وش تسوون إذا .....؟
 

يا عالم سين سؤال

ممكن؟

وش تسون إذا محد يعطيكم ويه؟

أو دايما يسكتك؟

دايما هالحالة معاي وش أسوي ؟

و خاصة مع أهلي .... و بالأخص أمي


الله لا يحرمنا من مشورتكم

اذا صارت معك الحاله هذي مرة اخرى
قولي لها
يا امي العزيزه نحن في بلد الحريه والديمقراطيه
نحن في الكويت دعيني آخذ راحتي في الكلام والخرط والا
هدديها بالهجره الى بلاد..................؟؟
وهي ان شاء الله بتقدر وتراعي !!!

المشكلة مو بس في الحكي

لكن المشكلة حتى لو تكلمت محد يسمعني
و لما أقول لهم .... _ في نهاية الحديث _ زين , أو ما شابه ... يوافقوني
الرأي

لكن أعرف إللي معاي و إللي مو معاي

أول شي أشوف بؤبؤ العين يتسع

ثاني شي أشوف العين ثابته

وتكون العين مركزة على شي

أو تكون على شي غيري

و تشوفين الوجه يميل إلى البياض المصفر

.............................الخ

و أشياء كثيرة ... في علم النفس تؤكد انهم مو معاي

حتى لو تكلمت إذا ما سكتوني ... يتجاهلوني

وش أسوي؟

لاتزعلي حبيبتي حتى انا اهلي كلهم كذا
عالبالهم انا ماافهم الله يصبرني

:) بصراحة موضوع جميل و اود المشاركه فيه بعد اذن الجميع :
اختي الكريمه douha في السابق كانت الاسر وخصوصاً العربية تمتثل الي تقاليد وعادات صارمه بعض الشي و كثير من العائلة تمتثل الي هذه النوع من الشده في المعاملة او الحزم ولكن هذه جميعه غير ظروري فافي الفتره الاخيره التي نعيش فيها تغيرة كثير من الامور و خصوصاً عن كبار السن بدا عليهم التطوير الذهني و النفسي ايضاً و تواكبهم مع هذه العصر .

و بخصوص ما ذكرتي انهم لا يهتمون الي رائيك هذه السبب بسيط جداً وهو ان الوالدين مهما كبيرتي في نظهريهم انتي صغير واعذريني يبدو انكي من النوع التي تقاطعين الحديث اثناء تدث الكبار و هذه السبب قد يجعل الاخيرين يتصرف معك في هذه الطريقه وهي عدم الرد عليك او انهم يبدون بعض التصرفات الموضحه بلغلط لكي وهذه ما لا اريد ان يكون بنسبه لكي

ولكن انتي ومن خلال ما قراءة لكي في هذه المنتدى انكي تملكين العقل الكبير و حسن الاختيار في المواضيع و لكن انظري الي جميع الزوايا من حولك ستجدين الزواية الغلط فصلحيها و تنحل جميع امورك

واتمنى اني استطعت توضيح ولو شي بسيط لمساعدتك .

متني لكي التوفيق الدائم والي اخواني في المنتدى

هاااي
اختي ميريام شلونك .... شغلتي بالي عليك ...
طمنيني

مشكورة على مرورك

الله لا يحرمنا من ضحكتكم الحلوة

اخوي ...a pre??????ion

الصراحة كلامك حلو .... لكن من ناحية التقاطع

لا إذا مع صديقاتي ممكن شوي .... لكن إذا مع إللي أكبر مني
يستحيل

هي السالفة مو بس تجاهل هي أكثر من كذا .... يكعموني ( يسكتوني )
إذا قلت ب قالوا بعينك الوبا

وش أسوي

شلونك اختي سموري ؟

إذا على حالة الحقران .... كم مرة أسويها ... لكن هم يعطوني طاف

و كان قريتي موضوعي ... مال عيد الأضحى .. العيد إللي تسمونه عيد

تدقرت فيه ... و قعدت في داري 5 أيام ... لوما القشابير إللي عندي
في الدار كان أنا ميته ... عايشة خمس أيام على كيك ... و ياريت راهي
كل يوم أكل كيكة وحدة ... و أقول يمكن يحسون إن عندهم بنت يطلون علي

لكن عمك أصمخ ... كلهم طااااااف ما يعطوني ويه ...

شسوي ؟

الله لا يحرمنا من ضحكتكم الحلوة

والله تبين رايي بالنسبة لي إذا طنشتني أمي أو سفطتني خلاص على طول ألبي رغبتها وأسوي نفسي ولا هامني وأقطع أي حوار بيني وبينها ولا أقولها اي سالفة او شي يصير معي وحتى لو إضطريت أضل على هالحالة فترة طويلة المهم هي تحس ولما تجي تسألني( ليش متغيرة علي أو ليش صايرة مكتئبة) اقولها( مش هذا إلي تبينه إنتي؟ مش هذي رغبتك؟ما تبغيني أقولك أي شي وما تبغيني اتكلم معاك!؟خلاص أنا بمشي على إلي تبينه ).
وخلاص صدقيني بعدين هي بتحس
جربي وبشريني نفعت معهم واله لا

تحياتي لجميع الأعضاء
حزينة نص ملطوعة

اختي حزينة :

سويت هذي الشغلة لكن .... لا حياة لمن تنادي

أصلا هم مستانسين عشان انا ما أتكلم .... ما همهم وش يصير معاي مهما كان


ودي طريقة أخليهم يتحسفون ليش ما أكلمهم

أنا حاقرتهم هاليومين لكن ما أقدر أبي أتكلم مع أحد ... ما عندي أحد

أتمنى تجي المدرسة عشان أكلم صديقاتي ... ليش يسون معاي كذا ؟

ليش مو بنتهم أنا ... محد يسمعني بنت العبدة أنا ؟ و الله أنا بشر من لحم ودم
محد يحس فيني ...

صحيح إن عندي صديقاتي في المدرسة يسمعوني ... بس أحس إني مثقلة
عليهم بمشاكلي ... مع إنهم ما يقولون شي .. لكن أحس فيهم ...

ما كو غير ضحى صديقتي الوحيدة _ الله يرحمها _ إللي كانت تسمعني
دون تملل ... و الله حاسة الدنيا فاضية من غيرها

إللي يشوفني برة أضحك و أتكلم ما يقول إن عندي هموم ... لكن أنا
الهم بعينة ... على قولة أخي المظلوم :
موكل من يضحك معناته متهني بحياته بعض الناس عزت نفسه تكتم معاناته

.................................................
وش تبوني أسوي ؟

ليل و نهار أدعي ربي . إنه ياخذ روحي و أفتك

محد حاس فيني

أدري أذيتكم بمشاكلي ....لكن تحملوني ....

متضايقة نفسيا أبي أتكلم مع أحد