيروكسات

الان سادس يوم لي صراحة وضعي جدا سيئ واحس الحالة زايدة معي عصيبة وقلق وتوتر واكتئاب وشهية الاكل صفر ورهاب في اعلى مراحله الامور جدا محبطة الله المستعان اشكرك على سؤالك واهتمامك الله يسعدك يا اخي

اصبر ونخوك طبيعيه هذه الاعراض وتختفي بعد اسبوعين ... لكن اصبر عليها
والله يكتب لك الاجر والعافيه