|
سامي الحربي في هوليووود
السلام عليكم ورحمة الله وبركاته.........
كيفكم اخواني واخواتي بعد غياب اعود اليكم بهذا الموضوع..... سامي الحربي في هوليووود aaa::aaa7 بعدتفكير طويل ونفس عميق صملت اني اروح لامريكا واتمشى في احد ولاياتها ومنها بعد اني اشوف وشهي من ((لحيه))وارسم صورتها في راسي لاني من ايام الابتدائيه وانا ما اسمع واشوف الا امريكا حتى في الافلام ((الاكشنيه))اللي ساحرتني وغارقه عقلي ابطالها امريكيين,المعنى ولمت اشغالي وحزمت شناطي مع ان الوالده الله يسلمها حلفت علي اني اشيل معي كيسه تمر(((كنيز))) وحافظة فيها ((عصيد)) تقول ان عندهم برد, مشيت للمطار وحملت اشغالي وركبت الطياره وكان المقعد اللي انا فيه جنب الدريشه حقت الطياره يعني معناها اني ابي اخذ راحتي واتلص في الجو((وملحقاته))......(((حتى اللقافه وصلت السماء))) وكلها كم ساعه وتحط الطياره رحالها((يمديكم على رحالها))في مطار كاليفورنيا,خذت القش حقي ورحت ادور تكسي عاد انا يا محاكيكم ارطن اشوي عنجليزي وماخذ كل احتياطاتي من السرق والنهب لدرجه اني حاط فلوسي وحلالي كله في ((ربزه الجنز)) ولا الذباب الامريكي الازرق يدري عنه, المهم لقيت هاك السواق (((الزنجي))) قاعد يمسح موترة ((بخرزه حمرا)) وشكله فاضي ويحتري زبون وجيت يمه وقلت (((هاي نيقرو)))انا قلتها والا لا, وهو يمسكني مع الكرفته ويرزح بي على كبوت موتره وانا منهبل؟ وش فيك, وش جاك؟ وهو يبقس ويدحج ويقول ((( اوكي وايت مان)))(((اي ويل كيل يو))) دربت ان السود ما يواطنون كلمه ((الزنجي)) وبلغتهم النيقرو وانا احسب الدعوى عاديه مثل اذا قلت للسوداني يا زوووووول, فكيت روحي منه بحركه من حركات جاكي شان وقلت له ((انا منيب وايت مان))((انا قلابي مان)) ابيه كود يضحك ويهداشوي لكن ما حولك احد وتعذرت منه وعطيته خمس دولارات رضاوه وعلمته اني ضيف عندهم ولازم يحترموني ((تكفى يا ولد تشارلز)) عاد هذا الزنجي تفهم الوضع وخذ الشنط وحملهن موترة ومسح الدم اللي على خشتي بخرزته الحمرا لكن خلوا عنكم ياهو بقس لدرجه انه من قوته قلت (((((يمه متى تبين السوق))))) ضيعت الله يخلف, وشاف الحافظه وهو يحمل الاغراض وخاف ان فيها بلاوي يتورط بها وقلت له هذا ((ايت)) وهو اللي ما يشاور ويفكها وويوم ذاق هالعصيد ويجوز له ويقعد يدبغ فيها الين قامت تلاصف الحافظه وصارت اخت الجديده من التلحيس وركبت معه وسالني وين دربي ؟وعلمته اني ابي هوليوووود وتشكى انها بعيده وانها حاره في وسط لوس انجلوس يعني يبي زياده فليسات وقلت له انت رح ومايصير خاطرك يا ((الاجودي)) الا طيب ايه لاحد يطالع اللي فيه خير يقله نيقرو... ههههه والله لايشوف نجوم الليل بعز الظهر والمشكله ان هالسواق الاحظه كل شوي يكلم بجواله وويقعد يناظرني ويضحك؟ وانا افسرها على الزينه واقول يمكن انه يتكلم عن العصيد ويمدحه ويوم وصلنا هوليووود نزلني في حارة تروع كلها براميل وسيارات مدردعه وقف وقال ::: ولكم تو هوليووود, قلت له:::وش ولكم؟؟؟ انت ورويسك.....وين السينما حقتهم ووين ارلوند وسلفستر وووو وعلمني انهم بيجوني الحين وانه توه مكلمهم ومواعدهم علشاني وانا اللي تطير بوهتي من الفرحه واعطيه فلوسه معها حبة راس (((لا والله يخسى النيقرو ما حبيت راسه))) ويوم جاء يروح قال ((ثانك يو فور اسيد))((عصيد)) هزيت راسي وقلت جعلك للاسيد اللي يحرق قلبك((قلتها في نفسي طبعا)) وما مداه يروح عني الا ويطب علي مجموعه ((نقاروه)) زنوج اللي رابط راسه واللي معه عود يتراقص به واللي كاتب ذراعه((سرا ليل البلاك مان)) واللي كاتب على صدره ((يسقط الوايت مان)) وانا احسب ظني ان كلمه يسقط مغير عندنا بس ما نشوفها الا على البراميل الصفر حقت البلديه وبيبان الحمامات ((وانتو بكرامه)) المهم اجتمعوا علي دواره وحجروا لي (((صرت قطو))) صارو ربع الماخوذ راعي التكسي ((جعله ما يحدر العصيد))اللي ما اكله وهقني معهم وجاني واحد منهم وقال ::((اوكي مان))واشر على ربعه وطبو طبة رجل واحد قصدي زنجي واحد وسرقوا اللي معي كله وفتحوا شنطتي ولقوا خلاقيني وكيسه التمر((الكنيز))وقاموا يقلبون الكيسه وما يدرووون وشهي؟ وجا واحد منهم يمي وانا مربوطفي برميل عندهم وقال ((وت از ذس))؟ وانا اللي بحل عمري لكن جتني هاك الفكره اللي ما تسورب الميه قلت له ((اوكي ابو نقر))((((ذس از ...... بومب))))؟؟ يو هاف تو منت بس ؟ والايوم نحاش ونحاشو معه ربعه وفضت الحاره منهم وبقت مشكله الحبل اللي انفكت مشكلته يوم جت هاك العجيز المحليه اللي ماقصرت معي ونحرتني وقطعت الحبل بضروسها((هبي يالوايتيه مان))ما طاحت ضروسها ولو هذا كبرها ؟ المهم عطيتها كيسه الكنيز هديه لها وقامت تطلب وقالت (( قو جعل ماي قاد ... يسهل دربك)) وانا اللي احط رجلي للشارع العام ابي اقرب تكسي باللي هوبه بس بشرررررررط يكون التكسي سواقه وايت مان كلش (( ال نقرو))لا يقربوني ابددددد ابوهم ابو من جمعهم كانو يبون يذبحوني... ترقبو الموضيع القادمه هذا الموضوع من البريد لدي اخوكم سامي الحربي aaa::aaa20 aaa::aaa18 |
ههههههههه
ما قصرت يا خواجة اضحك الله سنك اشوف انت و القريشية صايرين تنافس بخفة الدم الهي يجعلها في ميزان حسناتكم يوم تخلون الواحد وسط الهم يضحك جعل ماي قود يفقكم و يحوط يور لايف بالسعادة |
ياحليلكم وياحليل سواليفكم
هذا درس لكل من يحب يسافر لبلد الوايت مان عشان ما يتهور ويغلط مع البلاك مان ههههههههههه صايرة ارطن عنجليزي مشكور اخوي على الحزاية هذه |
هههههههههههههه
ثانكس مستر سامي الحربي الله يفرح قلبك مثل مافرحت قلوبنا وضحكتنا بهذي الستوري ولك تحياتي من اختك: ضي النجوم |
أهلا بعودتك أخوي سامي بعد الغياب 000 نتمنى لك التوفيق 000
روحتك لهوليوود روعه 000 واصل ابداعاتك 0000 قطرالندى 00000 |
حياك الله اختي روح الامل
انا خواجه انا مو خواجه انا وايت مان شكرا على مرورك والاخت القريشيه انا من ممن يتابعون مواضيعها وهي دائما في الطليعه ((صارت دعايه شل)) .......... اختي الم وامل شكرا على مرورك طيب بما انك تتكلمين عنجليزي انتبهي من (((ال نقرو))) وحياك الله وشكرا على مرورك .............. اختي ضي النجوم ولكم ان اني تايم واشكرك على مرورك وتفاعلك مع الموضوع ولكي تحياتي ................ اختي قطر الندى الله يوفق الجميع واشكرك على الترحيب بعودتي ولكي فائق التقدير والاحترام اخوكم سامي الحربي |
هههههههههههههههههه ""ال نقرو"" هاه
الله يعطيك العافيه اخوي سامي الحربي من جد والله اعجبتني اكمل مسيرتك |
aaa::aaa7
:)نيقروا... هههههههههه عليك كتابة قصص.... عاشقة الرياح...القاتلة... |
سامي أنا من شفت (( الخرزه الحمرا )) وأنا أقوول سامي من وين جاب هذي الكلمه من وين من وين من وين وين وين ؟؟؟....بس على فكره هي مهي خرزه هي خرتزه عاد هذي مافي أمل تحصلها ببببببخخخخخخخخخ
بس صراحه عجبتني سالفه الكنيز والبومب الله يوسع صدرك بالعافيه يا أخينا |
المظلوم
حياك الله والله يعافيك واشكرك على مرورك .............. عاشقه الرياح حياك الله وشكرا على مرورك وتفاعلك ........... لمياء اشكرك على تفاعلك وعلى بذل المجهود لفك الشفر وامين يارب ويسعدكم ربي اخوكم سامي الحربي |
هههههههههه.....هههههههههه
اخوي مستر سامي الحربي ويلكوم باك فروم هوليود ياخوي انت رهييييييب وسالفتك هذي رهييييييبة...روح ... روح ياشيخ اضحك الله سنك على هلـ مغامرة اللي اضحكتنا وانستنا فيها... وبأنتظار جديدك... والله يعطيك العافية مع تحيات... الكاشف |
يور ترب از فيري كول ...
والله تخيلت شكلك انت مدبوغ.. تعيش و ناخذ غيرها الله يعطيك العافيه على هاالسرد المشوق take care "moon light السلام عليكم ورحمة الله وبركاته |
أخي سامي الحربي ....اضحك الله سنك
وغفر ذنبك ووسع رزقك |
اخي الكاشف
حياك الله واتمنى ان اكون عند حسن ضنك ......... اختي ضوء القمر وعليكم السلام ورحمة الله وبركاته حياك الله وشكرا على مرورك وتفاعلك ومشاركتك واسأل الله ان يسعدك سعاده لا تشقين بعدها ......... اختي القريشيه حياك الله وشكرا على مشاركتك وبارك الله فيك واللهم امين ولكي بالمثل اخوكم سامي الحربي |
عشان ماعندي جديد ابغى ارفع الموضوع
لحد يعاااارض هههههههههههههههههه طيب شكراااا up up up up up احد يرفع معي اخوكم سامي الحربي |
| الساعة الآن 01:08 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا