نفساني - عاجل الى أ العنود الفاضله

السلام عليكم ..
اختي الكريمه,, هذه الاجوبه على اسئلتك
لموضع ((الشعور بالخوف ))
و اعذريني انا لا استطيع الاتصال بكم بسبب ظروفي aaa::aaa5

و الاجوبه :

1- تخاف من حدوث أبسط الأشياء بالذات إذا حد فينا مرض أو صار له شي لو بسيط .. وايد اتخاف علينا بشكل غير طبيعي ..ودايماً أقولها هذا ذكر من الله واحاول اطمنها لكن بدون فايدة ..أو لو سمعت أحداث سواء بالتلفزيزن أو فلان صارله حادث على طووول تتأثر ..

2- الأعراض الأخرى : أفكار سابقة لأوانها ..يعني طفلة مثلها أستغرب على طريقة تفكيرها بالأمور الي حوالينها ..ودائماً تحس بتأنيب الظمير لا اعلم لماذا ..ومرات بالليل حتى تلاقيها توعا من نومها تذهب لتقبل راس الوالده واختي الصغيرة .. و تقول مرات عندما تذهب للنوم تبكي كثيرا وماتخلينا نشوفها ..تقول عقب ماتبكي ترتاح وتنام ..ويوم اسألها ليش تقول مادري ..!!الود ودها تبقى بحضن امي ليل نهار أو حضني أو حضن اختي الكبيرة .. يعني موعارفة لها الخوف سبب ..

3- لا بصراحة لم تذهب المستشفى بخصووووص هالخوف لكن اتذكر عندما كانت 8 اشهر صابتها حمى .. والحمه أثرت عليها وصادها مثل التشنج ..وماكانت تتحرك ابد ..و وجهها صار لونه اخضر على ازرق ..يعني وكأنها غيرحية لأنها ماكانت تتنفس ..فذهبت المستشفى و لا ادري ..تقريباً خذوا من النخاع ..مادري ايش اللي صار بس اذكر هالشي ..

فمرات يدور ببالي إن هالشي له تأثير على شعورها هذا..

4-هل تشعر بالقلق والخوف من تكرار شعورها بهذا الخوف ؟؟
نعم يتكرر ويزيد خوفها لمجرد انها تتوه وتتعجب من احساسها بهالخوف ..واتقول انها تتمنى انها تكون مثلنا ..

5-هل تحاول تجنب الخرورج لبعض الاماكن خوفا من ان يحدث لها هذا الشعور بالخوف؟؟
نعم تخاف.. مثلاً : لو تذهب هي واختي الكبيرة لبيت قرايبنا من غير امي أو أنا ..تخاف وتتمنى ان حد يردها البيت وماتبغى اتنام عندهم ..
يعني غير بيتنا ماتقدر تنام ..وفي نفس الوقت تريد تطلع وتتمشى وتشوف الناس ..لكن مشكلها الليل اول مايبدى يظلم الوقت تبدى تحس بهالإحساس ..هو صح مو يومياً في هالفترة يحدثلها هالشي لكن اغلب الأوقات ..

وعلى فكره هي حبوبه وفرفوشه ..وانا كأخت لها ..ماأصدق متى ارد البيت من دوامي عشان بس اقابلها ..لأنها منكته ولو كنت غايص بهمومك تطلعك من الإنت فيه ..لكن في نفس الوقت تتأثر لأنك متأثر أكثر منك وتصيح أوقات إذا كان الموضوع اللي يعنيك حساس سواء اتعرفك أو ماتعرفك ..

اتمنى أكون رديت على الأسئلة كلها ..واتمنى القى منكم العلاج السديد لتصرفاتها ..

وجزاكم الله خير ..و جعل جهودكم في موازين اعمالكم