ارجوكم انقذوني
 

سلام عليكم ياخوان

انا عندي مشكله كبيره .. في دوائين استجيب لهم واتحسن نفسيا ولكن يسببون لي غثيان كبير لوسترال وافيكسور .. ولما استخدم دوجماتيل او سوليان او فلونكسول معهم يروح الغثيان وتجيني مشكله اسوا الخوف الشديد واحمرار الاذنين والقلق .. مالحل برأيكم .. جربت ادوية القولون فيرين وجربت ابليفاي مفي فايده .. دواء ليبراكس هل هو موجود او لا وهل هناك حل

اهلا اخي الكريم
الف سلامة عليك
جرب خفف الجرعات يمكن تحس حالك احسن
وان شاءالله تستفيد من الاخوة الاعضاء
من خلال تجاربهم

مافيك الا العافية🌹

بالبدايه لوسترال يتعب المعده بس بعد فتره يروح الغثيان وايفكسور مايسبب غثيان ابد اعتقد المشكله من المعده عندك قرحه او التهاب صدقني الأدوية ماله علاقه

سويت تحاليل وكل شي قالوا سليم قولون فقط🥲

تقليل الجرعات والتدرج في والاستمرار فترة كافية عليها

أظن ذلك يا طيب بيكون في أول ثلاثة أسابيع وبعد ذلك بتذهب هذه الأعراض

القولون العصبي هو راس كل مشاكل البطن والمزاج السيئ لانه يتأثر ب نوعيه اكلك و نفسيتك

شوف ياغالي اول ماتقعد من النوم اخذ حبة ديكسيلانت 30 m للمعده بعدها بنصف ساعه اكل وجبتك وبعدها ادويتك وان شاء الله يذهب الغثيان في حالة ماتحسنت الله لايهينك اشتر من الصيدليه طحانة الادويه علبه صغيره تحط الحبه وتفر المحبس وتنطحن الحبه وتصير مثل الطحين وتلهمه مثل اللهوم وتشرب عليه الماي لمدة كم يوم حتى تهيئ معدتك للدواء وبعدها تاكل ادويتك عادي وان شاء الله تضبط بس اهم شي حبة المعده الي وصفتها لك اتمنى لك الشفاء والثواب ..