ذبابة العين
 

السلام عليكم

محتاجة لردودكم والله اني شايله هم الموضوع بشكل مب طبيعي
ساعدوني الله يخليكم


من زمان بس ماذكر والله يعني سنه ولا اكثر كنت اشوف مثل نقاط سوده في عيني اليسار
تتحرك يعني يوم احرك عيني اول شيء قلت يمكن طبيعي وما اهتميت
حتى ماذكر متى بدا والله عادي يكون اكثر من سنه ،



مادري كيف اهتميت بالموضوع فجاءه

المهم كتبت في تويتر و طلع لي ان في وايد ناس يحسون
وحتى نصهم يسمونها ذبابة العين
لكن قريت وايد اشياء تخوف الصراحه ومادري يعني شو اسوي
انا قايله بروح افحص قريب عشان اطمن لكن خايفه والله


في حد صار له هالشيء او يعرف عن الموضوع
وهل الموضوع صدق يخوف وخطير ولا ؟

عليكم السلام انا الان اعاني من هالحاله وسببها هو القلق الشديد والتوتر لازم تراجعي دكتور يشخص حالتك ويصرف لك الدواء المناسب الي يريحك من القلق وبعدين تروح ذبابة العين على قولتك

حياك الله
شخصيتك قلقيه ولو قريتي 100 سبب طبيعي وعادي وقريتي سبب واحد يخوف راح تركزين على عالسبب
لذلك اكشفي وباذن الله السبب بسيط جداً وسهل
بالتوفيق

الذبابة الطائرة عندي من 8 سنوات . بالبداية انزعجت جداً منها ومن مراقبتها وبعد ست شهور بديت اتكيف معها … فيه فحص يسمى فحص قاع العين ممكن تعملينه للاطمئنان فقط …

ذبابة العين حالة منتشرة في كثير من الناس وليست حالة خطيرة ابدا الا في حال تكاثرها بشكل كبير عندها قد تحتاجين الى مراجعة طبيب العيون لكي يقوم بفحص لقاع العين مثل ما ذكر الاخ أبو علي