شنو سبب هالاحساس :(
 

موقفه السيبرالكس من 7 شهور احاول اسيطر ع الهلع والقلق طول اليوم
لكن صار يجيني حاله غريبه بداية النوم واذكر انها صابتني قبل كذا ف بداية تعبي عام 2018 وكل مره اوقف السيبرالكس ترجع لي بعد فتره ..
اول ماابدا انام فجأه افز واقوم ع خوف رهيب واحساس اني بموت واحياناً احس اني مخدره وراسي ثقيل ووقتها اكون خايفه واحس اني بموت او فيني شي خطير وتتكر كثير بدايه النوم الى ان ادخل النوم العميق يعني اغفي وافز 3 مرات يمكن او اربع مرات الي بجمبي يقوم من قوة الفزه انط من مكاني واكون خايفه

حياك الله
مريت اكثر من مره بنفس احساسك
وكلها بعد قطع العلاج وتختفي بعد فتره
لاتقلقين باذن الله راح تختفي قريب
بالتوفيق

شكراً بن دايم

الله يعين ويكتب لنا الشفاء

آمين يارب 🌹

عافاك الله اختي الكريمة
هي فترة و ستمر ان شاء الله فلا تخافي ..
الجسم يحتاج وقت ليتعود على الوضع الجديد ،،
طالما هدا الفزع غير مضر بجسمك فاصبري و ان شاء الله خير

حاولي دائما انك ما تنامي الا اذا اشتد عليك النعاس ،،
و قبل النوم اشربي بابونج هو مهدى ،، او نعناع او اي عشبة مهدئة ستفيدك جدا ..

لا بأس عليك

حبيبة قلبي عسى ربي يشافيج ويعافينا..

وانا بعد بصراحه قطعت الدواء واخاف تيني الحاله مره الثانيه وكنت ادور حد قرر ترك الادويه ..

انت دكتور قالج تركيها ولا من نفسج ..وكم يوم صار لج من تركتيها