نفساني - حكمه وذكاء امرأه

السلام عليكم ورحمة الله وبركاته

ساروي لكم قصه هذه القصه حصلت في وقت غير بعيد(عند الاولين)

(بالعامي طبعاa:aa:9 )

كان مره في بنت من اهل الشمال ,كانت هالبنت ذكيه وحكيمه وسنعه
وخطبها ولد عمها والـمـشـكـلـه ان ولد عمها هذا خفيف وطايش ووافعاله
مو افعال رجال ينشد فيهم الظهر,البنت احتارت وضاق صدرها كيف تقبل به وهذا طبعه ما يقوم بيت ولا ينشد فيه الظهر على قولتهم,وان ردته ورفضت تتزوجه زعل عليها ابوها وزعل عمها وصارت قطاعه ,ويمكن يغصبونها
عليه بعد :(المهم البنت وافقت عليه على شان خاطر ابوها وعمها,

المهم يوم تزوجته تحاول تغطي عليه وما تبين عيوبه واذا جو الرجال
قهوتهم وكرمتهم وحشمتهم,وتدورله العذر انه مو في البيت وبدأ
يرتفع قدره عند ربعه بسسببها وسناعتها ,

يوم جاء يوم من الايام اتهمها في انها تعرف واحد من هاللي تقهويهمa:aa:7
وهي بريه (وطبعهم عادي الحرمه تقهوي الرجال وتضيفه وتقوم بالواجب
اذا زوجها مو موجود)بس هو طايش وما يوزن الحكي..........

فكرت في حيله تادبه فيها وتخليه يوزن حكيه ويعرف قدرها,

(تعرفون من اول معروف ان التمر الرطب مايجي في الشتاء ابد ,هي خذت اربع تمرات رطب في ايام الصيف وحطتها في شحم(سمن)وخلته يجمد على التمر
وبهالطريقه مايخرب الرطب الي ان يجي الشتاء وهالطريقه ما يعرفها احد ابد
الا هي في هذاك الوقت)

المهم يوم جاء يوم من ايام الشتاء ذوبت الشحم (السمن)وجابت الرطب
وهي تقهويه والرجال استغرب قال من وين جبتيه الرطب ما يجي
في الشتاء ,قالت له عندي منه كثير خلنا نعزم ابوي واخوي وابوك
بس محد معاهم ونفائجهم بالرطب الرجال فرح a:aa:5 وراح عزمهم
يوم جو المازيم قال هو :جيبي الرطب يا مره .هي سوت نفسها مستغربهa:aa:7
وقالت وش تقول رطب مافيه رطب في الشتاء وانت وش فيك,
هو تحمس وقال اقولك جيبي الرطب اللي من شوي جبتي لي
قالت:انا ما جبت رطت ولا شفته خبرتوا رطب في الشتاء؟
هو انفعل ورفع يده عليها.....وابوها واخوهاوعمها موجودين
هي جلست تصارخ وتولول وتزيد في صارخها ورفع صوتها
وتقول:
[هو دايم يسوي كذا ويخرف من عقله وانا اسكت واغطي عليه
واني سالت حـــــكـــيــــم وقال دواه اربع كويات في الراس
وتعاونوا عليه ومسكوه وكوه في رأسه اربــــع كــويـــات]

وقالت له :والــــلـــــه ان مـــأ تــــأدبــــت ان تـــــاخــــذ مـــثــلـــهم
اربــــــع:):)