|
تعرضت لتجربة قلق شديدة و من وقتها و انا تعبانة
السلام عليكم ورحمة الله وبركاته
تعرضت الصباح لموقف سبب لي قلق شديد و من وقتها و انا قلبي يرجف ماني قادرة اجلس مكاني و لي شهر و نص اتناول البرنتلكس ما ظهر مفعوله وش الحل |
وعليكم السلام ورحمة الله وبركاته
بسم الله عليك خيتي ماتشوفين شر اذكرك تتناولين جرعه بسيطه جداربع حبه مدري نص حبه صدقيني ماراح تسويلك شي ارفي جرعته جرعته عشرين وان شاءالله قدامك العافيه ربي يشفيك ويعافيك ويحييك حياة سعيده |
والله غريبه أنا البرينتلكس اشتغل معاي من اول أسبوع كنت آخذ 10 مل والأسبوع الثاني رفعتها 20 مل وكان ممتاز بس المشكلة سعره غالي
|
حياكم اخواني راعي المدى و عمار
انا جرعتي ١٠ ملجم جزاكم الله خير |
وعليكم السلام ورحمة الله وبركاته
جربي الاندرال مفيد للقلق أنا يأتيني قلق من القهوه والشاهي وهذا القلق يجعلني استهلك اكثر حتى تصبح تريد شيءً لا تعلم ماهو كانك نفسك تقول عليك ان تعمل شيء لهذا وانت لا تعلم ماهو هذا الشيء |
حياك اخوي بدر موسى
إن شاء الله اجربه و كذلك ابغى ارجع اتناول سيروكويل بإذن الله تعالى اليوم بعد صلاة الفجر بغيت انجن خوف شديد لدرجة اتعرق و بنفس الوقت ميتة برد و تنميل في اطرافي و قست السكر لقيته مرتفع ١٢٠ مع ان لي فوق ١٢ ساعة ما اكلت و غثيان فظيع لدرجة ودي استفرغ كذا مرة بس ما استطعت ما غير ادور في نفس المكان لي فوق شهر لدرجة نقص وزني كثير و بموت من ألم المفاصل و العظام . بدون مبالغة ادور مكاني فوق ساعتين متواصلة ثم اريح كم دقيقة ثم ارجع ادور حتى الم جسمي ما يثنيني عن الدوران احس ابطير و بسبب قلبي اللي يخفق ما يوقف خفقانه أعوذ بالله زي الماطور اللي يشيلني و يحطني . عجزت اسيطر احس ابنجن ماعاد افكر بشي من المهام اللي إنجزها يوميا و كل ما زاد الخوف قيدني الوسواس يعني وسواسي مرتبط بتأجج الخوف الحين مو يقولون برنتلكس للهلع ليش للان ما فاد معي ؟ مدري ليش زاد وضعي الايام اللي فاتت مع ان امس فقط الصباح تعرضت لموقف سبب لي قلق شديد |
و السيروكويل لو باخذه بالليل يبي يختفي اثره بالنهار
وش الفايدة انا اكثر ما اتعذب بالنهار من بعد صلاة الفجر مباشرة لين العصر في عالم ثاني من الخوف و العذاب ثم بالليل اكون أكثر هدوء و إذا أخذته بالنهار يبي يجيب لي كسل و خمول طول النهار محتارة مدري من متى أبدا |
اسال اله العظيم الحليم ذوالجلال والاكرام
ياختي لازم تعرضين نفسك على استشاري اذاكنتي من الرياض انصحك مركزالجامعه الطبي |
السيروكويل لازم في ليل تأخذينه ألانه هو منوم ومضاد للذهان ويكون على حسب الجرعة وفي سيروكويل اكس ار 150 مل المطور مايسبب نعاس ومفعوله يبقى فترة طويلة في الجسم
دواء برينتليكس دواء ممتاز أنا استفدت منه من اول أسبوع للقلق والرهاب بس مثل ماتعرفين يختلف من شخص لآخر افضل مضادات الاكتئاب للقلق سيروكسات سيرتالين سبراليكس برينتليكس هاذي الأدوية حسب تجربتي افضل مضادات الاكتئاب تعالج القلق وفيه أدوية تساعد على تخفيف القلق ومحسنة للمزاج ومفعولها فوري اسمها أدوية البنزوديازيبين منها :الفاليوم /زانكس /اتيفان والقائمة تطول |
أختي الكريمة سبق ورددتُ عليك من قبل في موضوعك الآخر بخصوص هذا الأمر وسأقتبس لك ردي هنا مرة أخرى :
اقتباس:
|
اقتباس:
