وبعدين مع الإكتئاب
 

السلام عليكم
الموضوع هذا اشبه بلفضفضه كوني بدون علاج ماشي على البركه لاكن كل شي ضاع من يدي مستقبلي ، حياتي،، انا اصلن كلي ضايع!
مدري احيان اصحى من نومي الثقيل واول فكرة تنبش في راسي انه انتحر والعياذ بالله مجرد فكره لاكن انا مسلم ومؤمن بربي ومع ذالك هاذي الافكار تنبش في ذاكرتي !

فقدت كل شي تقريبًا وكل شي في حياتي مُمل وباهت اللون ولا فيه شي استمتع فيه ابداً نوم وشاي ووحده خانقه كاتمه
يالله مدري وش الخطأ الي انا سويته عشان يكون هذا عقابي بالدنيا!

طيب والحل كل شي جربته من ادويه عشبيه سانت جون ،جنكا وغيرها ماخليت شي مابلعته !
مافي نتيجه ياناس وربي 0 الصحة النفسية انا في مدينه مافي اطباء نفسيه الا واحد الكل يسبه واخلاقه من طرف خشمه وفي مستشفى حكومي بعد!
كل الي اقدره اسويه انه اتجه للصيدليه واطلب الدواء علا حسابي بس انا جربت قبل سنه بلضبط زولفت ( لوسترال ) جربته عشان الرهاب والإكتئاب في آن واحد بس استمريت 3 اشهر بلضبط ماحسيت الا انه انه صاير متخدر وصاير لامبالي وصاير ماهتم طول وقتي لما كنت على الزولفت كنت حزين مخليني حزين طول الوقت واندب حظي التعيس !

كنت ابي شي ينتشلني من الضعف والتعب الجسدني والنفسي ويخليني فوق هام السحاب !

هل فعلًا موجود هذا العلاج؟
الشي الثاني صحتي الجنسيه بغض النظر انه انا اعزب بس معليش زولفت دمرني وللحين اعاني لا انتصاب صباحي ولا شي ساده كذا!

افكر في ابليفاي او ويلبترين؟

اسف كلامي كثير بس انا شخص وحيد وعايش مع اهلي الي متحمل كثير فرق طاقتي بعد وفاة ابوي شايل البيت كله على راسي وانا توي بصغير بلعمر يعني ياناس متخيلين كل الضرر النفسي الي يلحقني من اهلي ومن اخواني الكبار الي محد حاس وش امر فيه!
مستقبلي شبه ضايع بسبب الرهاب وبسبب الإكتئاب كل اعراضه فيني انا ماني قادر اطلع من الدائرة الي كل شوي الف حولها انا كل يوم اصير اسوا من قبله !

ادري انه الصح انه اتجه لطبيب نفسي وكلامي هذا اقوله له بس وربي مافي حولي طبيب نفسي صاحي !
كلهم بلرياض وهاذي بعد صعب اروح لها


المهم ابي حل؟
وش الاوديه الي اخف ضرر ممكن احصله منها لن ابي شي يعالج حلاتي الرهابيه والإكتئابيه في وقت واحد وبنفس الوقت اثار جانبيه خفيفه



شكرًا لو فعلًا وصلت إلى هنا وقريت كامل السالفة مدري القصه

انا بصراحه خايف من الاعراض الجانبية الجنسية انت حاليا الرغبة الجنسية انخفضت كثير ؟ وهل الانتصاب معدوم او فقط ضعف ؟؟

الابلفاي يقوي الرغبة ربما اكثر الطبيعي بحكم تجربتي لكن انت باوم تشوف حل لأوضاعك الاسرية وبعدين لابد تزور طبيب نفسي ضروري جدا هو يشخصك لان العلاجات ممكن تتعارض ممكن خطة النزول منها تختلف بحيث لو نزلت بشكل خاطئ تجيك اعراض انسحابية قوية فالمسألة ماهي حبة بانادول لابد ان تحذر وتحتاط زين ، جرب موقع شيزلونج ممكن يفيدك لكن لابد من زيارة طبيب ولو مرة بالشهرين موب لازم كل اسبوع يعني موفق والله يشفيك ويعافيك

لايكذبون عليك الي يقولون الاعراض خفيفه خصوصًا لمجموعة ssri بس تتركها الله لايوريك شر تخرب حياتك وشخصيًا ليومك هذا وبعد اكثر من سنة كامله وانا اعاني بل فقدت اصلن شي اسمه جنس وفقدت اهتمامي بشكل كلي ولاحول ولا قوة الا بالله جالس اصلح الي خرب فيني بتجنب كل شي يخرب الحياة الجنسيه لنها اهتمامي الوحيد الي اشوفه فيه متعه حقيقيه بلحياة .

انا كنت استخدم زولفت بحذر واقصى جرعة وصلت لها كانت 200 استمريت ايام ماشفت مفعول وتركتها
وطبعًا غلطتي انه مابي اجرب ادويه كثيره وهذا سبب في انه للحين في دوامة الإكتئاب الف وادور.

اشكر ردك
راح اقرا عنه كثير كثير
وعمومًا انا اكثر شخص حريص في استخدام ادويته واستخدم اقل جرعه ممكنه وارفعها في حال ماشفت مفعول وفي تركها اتدرج لين اتركها واحرص كثير في هذا الجانب ،،
بشوف الموضوع شاكر لك مره ثانيه.

وعليكم السلام ورحمة الله وبركاته ، الأدوية النفسية لا تؤخذ إلا بواسطة الطبيب النفسي أخي الكريم حتى لا تتسبب بالضرر لنفسك ، وبالنسبة للأبليفاي فيجب الحذر عند تناوله لأن تأثيره على الدوبامين يختلف باختلاف الجرعة كما أن تأثيره على الجنس قد لا يكون مرغوباً لأنه قد يكون ناتجاً من تسبب الأبليفاي بسلوكيات ورغبات قهرية عند بعض الناس والسلوكيات القهرية قد تشمل المقامرة والأكل والتسوق والجنس وهذا تأثير لا يُحمَد عقباه وثابت حدوثه عن أبليفاي وحذرت منه FDA إدراة الغذاء والدواء في أمريكا في هذا الرابط :

https://www.fda.gov/drugs/drug-safet...-mental-health

أسأل الله لك الشفاء والعافية .

أهلا و سهلا

بالله عليك لا تحكم على دواء و أنت استخدمته أيام فقط . الأدوية بإختلافاتها لها بروتوكلات معينة يعرفها الأطباء و لها فترة زمنية معينة يظهر حينها مفعولها للتحسن و أنت ممكن لو إستمريت على دواءك لفترة أطول بتشوف التحسن بالتدريج مو على قولتك أيام بس ، لأن الإكتئاب مع الدواء في بداياته يصير فيه تصارع و شيئا ف شيئا يبدأ الدواء يتغلب على الإكتئاب

بعض الناس محتاجين للدواء طول العمر لأن حالتهم مزمنه و الأدوية النفسية تهدي الأعراض لهم و لا تشفيهم بمعنى لو يتركون الدواء ترجع حالتهم مثل أول تعبانين

و البعض حالتهم ليست مزمنه و يستطيعون ترك الأدوية حال تحسنهم

المزمنة أقصد يا إما حالتهم صعبة جدا و يا إيما وراثي بالأساس بمعنى من الطفولة و ورثه من أحد والديه أو الأقارب الأدنين الملاصقين له بصلة القرابة كالعم و العمة و الخال و هكذا حتى الجد و الجدة

اهلاً

صحيح قريت عنه وحتى في حالات كثيره سبب لها هوس جنسي مثلي !
وانا فاضي بعد اجيب لنفسي مصايب في غنى عنها


شكرًا لردك.

ياهلابك الصراحه انه مو ايام تجربتي شهور و3 شهور متصله كفيلة بحكمي على الادويه

وصدقت كل دوا وله طريقة عمل عمومًا راح اشوف لي طبيب او اروح الرياض اتعالج اصرف لي وبإذن الله ماني بتارك روحي كذا تموت بدون علاج

شكرا لك