اللهم امين يارب العالمين جزاك الله خير على خالص دعواتك ماني من الرياض جزاك الله خير |
اقتباس:
كانوا يخلوني انام ٢٠ ساعة لين ضاعت حياتي و الفافرين دمر لي جهازي الهضمي انواع الحرقان و الغثيان و الاوجاع لذلك قلت بما ان البرنتلكس ماخلاني انام المدة الطويلة ذيك قلت ابستمر لانه ولد عم السيبرالكس قلت ماراح يبعد عنه في المفعول |
اقتباس:
لان الأدوية اللي سبق تناولتها كانت تخليني انام ٢٠ ساعة متواصلة و بما انه من فصيلة السيبرالكس قلت بنفسي يبي ينفعني بقدرة الله و اللي شجعني انه غير منوم انا لي شهر و نص اتناوله قلت ابعطيه كمان اسبوعين بس فعليا تجننت من الهلع و الخوف اللي ملازمني بالنهار لدرجة ان الأكسجين ما ينفذ للرئة اختناق و رجفة و غثيان انا اسمع ان نوبة الهلع تستمر ثلاث دقايق انا تبدأ من بعد صلاة الفجر مباشرة لين قريب العصر متواصلة لدرجة الام فظيعة في الأقدام و الساقين من كثرة الدوران ما استطيع اجلس الا للصلاة او دقايق معدودة انهار فيها ثم اواصل المشي السريع و الجوع و لا أشعر فيه لو استمر ٢٠ ساعة بالعكس الغثيان يمنعني يعني لو أعطيت البرنتلكس فرصة اسبوعين ما يبي يجيب نتيجة بقدرة الله ؟ شاكرة لكم جميعا تجاوبكم لا خلا و لا عدم و ربي ما يريكم مكروه لا في أنفسكم و لا احبابكم |
بعض الأطباء يعتبرون برنتلكس دواء من مثبطات امتصاص السيروتونين الانتقائية أو بالانجليزية SSRI وهي نفس فصيلة السبراليكس وغيره ولكن الحقيقة أنه ليس من هذه الفصيلة بل له فصيلة خاصة به تسمى serotonin modulator and simulator أو اختصارا ً SMS فهو يثبط استرداد السيروتونين كما يعمل كناهض لمشتق السيروتونين 5ht1a ومضاد لمشتق السيروتونين 5ht7 إلى جانب بعض المشتقات الأخرى للسيروتونين .
ولذلك لا تتوقعي منه أن يكون مشابهاً لسبراليكس في المفعول ولكن لا بأس بانتظاركِ أسبوعين آخرين لعل الله أن ينفعكِ به . |
حياك الله اخوي
تدري انا وش اللي مصبرني اخاف تصيبني متلازمة التنقل بين الأدوية و اتعذب بالاعراض الجانبية لكل علاج غير التكلفة المادية المرهقة للأدوية شفت كيف كثير من اخواننا الأعضاء يعدي على كل الأدوية في شهور بسيطة يتنقل ما بين دواء و دواء لدرجة البعض ما يمديه يكمل اسبوع الا انتقل لعلاج اخر لانه ما يتحمل الأعراض الجانبية الشديدة للعلاج يتعاملون مع الادوية النفسية نفس تعاملهم مع أدوية الزكام ، يبونها تشتغل في كم يوم حتى وصل ان البعض منهم يرجع لنفس الأدوية و هو ما كمل العام تدري مع ان ما بعمري وصلت لهذي الحالة من الألم و المعاناة اللي يشهد الله اني اتمنى الموت من الفجر للعصر و ما عمري حسدت الأموات الا بالفترة الأخيرة من استخدامي للعلاج هذا رعب فظيع ملازمني طوال الوقت حرفيا من بعد صلاة الفجر ما يمديني انتهى من صلاتي الا انا انسانة ثانية لا تسمع و لا تشوف كأنك ضغطت على زر الماطور يبدأ قلبي يرجف و لا يمكن اجلس ما غير ادور لين تتورم مفاصلي و تلتهب عظامي من شدة الالم الأكسجين ينعدم اختنق و غثيان و صداع و الام بالبطن كأني في قاعة اختبار و انا ما استعديت للاختبار غير كل الوساوس بأنواعها تهجم علي احترت ما عندي مدعم غير السيروكويل و للان ما استخدمته يارب انظر لنا بعين رحمتك و لطفك و داوينا جميعا من غير دواء |
| الساعة الآن 09:01 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا